Behs2-tggso

မိဘပြည်သူများခင်ဗျာ

ကျွန်တော်တို့ ဗကသများအဖွဲ့ချုပ်၀င် ကျောင်းသားသမဂ္ဂရဲဘော်‌တွေအနေနဲ့ ၂၀၂၁ ခုနှစ် ဖေဖော်ဝါရီလ စစ်တပ်အာဏာသိမ်းချိန်မှစ၍ ယနေ့အချိန်အထိ စစ်အာဏာရှင်စနစ် ဆန့်ကျင်ရေးလုပ်ငန်းများနဲ့ စစ်အာဏာရှင်စနစ်ကြောင့် ဒုက္ခရောက်ရတဲ့ ပြည်သူများရဲ့ အခက်အခဲများကို ကူညီပေးတဲ့ ပြည်သူ့အကျိုးပြုလုပ်ငန်းများကို နည်းမျိုးစုံနဲ့ လုပ်ကိုင်လျက်ရှိကြပါတယ်။

ယခုအခါ အကြမ်းဖက်စစ်တပ်က ဦးပိုင်ကုမ္ပဏီနဲ့ အကျိုးစီးပွားတူပူးပေါင်းပြီး မရမ်းကုန်းမြို့နယ် (၃)ရပ်ကွက်၊ ကံသာဇေယျုံလမ်းရှိ အိမ်ခြေ ၁၀၀ ကျော်ကို ကျူးကျော်လို့ အကြောင်းမဲ့စွပ်စွဲကာ အင်အားသုံးဖျက်ဆီးခဲ့တာ‌ကြောင့် အပြစ်မဲ့ပြည်သူများစွာ အိုးမဲ့အိမ်မဲ့ဘ၀ကို ရောက်ရှိခဲ့ရပါတယ်။

မိမိတို့ ဗကသများအဖွဲ့ချုပ်၀င် ကျောင်းသားသမဂ္ဂရဲဘော်တွေအနေနဲ့ ဖက်ဆစ်စစ်တပ်ရဲ့လုပ်ရပ်ကို ဆန့်ကျင်ပြီး အိုးမဲ့အိမ်မဲ့ဖြစ်သွားရတဲ့ ပြည်သူများကို ထောက်ပံ့ကူညီဖို့အတွက် သက်ဆိုင်ရာအဖွဲ့အစည်းများနဲ့ ချိတ်ဆက်လုပ်ဆောင်သွားမှာဖြစ်တာကြောင့် ရန်ပုံငွေနည်း/များမဆို သမဂ္ဂပြန်ကြားရေးစာမျက်နှာသို့ ဆက်သွယ်ပြီး ပါ၀င်လှူဒါန်းနိုင်ရန် နှိုးဆော်လိုက်ရပါတယ်။



#ရန်ပုံငွေကောက်ခံခြင်း

ABFSU Fundraising မှ မေတ္တာလက်ဆောင်ပေးအပ်မည့် ပစ္စည်းများ မိတ်ဆက်ပေးခြင်း

ဒီနေ့မှာ မိဘပြည်သူတွေကို မိတ်ဆက်ပေးသွားမယ့် ပစ္စည်းတွေထဲကတော့ စာအုပ်လေးတအုပ်ဖြစ်ပြီး ဆရာမင်းသုဝဏ် ရဲ့ကဗျာစာအုပ်လေးပါ ။

မောင်ခွေးနှင့် မထွေးဖို့ ကဗျာများ

စာအုပ်အမည် - မောင်ခွေးနှင့် မထွေးဖို့ ကဗျာများ
စာရေးဆရာ - မင်းသုဝဏ်
ထုတ်ဝေသည့်တိုက် - အားမာန်သစ်စာပေ
ထုတ်ဝေသည့်ကာလ - ၁၉၉၅
ထုတ်ဝေသည့်အကြိမ် - ပထမအကြိမ်
မျက်နှာဖုံးဒီဇိုင်း - ယဥ်မင်းပိုက်

ဆရာမင်းသုဝဏ်ဆိုတာ မြန်မာစာပေနဲ့ကဗျာလောကမယ်မသိသူမရှိတဲ့ ကဗျာဆရာတယောက်ပါ။’ သပြေညို” ကဗျာနဲ့ တိုင်းပြည်လွတ်လပ်ရေးအတွက် သူ့ရဲ့ စိတ်ခံစားချက်တွေကိုရေးဖွဲ့ခဲ့သလို ‘ပျဉ်းမငုတ်တို”ကဗျာဆိုရင် ခုထက်ထိ လူတွေအမှတ်ရ ရွတ်ဆိုနေရဆဲ့ကဗျာတပုဒ်ဖြစ်တယ်။ ဆရာဟာ ကလေးစာပေတွေအပေါ်အတော် အလေးထားသလို ဆရာရဲ့ကလေးကဗျာတွေဟာလဲ ယနေ့ထိအောင် ပါးစပ်ထဲစွဲနေရတဲ့ကဗျာတွေပဲဖြစ်တယ်. .ကလေးတွေအပေါ်ဆရာရဲ့အမြင်မယ်ဆိုလည်း “ဆရာ ငယ်စဉ်က ပျော်ရွှင်ခဲ့သလို ကလေး တွေလည်း ပျော်ရွှင် ကစား ရရတာကို နှစ်သက် လိမ့်မယ်လို့ ထင်လို့ ဆရာ ငယ်စဉ်က အကြောင်းလေး တွေကိုပဲ ကလေးတွေ အတွက် ကလေး ကဗျာ ဖြစ်အောင် ကဗျာ ရေးဖွဲ့ ပေးခဲ့တယ် “ပြောဆိုခဲ့ဖူးတယ်။ ခုစာအုပ်မယ်လဲ ကလေးများအတွက်ဆရာ့ရဲ့ စေတနာကိုမြင်တွေ့ရတယ် ..လို့ဆိုချင်ပါတယ်။

မေတ္တာ လက်ဆောင်အဖြစ် ပေးအပ်သွားဦးမယ့် ပစ္စည်းအမျိုးအစားများစွာ ကျန်ရှိနေသေးတာဖြစ်တဲ့အတွက် ABFSU Fundraising Page ကို Like and See First လေး လုပ်ပေးကြပါဦးခင်ဗျာ…။