Depayy

စကားများတဲ့သူဟာ စကားနည်းသွားမယ်
ပျော်ပျော်နေတတ်တဲ့သူဟာ လုံးဝတိတ်ဆိတ်သွားမယ်
တခုခုဆိုရင်ကြောက်တတ်တဲ့သူဟာ
ဘာမှမကြောက်တော့ဘူးဆိုရင်
ဒါဟာ သူ့အတွက်
စိုးရိမ်စရာအမြင့်ဆုံးအခြေနေကိုရောက်ရှိသွားပြီ။

လူမှန်နေရာမှန်ကိုတွေ့ရှိခဲ့တာမလို့
မင်းကိုလဲတန်ဖိုးထားတယ်
မင်းနဲ့တွေ့ခဲ့တဲ့အချိန်ကိုလည်းတန်ဖိုးထားတယ်
ကိုယ့်မှတ်ဉာဏ်တွေပျောက်ဆုံးသွားရင်တောင်
ဒီအမှတ်တရတွေကိုမမေ့သွားအောင်
သေချာသိမ်းဆည်းထားပါ့မယ်။

အလွမ်းဟာ
လက်ဆုပ်လက်ကိုင်ပြလို့မရပေမယ့်
ခံစားကြည့်တာနဲ့သိနိုင်တယ်
ထုပ်ဖော်ပြသလို့မရပေမယ့်
ခန့်မှန်းပြီးသိနိုင်တယ်
မင်းကိုမမြင်ရတဲ့နေ့တွေဟာ
ရပ်တည်နေရင်းနဲ့တောင်လဲကျမလိုပါပဲ
ခက်လဲလွန်းတယ် ပင်ပင်းလွန်းတယ်
အလွမ်းတွေထန်လာရင်
ခံရတဲ့သူဟာ အရူးအမူးပဲအချစ်ရဲ့။

ဘဝအတွက်အဖိုးတန်တဲ့သူတွေတွေ့ရင်
ဆက်ဆံရေးပျက်ဆီးစေမဲ့အရာတွေ မလုပ်မိပါစေနဲ့
ဆက်ဆံရေးခိုင်မြဲအောင်ပဲလုပ်ပါ။

လူကောင်းဆိုတာ ရွှေထက်ရှားတာမို့
ဒီလိုလူမျိုးကိုယ့်ဘဝထဲကနေ
မပျောက်ပျက်အောင်သာထိန်းသိမ်းပါ
ကိုယ့်ဘဝထဲမှာ မနေချင်လာအောင်မလုပ်ပါနဲ့။

အပေါ်ယံတွေများထဲခေတ်မှာ
ရုပ်ပိုင်ဆိုင်ရာရော စိတ်ပိုင်းဆိုင်ရာပါ
လေးစားဖို့ကောင်းတဲ့သူဆိုတာ မြင်ရခဲတာမို့
မဆုံးရှုံးရအောင် တန်ဖိုးထားပေးကြပါ။