KMK construction

Facebook messenger ကနေ အမေးများတဲ့ မေးခွန်းက ဒါမျိုးလေးဆောက်ရင် ဘယ်လောက်ကုန် မလဲ ဆိုတာပါပဲ ။ cb ကနေ ပုံ တစ်ချို့ ပို့ပြီး မေးတာပါ ။ အင်တာနက် စာမျက်နှာပေါ်က ပုံအများစုက ကိုယ်လိုချင်တဲ့ အခန်းဖွဲ့စည်းပုံနဲ့ ကွက်တိမကျနိူင်ပါဘူး ။
အခန်းဖွဲ့ မတူရင် အိမ်ရဲ့ အပြင်ဘက်ပုံသဏ္ဠာန်လည်း မတူနိူင်ပါ ။

Internet ပေါ်က ပုံတွေအများစုက မြန်မာဓလေ့နဲ့ မကိုက်ညီပါ ။ ဘုရားခန်း ဆိုတာလည်း မရှိသလို
အိမ်သာခန်းတွေကလည်း function ကျအောင် design လုပ်ထားတာဖြစ်လို့ အိမ်ရှေ့ရယ်အိမ်နောက် ရယ် ခွဲမထားပါ ။ အိမ်မှာနေတဲ့သူ အိမ်လာတဲ့သူအဆင်ပြေဖို့ပဲ အဓိက ထားတာပါ ။
မီးဖိုခန်းမှာဆိူရင် သူတို့က ငပိရည် ငပိချက် မစားကြတော့ ဧည့်ခန်းဘေးမှာ open type နဲ့ dry kitchen ပါ ။ ကျနော်တို့ သူတို့လုပ်သလို လုပ်လို့ဖြစ်ပေမယ့် နေတဲ့သူအဆင်မပြေနိူင်ပါ ။
ပြောချင်တာက အခန်းဖွဲ့ ကို စနစ်ကျအောင် ပြင်ဆင်ပြီးမှ ရုပ်လုံးပေါ်အောင်ဖော်ကြမှ အဆင်ပြေမှာပါ ။ ဒီလိုပုံမျိုးလေး ဆိုတာကို လက်ခံပေးလို့ရပါတယ် ။
အကုန်တူချင်ရင် အတွင်းခန်း အဆင်မပြေမှူကို ရင်ဆိူင်ရပါလိမ့်မယ် ။
အိမ်ဆိူတာ နေဖို့ ဆောက်ရတာပါ ။ အကုန်အဆင်ပြေစေချင်ပါတယ် ။ အတွင်း အပြင် အကုန်လှ အကုန်အဆင်ပြေ ဆိုမှ အိမ်ဖြစ်မယ် မဟုတ်ဘူးလား ။

( သူတို့ဓလေ့ နဲ့ အိမ်တစ်ချို့ တင်ပေးလိုက်ပါတယ် ။ )

Plaster cracking 🔎🔎🔎
---------------------------

ချောသားနံရံပြင်တွေမှာ
PlasterCrack တွေဘယ်အချိန်မှာစပြီး
မြင်ရနိုင်မလည်းဆိုလျင်တော့
ဆေးပိုင်းအချောဝင် အိမ်အပ်ပြီးနောက်
နှစ်လနဲ့သုံးလအတွင်းမှာပေါ်လာနိုင်ပါတယ်
အိမ်အပ်ပြီးတစ်လလောက်အတွင်းမှာတော့
မပေါ်နိုင်သေးပါဘူး
နံရံပြင်အတွင်းပိုင်းမှာ အစိုဓာတ် (moisture) တွေ
ကျန်နေသေးတဲ့အတွက် မကွဲသေးတာပါ

တစ်လကျော်လောက်ကြာပြီးတဲ့နောက်မှာတော့
ပြင်ပအပူချိန်ကြောင့်
နံရံအတွင်းပိုင်းအစိုဓာတ်တွေနည်းးလာပြီး
နရံပြင်ခြောက်သွေ့လာတဲ့အခါမှာတော့
Plaster Crack တွေစဖြစ်လာပါပြီ

Column crack / Beam crack တွေ
ဖြစ်ပေါ်လာခဲ့လျင် စိုးရိမ်နိုင်စရာရှိပေမယ့်
အပူအအေးမမျှလို့ / ရောစာတွေမသန့်လို့ဖြစ်ပေါ်လာတဲ့
Plaster crack တွေကတော့ သိပ်ပြီး
စိုးရိမ်လောက်စရာမရှိပါဘူး

( Structure fail ဖြစ်လို့ပေါ်လာတဲ့
Crack မျိုးဆိုရင်တော့စိုးရိမ်ရပါတယ် )

Plaster crack တွေဘာကြောင့်ဖြစ်ပေါ်စေသလည်း
(1) အချောကိုင်ရန်ဖျော်စပ်တဲ့သဲအတွင်း
နှုန်း /အမှိုက် တွေရောပါနေခြင်း

(2) အချောကိုင်မည့်အုတ်ရိုးများအားသန့်ရှင်းရေးမလုပ်မိခြင်း

(3) ခြောက်သွေ့နေတဲ့အုတ်ရိုးများအားရေမပေးပဲအချောခိုင်မိခြင်း

(4) Plaster အတွင်းရေမစစ်သေးတဲ့အချိန်ပျော့တွဲနေစဥ်အချိန်မှာပဲ
လက်ပွတ်စားအချောကိုင်မိခြင်း

(5) အုတ်စီရာတွင် Joint များမမိခြင်း

(6) Formwork အထပ်သားပြောင်ချောမှုကြောင့်
​အဆီတက်နေတဲ့တိုင်တွေအား ဗြုတ်မရိုက်ပဲအချောကိုင်မိခြင်း

(7) ဘိလပ်မြေအတွင်း Chemical ပါဝင်မှုများပြားနေခြင်း
5:2:5 class ကိုအချောကိုင်တဲ့နေရမှာမသုံးသင့်ပါ
4:2:5 class လောက်ကိုသာအသုံးပြုသင့်ပါတယ်

(8) အချောကိုင်ပြီးသားနံရံပြင်အား ရေမလောင်းမိခြင်း
Current setting မလုပ်ခြင်း

(9) အချောကိုင်ပြီစနံရံအတွင်း စိုထိုင်းစရှိနေချိန်
ရေဓာတ်မကုန်သေးသည့်အချိန်
အပေါ်မှပတ်တီးရိုက်ဆေးသုတ်မိခြင်း
စတဲ့အချက်တစ်ချို့ကြောင့်
နံရံပြင်တွေမှာ Plaster cracking တွေဖြစ်ပေါ်လာရပါတယ်

အက်ကွဲကြောင်းသေးသေးလေးတစ်ခုလောက်တွေ့ရုံနဲ့
စိုးရိမ်စိတ်မဝင်မိကြဖို့ အသိပေးချင်ပါတယ်

မသိသေးတဲ့သူတွေအတွက်ဗဟုသုတဖြစ်အောင်
တင်ပေးရခြင်းပဲဖြစ်ပါတယ်

#ဆရာ့ထက်ကြီးတဲ့ဆျာကြီးတွေကတော့ဒီပို့စ်ကိုကျော်သွားပေးပါ
Crd ပါ
(Ko Kyaw Minn)