Random-G

မြန်မာနိုင်ငံရဲ့ လက်ရှိအခြေအနေဟာ အားလုံးသိကြတဲ့အတိုင်း ရေဘေး ငလျင်ဘေးတွေအပြင် စစ်ဘေးတွေကိုပါ ဆက်တိုက်ဆိုသလို ကြုံတွေ့ခံစားနေကြရပါတယ်

ယခုအခြေအနေမှာတော့ ငလျင်ဘေးကြောင့်ပျက်ဆီးဆုံးရှုံးသွားတဲ့အိုးအိမ်တွေနှင့် ပြည်သူ2000 ကျော်သေဆုံးမှု သတင်းစီးဆင်းမှုနှောင့်နှေးစေရန် အင်တာနက်ပိတ်ပင်မှု နုိင်ငံတကာအကူအညီရိက္ခာများကို ဖြတ်ယူ၍ မိမိတုိ့စစ်ရေးအတွက် ရိက္ခာအဖြစ်ပြန်လည်သုံးစွဲနေမှု တုိက်လေယာဥ်ဖြင့်ဗုံးကြဲတုိက်ခိုက်နေမှုတုိ့ကို နုိင်ငံတကာမှ အမြန်ဆုံးဖော်ထုတ်အရေးယူပေးကြဖုိ့နှင့် မကြာခင်မှာ ပိုမိုယုတ်ညံ့လာနုိင်မှုတုိ့အား ကျွန်တော်တုိ့ပြည်သူလူထုမှ သတိကြီးစွာထားနုိင်ဖုိ့ လုိအပ်ပါတယ်

ပိုဆုိးလာဖုိ့သာရှိတော့တဲ့ နိုင်ငံနှင့် လူငယ်များစွာရဲ့အနာဂတ်တွေဟာ လုံးဝဆုိသလို မှေးမှိန်ပျောက်ကွယ်လုဖြစ်နေပါပြီ

ကျွန်တော်တုိ့အားလုံးရဲ့ဆုတောင်းဟာလဲ မိသားစုနှင့်အတူအမြန်ဆုံးပြန်လည်ပျော်ရွှင်စွာနေထိုင်နုိင်ဖုိ့ဖြစ်လိမ့်မယ်လို့ ယုံကြည်ပါတယ်

ကျွန်တော်တုိ့ ဆန္ဒများမကြာခင်ပြည့်နိုင်ပါစေလုိ့လဲ ဆုတောင်းရင်း ပြည်သူများအနေဖြင့် ငလျင်ဘေးအတွက်လှူတဲ့အခါမှာလဲ မသမာသူလူလိမ်များရန်မှ ကင်းဝေးပါရန်နှင့် banking acc ပိတ်ပြီး အလှူငွေများကိုသိမ်းယူယုတ်မာမည့်ရန်မှ ကင်းဝေးပါစေရန် ဆုတောင်းပေးလုိက်ပါတယ်

"Respect တစ်ခုကို ပေးခြင်း"

မရေးဖြစ်တာကြာလို့ ကိုယ့်ရဲ့ ကြုံတွေ့လာရတဲ့ အတွေ့အကြုံတွေထဲက တချို့သောအရာများကို ပြန်လည်ဝေမျှခြင်းသာ

ပထမဆုံးအနေနဲ့ Respect ဆိုတာ ဘာလဲ?

တစ်ဖက်သားအပေါ် လေးစားမှုရှိခြင်း အလေးထားမှုရှိခြင်း စသဖြင့်ပေါ့....

ဒါပေမယ့် လူရယ်လို့ဖြစ်လာတဲ့အခါ Respect ဆိုတာ မလုံလောက်တော့ပါဘူး

Mutual Respect လို့ခေါ်တဲ့ အပြန်အလှန်လေးစားခြင်း အပြန်အလှန်အလေးထားခြင်း တန်းတူညီစွာပြုမူဆက်ဆံခြင်းဆိုတဲ့ အပြန်အလှန် လေးစားမှုဟာ မရှိမဖြစ်လိုအပ်ပါတယ်

မင်းက ငါ့ထက်အသက်ငယ်လို့ ငါကမင်းထက်ပိုသာတယ် ငါ respectမပေးနိုင်ဘူး

မင်းထက်ငါက ဒီလောကမှာဦးစွာကျင်လည်လာတာမို့ မင်းအတွေးအကြံက ဘယ်လောက်မှန်နေပါစေ မင်းကို respect မပေးနိုင်ဘူး

မင်းကအသက်ကြီးပြီမို့ ငါတို့လောကက မင်းနဲ့မသက်ဆိုင်ဘူး ​ဒါကြောင့်မင်းကို ဘောင်ထဲမသွင်းနိုင်ဘူး

စသဖြင့် ကျင်လည်ရတဲ့ ဒီမြန်မာနိုင်ငံက လူသားတွေရဲ့ Respect အပေါ်ခံယူပုံပါပဲ

မင်းကချမ်းသာလို့ respectပေးတယ် မင်းက ဆင်းရဲလို့ ဘောင်မဝင်ဘူးဆိုတာ လူတန်းစားခွဲခြားခြင်းပါ

အလုပ်ရှင်ဖြစ်နေပါစေ အလုပ်အကြောင်းမသိတဲ့အခါ အလုပ်သမားတွေက ဒီအလုပ်ရဲ့အသက်သွေးကြောဖြစ်လာပါလိမ့်မယ်

ထို့အတူပဲ အလုပ်သမားတွေအနေနဲ့ အလုပ်လုပ်နိုင်စွမ်းရှိလဲ အလုပ်ရှင်မရှိရင် စားဝတ်နေရေး အဆင်မပြေနိုင်ပါ

နောက်တခုက ကိုယ် respect ရှိပေမယ့် ကိုယ့်အပေါ် mutual respect မရှိတဲ့သူတွေအပေါ်လိုက်မခံစားနေပါနဲ့ မတန်တဲ့သူတွေအပေါ်က လှည့်ထွက်ခဲ့လိုက်ပါ လောကကြီးမှာ ကိုယ့်အတွက် နေရာတွေအများကြီးရှိနေပါသေးတယ်

အလုပ်တခုဟာ အမြန်ဆုံးတိုးတက်အောင်မြင်ဖို့ဆိုတာ mutual respect ရှိဖို့လိုအပ်ပါတယ်

ဒါ့အပြင်အပြန်အလှန်အတွေးအမြင် ဖလှယ်ဖို့ တဖက်ရဲ့ထင်မြင်ယူဆချက်တွေ နားထောင်ဖို့ လုပ်သင့်မလုပ်သင့် စဥ်းစားဖို့များစွာလဲလိုအပ်ပါတယ်

ဘယ်လိုလူဖြစ်ဖြစ် သင့်ရဲ့ respect နဲ့ထိုက်တန်ပါတယ်
ထို့အတူပဲ သင်ကိုယ်တိုင်လဲ respect ပြန်ရဖို့ ထိုက်တန်ပါတယ်

Random-G