Learn with TMN

#စီမံအတွေးများ_၁၄



စီမံများအနေဖြင့် Reports များရေးသားကြရာတွင် လုပ်ငန်း၏အခြေအနေကိုမူတည်၍ ကြုံတွေ့ရသည့် အဖြစ် အပျက်များ နှင့် ထင်မြင်ချက်များကို သက်ဆိုင်ရာ အထက်လူကြီးများ သိရှိစေနိုင်ရန် ရည်ရွယ်ရာ အကယ်၍ မိမိတို့၏ တင်ပြချက်များသည် လိုအပ်သည်ပိုနေခြင်း၊ Management Team မှ သိလိုသည့်အချက်များ မပါဝင်ခြင်း တို့ဖြစ်ပါက အစီရင်ခံခြင်း (Reporting) သည် အကျိုးမရှိဖြစ်သွားတတ်ပါသည်။

သို့ဖြစ်ရာ အစီရင်ခံစာများရေးသားကြရာတွင် အောက်ဖော်ပြပါအချက်များကို ဦးစွာသိရှိလိုက်နာကြရမည် ဖြစ်ပြီး အခြေခံအားဖြင့် Management ၏ Policy နှင့် Philosophy ကို သိရှိရန် အထူးလိုအပ်ပါသည်။

(၁) အချိန်မှန်ခြင်း ( နေ့စဥ်၊ အပတ်စဥ်၊ လစဥ်)
(၂) အချက်အလက်များ ပြည့်စုံခြင်း
(၃) နားလည်လွယ်စေခြင်း စသည့် အင်္ဂါရပ်များနှင့် ပြည့်စုံရန်လိုအပ်ပါသည်။

အစီရင်ခံစာဆိုသည်နှင့် တပြိုင်နက် ၎င်းနှင့်ကပ်လျှက် စာရင်းဇယားများသည်လည်း အရေးပါလာပါသည်။ ထို့အတွက် စာရင်းများနှင့်ပတ်သက်၍ -

(က) လိုအပ်မည့် အခြေခံအချက်အလက်များကို အချိန်မှန်မှန် ကြိုတင်စုဆောင်းထားရှိခြင်း။
(ခ) ရရှိသည့် အခြေခံအချက်အလက်များကို စုပေါင်းလျှက် စနစ်တကျပုံစံများပြု၍ ထိန်းသိမ်းထားရှိခြင်း။
(ဂ) ရရှိသောစာရင်းများကို အချိန်ကာလအားလျှော်စွာ ပြန်လည်စီစစ်၍ အခြေအနေမှန်ကို အမြဲတစေ ရရှိနေရေးအတွက် စီမံဆောင်ရွက်ထားခြင်း။
(ဃ) မိမိတို့အဖွဲ့အစည်းရှိ (Management Team / Line Manager) တို့ တောင်းဆိုသည့် အချက်အလက်များ၊ ပုံစံများနှင့် ပတ်သက်၍ ရှင်းလင်းမှု့မရှိပါက သက်ဆိုင်ရာအလိုက် ကြိုတင်ချိတ်ဆက် မေးမြန်းစုံစမ်းထားခြင်း စသည် ဖြင့် သိရှိလိုက်နာဆောင်ရွက်သင့်ပါသည်။

#တင်မျိုးနိုင်

စီမံရေးရာဆိုသည်မှာ ...