Alternative Paces

အခုရက်ပိုင်းတွေ ဟိုးလေးတကျော် ဖြစ်နေတဲ့
သူဌေးကြီး Elon Musk အကြောင်း ဖတ်ကြည့်ကြရအောင်ပါ 📖

မင်္ဂလာပါ📚
🚫စာများအား လုံး၀လုံး၀ ကူယူသုံးစွဲခွင့်မပြုပါ
🆕 ခုတလော သတင်းတွေပေါ်မှာ Elon Musk ဆိုတဲ့ နာမည်ကိုတော့ ခဏခဏတွေ့ဖူးနေကြပြီး ဖြစ်မှာပါ။
Elon Muskသူဌေးကြီးကတော့ အခုချိန်ထိစာရင်းဖော်ပြချက်တွေအရတော့ ကမ္ဘာ့အချမ်းသာဆုံးသူဌေးကြီး အဖြစ် ရပ်တည်နေဆဲ ဖြစ်ပါတယ်။

⬛အခုကတော့ သူ့အကြောင်းကို အပြည့်စုံ ဆုံးဖော်ပြထားတယ်လို့ ဆိုရမယ့် Biography စာအုပ်လေးကို ညွှန်းသွားပေးမှာပဲဖြစ်ပါတယ်။ စာရေးသူကတော့ biography ရေးတဲ့နေရာမှာ ဆရာကြီးတစ်ဆူဖြစ်တဲ့ Walter Isaacson ပဲဖြစ်ပြီးသူရဲ့ထွက်ရှိထားဖူးပြီး လူတိုင်းသိတဲ့အုပ်ကတော့ Steve Jobsရဲ့ biography စာအုပ်ပဲဖြစ်ပါတယ်။

⬛အခုစာအုပ်ထဲမှာ‌ဆို‌ဆိုရင်တော့ Elon Muskရဲ့အကြောင်းအပါအ၀င် သူနဲ့ပက်သက်ဆက်စပ်သူတွေရဲ့အကြောင်းကိုပါ အလင်းသင့်ရင်သင့်သလို ရေးသားထားတာမို့ personal network တစ်ခုကို အတိုင်းအတာ တစ်ခုအထိ စာဖတ်သူတွေသိကြရမှာပါ။ အခုလိုအခြေအနေမျိုးအထိရောက်လာဖို့ သူပက်သက်ဆက်ဆံရှင်သန်ခဲ့ရတဲ့ ပတ်၀န်းကျင်ပုံစံကို ခန့်မှန်းလို့ရမှာပါ။

⬛Adminရဲ့ကိုယ်တိုင်ဖတ်ဖူးထားတဲ့ အတွေ့အကြုံတိုင်းပြောရမယ်ဆိုရင်တော့ ဖတ်တဲ့အချိန်တွေတိုင်း လက်ကမချနိုင်လောက်အောင်ပါပဲ Technicalပိုင်းဆိုင်ရာ အသုံးအနှုန်းတွေပါ၀င်တာမို့ googleခဏခဏ ခေါင်ရပေမယ့်လည်း စိတ်မပျက်နိုင်အောင် အာရုံကိုတောက်လျှောက် ဖမ်းစားနိုင်ခဲ့တာကတော့ Elonကိုယ်တိုင်အရမ်းစိတ်အားထက်သန်စွာနဲ့ ဦးစီးလုပ်ကိုင်ချင်တဲ့ future project တွေပါပဲ။ တလောကမှာ Teslaကနေ မိတ်ဆက်လိုက်တဲ့ robotတွေ မောင်းသူမဲ့ vanတွေ taxiတွေအကြောင်းပါ အပါအ၀င်ပေါ့။
အခုလည်းအရမ်းနာမည်ကြီးနဲ့တဲ့ Starlink wifiကို စတင်တည်ထောင်ခဲ့သူပါပေါ့။

⬛နောက်ပြီး Twitter ကို၀ယ်ယူလိုက်ပြီး X လို့ အမည်ပြောင်းလဲ သတ်မှတ်ခဲ့တာတွေကို အသေးစိတ်ဖတ်ရှုရမှာပဲဖြစ်ပါတယ်။ သူX(twitter) ရုံးခန်းကို ရယ်မောစွာနဲ့ကြွေခွက်ကြီးကိုင်ပြီး Let that sink in!!! စ၀င်လာခဲ့တဲ့ပုံလို Twitter နဲ့ပက်သက်တဲ့ သူ့အကြောင်းဟာ မရိုးရှင်း မလွယ်ကူနေခဲ့ပါဘူး။

⬛အခုနောက်ပိုင်း လူငယ်ရော လူကြီးတွေကြားမှာပါ အရမ်းအသုံးများနာမည်ကြီးနေတဲ့ Chat Gpt (Open AI) ထွက်ရှိလာတာနဲ့ ပက်သက်ပြီး Elon Muskရဲ့လွှမ်းမိုးမှု ဘယ်လောက်ကြီးမှာလဲဆိုတာပါ သိရမှာပါ။ Elon Muskရဲ့ humanity အ‌‌ပေါ်ထားတဲ့ စေတနာဟာ ဘယ်လိုတွေတောင်ကြီးမားတယ်ဆိုတာ‌ကို အတိုင်းသားတွေ့ရမှာပါဖြစ်ပါတယ်။ဟုတ်ပါတယ် Open AI company ကို non-profit organizationအနေနဲ့ Elon Musk စတည်ခဲ့တာပါ။ အဲ့ဒါကို Elon မပါတော့တဲ့နောက်ပိုင်း profit orgအနေနဲ့ပြောင်းလိုက်ကြတာပါ။ ဒါတွေနဲ့ပက်သက်ပြီး အသေးစိတ် ဖတ်ကြည့်ကြရမှာပါ။

⬛AI threatsတွေနဲ့ပက်သက်ပြီး Elon အရင်ကတည်းက ကြိုတွေးမိတာတွေ၊ တစ်ချိန်ကရင်းနီးတဲ့သူငယ်ချင်းတွေဖြစ်ခဲ့ဖူးတဲ့ Google founder တစ်ဦးဖြစ်တဲ့ Larry Pageနဲ့ရော ဘာကိစ္စတွေနဲ့ပက်သက်ပြီး ဘယ်လိုတွေ ဝေးသွားခဲ့ကြလဲ။

⬛Elonရဲ့ မိသားစု ကိုယ်ရေးကိုယ်တာ အကြောင်းအရာတွေ ကျန်းမာရေး စတာတွေကို ဖတ်ပြီးသွားရင် Elonဟာ ကြံ့ကြံ့ခံနိုင်သူ တစ်ဦးဖြစ်တယ်ဆိုတာ ပိုပြီးသိသာလာမှာပါ။

⬛Elonကနေ သူ့ရဲ့Space X, Tesla, X, Starlink company စတဲ့companyတွေကို ဘယ်လိုစတင်တည်ထောင်ခဲ့သလဲ ကိုယ်မသိလိုက်ခင်ချိန်လေးမှာပဲ ကိုယ့်companyကကိုယ့်ကိုဖယ်ထုတ်ခဲ့တာ‌ေတွ နောက်ပိုင်းဘယ်လိုrun သလဲ
စတာတွေကို အသေးစိတ်ဖတ်ရှုရမှာပဲဖြစ်ပါတယ်

⬛Elon Muskကို Idol အဖြစ်သတ်မှတ်ထားသူတွေပဲဖြစ်ဖြစ် စီးပွားရေးနယ်ပယ်မှာ ကျင်လည်နေသူတွေပဲဖြစ်ဖြစ် အနာဂတ်ဟာ ဘယ်လောက်နှုန်းအထိ မြန်မြန်သွားနေလဲ ဆိုတာသိချင်တဲ့သူတွေပဲဖြစ်ဖြစ် ဒီစာအုပ်ဟာ ဖတ်ကြည့်ဖို့ အသင့်တော်ဆုံး စာအုပ်ကောင်းတစ်အုပ်ပဲဖြစ်ပါတယ်။

Teslaရဲ့ We, Robot event Recap videoကိုကြည့်ရအောင်ပါ 🔥💯

Tesla's 'We, Robot' Event: Everything Revealed in 8 Minutes At Tesla's 'We, Robot' event in Los Angeles, CEO Elon Musk unveils Robotaxi, a fully autonomous car for less than $30,000. In addition, he reveals Robovan, ...