Star Training Center - Yangon

Factors of production (ထုတ်လုပ်မှု သွင်းအားစုများ)
~~~~~~~~~~~~~~~~~~~~~~~~~~~
ထုတ်ကုန် / ဝန်ဆောင်မှုတွေ ပြတ်လပ်တယ် ရှားပါးတယ် ဆိုတာက ...
အတောမသတ်နိုင်တဲ့ လူသားတွေရဲ့ လိုအင်ဆန္ဒ (wants) တွေ အတွက် အဲဒျီ ထုတ်ကုန် / ဝန်ဆောင်မှုတွေ ထုတ်လုပ်ရာမှာ အသုံးပြုရတဲ့ သွင်းအားစုတွေဟာ အကန့်အသတ်နဲ့ ရှိနေလို့ ဖြစ်ပါတယ်...

တချို့ကလည်း အဲဒီ Factors of production (ထုတ်လုပ်မှု သွင်းအားစုများ)ကို
1. Land (မြေယာ)
2. Labour (လုပ်အား)
3. Capital (အရင်းအနှီး)
4. Enterprise (လုပ်ငန်း)
ဆိုပြီး သတ်မှတ်ကြပါတယ်...

1. Land (မြေယာ) - မှာ.. သဘာဝအလျောက် ဖြစ်နေတဲ့ သဘာဝ သယံဇာတ (natural resources) တွေ ပါဝင်ပါတယ်... (ဥပမာ - လယ်ယာမြေ, သစ်တော, ရေနံ, သဘာဝဓာတ်ငွေ့ , လောင်စာဆီ, သံရိုင်း, သတ္တုတွင်းထွက် တွေ စတာတွေ)

2. Labour (လုပ်အား) - မှာ... ကုန်စည်/ ဝန်ဆောင်မှုတွေ ထုတ်ရာမှာ လိုအပ်တဲ့ လူတွေရဲ့ လုပ်အားပေါ့...

3. Capital (အရင်းအနှီး) - မှာ.... ကုန်စည်/ ဝန်ဆောင်မှုတွေ ထုတ်ရာမှာ လိုအပ်တဲ့ ငွေကြေးအရင်းနှီး, စက်ပစ္စည်း, လက်နက်ကိရိယာ, ကုန်ကြမ်းတွေ ပါဝင်ပါတယ်...

4. Enterprise (လုပ်ငန်း) - မှာ... ကုန်စည်/ ဝန်ဆောင်မှုတွေ ထုတ်ရာမှာ လိုအပ်တဲ့ ရင်းမြစ်တွေကို ဘယ်လို ပေါင်းစပ်ပြီး မိမိတို့လုပ်ငန်းမှာအသုံးချရမလဲ, ဆုံးရှုံးမှု ဖြစ်နိုင်ခြေ အနည်းဆုံး ဖြစ်အောင် ဘယ်လို လုပ်ရမလဲဆိုတာ နားလည်တဲ့ လူတွေရဲ့ လုပ်ရည်ကိုင်ရည်, လုပ်နိုင်စွမ်း, အရည်အချင်း, ကျွမ်းကျင်မှုတွေ ပါဝင်ပါတယ်...

ဒီလိုမျိုး Factors of production (ထုတ်လုပ်မှု သွင်းအားစုများ) ၄မျိုးကို သတ်မှတ်ကြပါတယ်...

ကမ္ဘာပေါ်မှာရှိတဲ့ နိုင်ငံတိုင်းမှာ ဒီအရင်းမြစ်တွေဟာ နိုင်ငံတွေ အလိုက် သူ့နိုင်ငံနဲ့သူ အကန့်အသတ်နဲ့ ရှိနေကြတာပါ...

ကုန်စည်/ ဝန်ဆောင်မှုတွေ ထုတ်ရာမှာ လိုအပ်တဲ့ အရင်းမြစ်တွေဖြစ်လို့ Factors of production (ထုတ်လုပ်မှု သွင်းအားစုများ) အပြင် resources (အရင်းအမြစ်တွေ)လို့လည်း ခေါ်ကြပါတယ် ..

ကမ္ဘာပေါ်မှာ ရှိတဲ့ ဘယ်နိုင်ငံမဆို ဒီ အရင်းအမြစ်တွေဟာ သူ့နိုင်ငံနဲ့သူ အကန့်အသတ်နဲ့ ရှိနေတာပါ...

တချို့ကလည်း Factors of production ထုတျလုပျမှု သွင်းအားစုများ)ကို M စာလုံးနဲ့ အလွယ်တကူ သတ်မှတ်ကြပါတယ်...

Manpower - လုပ်အား
Money - ငွေကြေးအရင်းအနှီး
Machine - စက်ပစ္စည်း
Minutes - အချိန်
Material - ကုန်ကြမ်း
Market - စျေးကွက်
Methods - နည်းပညာ
Maintenance - ပြုပြင်ထိန်းသိမ်းမှု
Measurement - သတ်မှတ်ချက် စံနှုန်း
Mother nature - သဘာဝ သယံဇာတ ပစ္စည်းManaging Information - သတင်းအချက်အလက် စီမံနိုင်မှု နဲ့
Management - စီမံခန့်ခွဲမှု ပညာ
စသဖြင့် သတ်မှတ်ကြပါတယ်...

နောက်ဆုံး M ကတော့ အပေါ်က Mတွေကို စီမံခန့်ခွဲနိုင်တဲ့ Management ဆိုတဲ့ စီမံခန့်ခွဲမှုပညာ...ပါပဲ

ဒီလို အကန့်အသတ်နဲ့ ရှိနေတဲ့ အရင်းမြစ်တွေကို ဘယ်လို အကောင်းဆုံးနည်းလမ်းနဲ့ ထိထိရောက်ရောက် အသုံးပြုရမယ်ဆိုတဲ့ စီမံခန့်ခွဲမှု ပညာပါ...

Management ဆိုတဲ့ စာလုံးဟာ လူတိုင်းနဲ့ အလှမ်းမဝေးပါဘူး...

လူတိုင်းဟာ နေ့စဥ် နေထိုင်မှု ဘဝမှာတောင်မှ ဒီရင်းမြစ်တွေထဲက တခုမဟုတ် တခုကို စီမံနေရတာပါ...(ကိုယ်တိုင် နေ့စဉ် ဘာတွေ စီမံနေရလည်း ဆန်းစစ်ကြည့်ပါအုံး)...

လူ တစ်ဦးစီအနေနဲ့ မိမိ ဘဝ ရည်မှန်းချက် ပေါက်မြောက်အောင်မြင်ဖို့အတွက် ဘယ်အချိန်မှာ ဘာတွေ လုပ်ရမယ် ဆိုတာ စီမံရတယ်...
(အခမဲ့ သင်တန်းတက်ဖို့ ဘာမှ မပေးရဘူးဆိုရင်တောင် မိမိရဲ့ ကြိုးစားအားထုတ်မှုနဲ့ အချိန်ကို
တော့ ပေးရမှာပါပဲ)

ကျောင်းသူကျောင်းသားတွေ အနေနဲ့ ဘယ်အချိန်မှာ ကျောင်းတက်ရမယ်/ ဘာလေ့လာရမယ်ဆိုတာ စီမံရတယ် / မိဘပို့ပေးတဲ့ ငွေ အပေါ်မှာ ဘယ်လို သုံးစွဲမယ်ဆိုတာ စီမံရတယ်...

အိမ်ရှင်မတွေ အနေနဲ့ အိမ်ထောင်ဦးစီးရဲ့ ဝင်ငွေပေါ်မှာ အိမ်ထောင်စုတစ်ခုရဲ့ လူမှုရေး, သားသမီးတွေရဲ့ ပညာရေး, ကျန်းမာရေး, စားသောက်ရေး စသဖြင့်အသုံးစရိတ်ကို စီမံရတယ်...

ပရဟိတ အသင်းအဖွဲ့တွေမှာလည်း အလှူခံရငွေနဲ့ သုံးရမဲ့ စရိတ်ကို စီမံရတယ်...

လုပ်ငန်း အဖွဲ့ အစည်းတွေမှာလည်း မိမိလုပ်ငန်း အမြတ်ရဖို့အတွက် ဝင်ငွေနဲ့ ထွက်ငွေကို စီမံရတယ် ... ကုန်ကြမ်းဝယ်တာ, ဝန်ထမ်းခန့်တာ, အော်ဒါတွေအတွက် ချိန်ကိုက်ဆောင်ရွက်ရတာ စီမံရတာတွေ ရှိပါတယ်...

ကျေးရွာ/ မြို့နယ်/ ပြည်နယ်,တိုင်း ဒေသကြီး / နိုင်ငံတွေမှာလည်း မိမိတို့ ကျေးရွာ/ မြို့နယ်/ ပြည်နယ်,တိုင်း ဒေသကြီး / နိုင်ငံတွေအလိုက် ဖော်ဆောင်ရမဲ့ ရည်မှန်းချက်တွေအတွက် ဒီအရင်းမြစ်တွေကို စီမံရပါတယ်...

အကျဥ်းချုံးပြောရမယ်ဆိုရင် Management ဆိုတဲ့ စီမံခန့်ခွဲမှုပညာ...ဟာ လူတစ်ဦးချင်းစီမှ စလို့ အိမ်ထောင်စုတွေ, အဖွဲ့အစည်းတွေ, ဒေသ နိုင်ငံအလိုက်အထိ အရေးကြီးပါတယ်...

ဘာလို့လဲဆိုရင် အရင်းမြစ်တွေက အကန့်အသတ်နဲ့ ရှိနေလို့ Management ဆိုတဲ့ စီမံခန့်ခွဲမှုပညာ...ဆိုတာ နေရာတိုင်းမှာ လိုအပ်တာပါ...

ထုတ်လုပ်မှု သွင်းအားစု (သို့) အရင်းမြစ်တွေဟာ အကန့်အသတ်နဲ့ မရှိဘဲ လိုသလောက်သာ ရနေမယ်ဆို ဘယ်သူကမှ ဘာမှ စီမံစရာ မလိုတော့ပါဘူး...🙅

အကန့်အသတ်နဲ့ ရှိနေလို့သာ ထိရောက်စွာ သုံးနိုင်အောင် စီမံရတာပါ...

ဒါဟာ Management ဆိုတဲ့ စီမံခန့်ခွဲမှုပညာ...ရဲ့ အဓိက ရည်ရွယ်ချက်/ အနှစ်သာရပါပဲ...

ဒီလောက်ဆိုရင် လုပ်ငန်းတွေမှာ
ဘာအရင်းမြစ်တွေကို စီမံရတယ် (what) နဲ့
ဘာကြောင့် စီမံရတယ် (why) ဆိုတာကို နားလည်သဘောပေါက်ကြမယ် ထင်ပါတယ်...

အားလုံးပဲ မိမိတို့ရဲ့ ဘဝရည်မှန်းချက်, နေ့စဥ် လုပ်ငန်းဆောင်တာတွေကို အကန့်အသတ်နဲ့ ရှိနေတဲ့ အရင်းမြစ်တွေကို သုံးပြီး အကောင်းဆုံး စီမံ ခန့်ခွဲနိုင်ကြပါစေ...🙏

ချစ်ခြင်းမေတ္တာများစွာဖြင့်
Ms.Nectar