ULearn Webx Technology

ကျွန်တော်တို့ page မှ ပထမဆုံး တင်ပြပေးချင်သော ကျန်းမာရေး‌ဆိုင်ရာ ဗဟုသုတ‌ကတော့..

ကလေးငယ်များရဲ့ အရွယ်လိုက် ဖွံ့ဖြိုးမှု အကြောင်းတွေဘဲဖြစ်ပါတယ်။

ကလေးငယ်များရဲ့ အရွယ်လိုက် ဖွံ့ဖြိုးမှု တိုးတက်မှုတွေနဲ့ ပတ်သက်ပြီး ဂရုပြုရမဲ့ အချက်တွေက ဘာတွေလဲ ?

ကလေးငယ်တွေမှာ အသက်အရွယ်အလိုက် အောက်ပါလက္ခဏာတွေ တွေ့ရှိပါက ဖွံ့ဖြိုးတိုးတက်မှု (Developmental Milestones) သိသာစွာ နောက်ကျတာ ဖြစ်ပါတယ်။

💠အသက် (၃)လ တွင်
မိခင်မျက်နှာ (သို့မဟုတ်) အရာဝတ္ထုကို လိုက်၍မကြည့်ခြင်း၊ အသံပေးသော်လည်း အပြုအမူမပြောင်းလဲခြင်း၊ မြှူးလျှင် ပြုံးမပြတတ်ခြင်း၊ အလွန်တောင့်ခြင်း (သို့မဟုတ်) ပျော့ခြင်း။

💠အသက် (၆)လ တွင်
လက်သီးကိုအမြဲဆုပ်ထားခြင်း၊ အရုပ်တစ်ခုခုကိုမြဲစွာ မကိုင်နိုင်ခြင်း၊ ခေါင်းမခိုင်ခြင်း။

💠အသက် (၉)လ တွင်
အမှီအတွယ်နှင့်ပင် မထိုင်နိုင်ခြင်း (လက်ထောက်၍ပင် မထိုင်နိုင်ခြင်း)၊ မရယ်မောတတ်ခြင်း။

💠အသက် (၁)နှစ် တွင်
မတ်တပ်ရပ်မစမ်းခြင်း၊ မတွားတတ်ခြင်း။

💠အသက် (၂)နှစ် တွင်
ဖေဖေမေမေမခေါ်တတ်ခြင်း၊ လမ်းကောင်းစွာ မလျှောက်နိုင်ခြင်း။

💠အသက် (၃)နှစ် တွင်
မပြေးနိုင်ခြင်း၊ မကြာခဏလဲကျခြင်း၊ ဝါကျတိုများမပြောနိုင်ခြင်း၊ မျက်လုံးချင်း ယှဉ်မကြည့်နိုင်ခြင်း။

💠အသက် (၄)နှစ် တွင်
စကားပြောသော်လည်း အခက်အခဲများသဖြင့် အခြားသူများ နားမလည်ခြင်း၊ အခြားကလေးများနှင့်မကစားဘဲ တစ်ဦးထဲ သီးသန့်နေခြင်း။

(*မည်သည့်အသက်အရွယ်တွင်မဆို ယခင်ရှိပြီးသား ဖွံ့ဖြိုးမှုများပျောက်ဆုံးသွားခြင်း၊ ဆုတ်ယုတ်လာခြင်း၊ ပြောတတ်ပြီးသားစကားများ မပြောနိုင်လာခြင်း*)

အသက်အရွယ်အလိုက် ဖော်ပြပါ လက္ခဏာ တစ်ခုခုတွေ့ရှိပါက ဖွံ့ဖြိုးမှု နောက်ကျနေသည်ဖြစ်ပြီး နီးစပ်ရာ ကျန်းမာရေးဌာန၊ ဆရာဝန်၊ ဆေးရုံဆေးခန်းများသို့ ဖြစ်စေ၊ ကလေးအထူးကုဆရာဝန်ကြီးများထံသို့ဖြစ်စေ အမြန်ဆုံးသွားရောက်ပြသကာ ဆေးကုသမှုခံယူသင့်ပါတယ်။

ကျန်းမာပျော်ရွှင်တဲ့ဘဝများ ပိုင်ဆိုင်နိုင်ကြပါစေ။



.