Poem In Myanmar

ဝမ်းနည်းဖွယ်နိုင်ငံတော်မှာ
ရယ်စရာတစ်ခုခု ပျောက်ဆုံးသွားတဲ့အခါ
နစ်နာသူဟာ ကျွန်တော်တို့ပါ ။

-ယဉ်ဝယ်ထက်-

အမေရိုက်ရင် ပတ်ပြေးခဲ့တဲ့ ကောင်က
ကမ္ဘာကြီးကို ပြုပြင်မယ်တဲ့

ထမင်းနပ်မှန်ဖို့
နဖူးကချွေးခြေမကျအောင်ရုန်းနေရတဲ့ကောင်က
ကမ္ဘာကြီးကို အေးချမ်းစေချင်တယ်တဲ့

ဒေါင်ကျကျ ပြားကျကျဆိုတဲ့ကောင်လဲ
နောင်ရေးတွေးမိရင် မျက်လုံးမှာအရည်တစ်ချို့နဲ့

ဘယ်နေ့သေမှန်းမသိတဲ့ ဒီခေတ်ကြီးထဲမှာတော့
ဒီလူငယ်ဟာ ငယ်ငယ်ကလိုအမေ့ကိုကြောက်တဲ့စိတ်နဲ့

တစ်ညလောက်သာ အိပ်ပျော်ချင်တော့တာမို့
ကျွန်တော် ငြိမ်းချမ်းလိမ့်မယ် ထင်ပါတယ်..။

- ရိုးတံ -

သူများအပိုင်ကိုလုဖို့နေနေသာသာ

ကိုယ့်အပိုင်တောင်
သူများလက်ထဲမှာပျော်လို့

-(Kae)-

ကျွန်တော်တို့ ဆုံရန်မရှိတော့ပါဘူး
နောက်နောင်နွေမှာလည်း
ကျွန်တော်တို့ ဆုံရန်မရှိတော့ပါဘူး။

-အောင်ချိမ့်