Hair Queen - Nge Lay

ပထမဆုံး​ပေးတဲ့အခွင့်အ​ရေးကြီး
25000 တန် Shampoo တစ်ဗူးလက်​ဆောင်ယူ​နော်

Hair Oil 5 ဗူးဝယ်တိုင်း Shampoo တစ်ဗူး
လက်​ဆောင်ရမှာဆို​တော့ ရှယ်တန်​နေပြီ​နော်

အခွင့်အ​ရေးရတုန်း အမြန်ဝယ်လိုက်​တော့​နော်

.

🎆တန်ဆောင်းမုန်းလပြည့် သာမညဖလ အခါတော်နေ့ 🎆

🙏🙏
***********************

မြတ်စွာဘုရားရှင်သည်
အဇာတသတ်မင်းကြီးအား ရဟန်းပြုသဖြင့် ရရှိမည့်အကျိုးတရားတော်
(သာမညဖလသုတ္တန် တရားတော်)ကို

တန်ဆောင်မုန်းလပြည့်နေ့တွင် ဟောကြားခဲ့ပါသည်။

အဇာတသတ်မင်းသည် ဖခင်ဖြစ်သူ ဗိမ္မိသာရ မင်းကြီးကို သတ်မိသောကြောင့် ကံကြီးထိုက်ပြီး အိပ်မပျော်သောဝေဒနာ စွဲကပ်ခဲ့ပါသည်။

ဆရာဇီဝက၏ အကြံပေးချက်အရ ဘုရားရှင်ထံ ဖူးမြော်ရန်သွားသောအချိန်သည် တန်ဆောင်မုန်းလပြည့်နေ့ ညချမ်းအချိန်ဖြစ်သည်။

ဘုရားကျောင်းသို့ သွားသောအခါ ညအခါဖြစ်သည်ကတကြောင်း၊ တောရိပ်သစ်ရိပ် ဖုံးအုပ်နေသည်ကတကြောင်း၊ အမှောင်ဖုံးနေသည်ကတကြောင်းတို့ကြောင့်

လိုက်ပါလာသူအားလုံး မီးရှုးမီးတိုင် ကိုယ်စီထွန်းညှိပြီး သွားကြရသည်။

မီးရှုးမီးတိုင်ကို ပေါရာဏ ဝေါဟာရအားဖြင့်
"တန်ဆောင်တိုင်" ဟုခေါ်သည်။

အဇာတသတ်မင်းသည် ရာဇဂြိုဟ်မြို့အနီး ဇီဝကလှူထားသော သရက်ဥယျာဥ်၌ သီတင်းသုံးလျှက်ရှိသော

မြတ်စွာဘုရားထံမှ သာမညဖလခေါ်
*(ရဟန်းပြုသဖြင့် မျက်မှောက်လက်ငင်းရရှိသောအကျိုး)* တရားတော်ကို

တန်ဆောင်မုန်းလပြည့်နေ့ညတွင် နာကြားခဲ့ရပါသည်။
တရားတော်နာရသည့်အတွက် အိပ်မပျော်သောရောဂါ လုံးဝပျောက်ကင်းသွားပါသည်။

ပုထုဇဥ်တို့တွင် ရတနာသုံးပါးကို အကြည်ညိုဆုံး ပုဂ္ဂိုလ်အဖြစ် ဧတဒဂ်ပေး မှတ်တမ်းတင်ခြင်းခံရပါသည်။

ဒုက္ခကြီးလေးသော မဟာအဝီစိငရဲ၌ မကျတော့ပဲ ဒုက္ခပေါ့ပါးသော လောဟကုမ္ဘီငရဲ၌သာ ခံစားရခြင်း၊ နောင်သောအခါ ဝိဇိတာဝီ အမည်ဖြင့် ပစ္စေကဗုဒ္ဓါဖြစ်၍ ကျွတ်တမ်းဝင်ရမည်ဖြစ်ပါသည်။

အဇာတသတ်မင်းသည် ပထမသင်္ဂါယနာ မင်းအဖြစ် မှတ်တမ်းတင်ခံရခြင်း၊ မြတ်စွာဘုရား၏ ဓာတ်တော်များကို သိမ်းဆည်း၍

ဓာတ်တော်တိုက်ကြီးတည်ထားခဲ့ခြင်း၊ ဗုဒ္ဓသာသနာနှစ်ကို အတိအကျသတ်မှတ်ခဲ့ခြင်းတို့ ပြုလုပ်နိုင်ခဲ့ပါသည်။

အဇာတသတ်မင်း စုဆောင်းထားသော ဓာတ်တော်များကို ရှာဖွေ၍ သီရိဓမ္မာသောကမင်းကြီးက စေတီပေါင်း ရှစ်သောင်းလေးထောင် တည်ထား၍

သာသနာပြုခဲ့သောကြောင့် နှောင်းခေတ် ဗုဒ္ဓဘာသာဝင်တို့ ဖူးမြော်ခွင့်ရရှိနေခြင်းဖြစ်ပါသည်။
-------------

နိုင်ငံတော် ပိဋကတ်စာကြည့်တိုက်မှူး ဘဒ္ဒန္တပညာသာမိ(မာဂမီသာစည်) ဆရာတော် ရေးသားပြုစုသော အခါတော်နေ့များစာအုပ်မှ။
-------------

တန်ဆောင်မုန်းလပြည့်ည နှင့်
မဲဇလီဖူးသုတ်
•••••••••••

ကြတ္တိကာကြယ်မင်း ထွန်းလင်းကာရာသီမှာ ဗြိတ္ဆ ရာသီဖြစ်ပါသည်။
ရာသီရုပ်မှာ ကင်းပုဇွန်ရုပ် ရာသီပန်းမှာ ခဝဲပန်းဖြစ်ပါသည်။

တန်ဆောင်မုန်းလပြည့်ညတွင် ကောင်းကင်တစ်ခွင်လုံး အလွန်သာယာလှပနေပါသည်။

ဝင်းပကြည်လင်သော လပြည့်ဝန်းနှင့်အတူ သြတ္တိကနက္ခတ်နှင့် ကျီးတာရာ၊ ဟင်္သာတာရာ၊ ကြယ်တာယာ၊ နက္ခတ်ပေါင်းစုံ ကွန့်မြူးနေပေသည်။

ဤသို့ ကောင်းကင်နက္ခတ်စုံလင်နေသဖြင့် တစ်ဆယ့် နှစ်လသော လပြည့်ညများထဲတွင် အလှဆုံး၊ အတင့်တယ်ဆုံး လပြည့်နေ့ညဖြစ်ပါသည်။

ဤတန်ဆောင်မုန်းလပြည့်ည အချိန်အခါတွင် သစ်ရွက်သစ်ဖူးတို့၌ မဲဇလီဖူးသည် ဆေးပေါင်းခသည်ဟု အဆိုရှိကြပါသည်။

မဉ္ဇရီ ဟူ၍၎င်း၊ နတ်ပန်းမဉ္ဇူဟူ၍၎င်း၊ မဲဇလီကို တင်စားခေါ်ဝေါ်ကြပါသည်။

မဇ္ဇျိမဒေသမှလာတဲ့ သရကောမုဒိ ဆေးကျမ်းအရ တန်ဆောင်မုန်းလပြည့်ည သန်းခေါင်ယံ လမင်းကြီး ဝိုင်းစက်ပြည့်ဝန်းနေစဥ်မှာ

ကြတ္တိကာနက္ခတ်နှင့် စန်းယှဥ်၍ ပုဏ္ဍာတိတီ(ဗေဒင်အခေါ် တိတီ ၁၅လုံးအတွင်း) ဆေးပင်အပေါင်းကိုစောင့်ရှောက်သော နတ်တို့သည်

မဲဇလီပင်စောင့် နတ်မင်းကြီးထံ လာရောက်ခစားကြတာကြောင့် ထိုညထိုအချိန်မှာ မဲဇလီကို ဆေးဖက်ဝင်အောင် စီရင်ခြင်းဟာ အချိန်အခါကောင်း တစ်ရပ်လို့ ဖော်ပြထားပါတယ်။

ထိုသို့ စီရင်ရာမှာလည်း လမင်းကြီး ပြည့်ပြည့်ဝဝ ပြည့်ဝန်းနေချိန်မှာ အရှေ့ဖက်သို့ထွက်နေသော မဲဇလီ အဖူး၊ အပွင့်၊ အရွက်တို့ကို စုံလင်အောင် ဆွတ်ခူးယူ၍ ချက်ချင်း သုတ်စားရမယ်လို့ဆိုပါတယ်။
---------------

-
တန်ဆောင်မုန်းလနှင့် ကထိန်
••••••••••••

မန်လည်ဆရာတော်၏ မဃဒေဝ လင်္ကာကျမ်း၌

"ထို့ပြင်နောက်မှာ နှစ်ရာကျော်ငြား ငါးဆယ့်ငါးဖြင့် ရက်ပွားရောက်လွန်ဆုံးစွန်သော သရဒ ဟု မိုးလကုန်စဲ ကထိန်ပွဲ နှင့်" ဟူ၍

အတာကူးပြောင်းပြီး(၂၂၅) ရက် မြောက်သော တန်ဆောင်မုန်းလ မိုးဥတုအဆုံး "သရဒ ဥတု" အချိန်အခါ၌ ကထိန်ပွဲများကျင်းပကြောင်း ဖော်ကျူးထားပါသည်။
-------------


မသိုးသင်္ကန်း
•••••••••••••
မသိုးသင်္ကန်း ကပ်လှူခြင်းသည် ကထိန်အလှူမှ ထပ်ဆင့်ပေါ်ပေါက်လာသော ဒါနပွဲဖြစ်၏။

ကထိန်သင်္ကန်းလှူရာဝယ် သံဃာတော်များကို ကိုယ်တိုင်ချုပ်ဆိုးထားသော သင်္ကန်းအား ညအိပ်မသိမ်းစည်းပဲ လှူဒါန်းသောနေ့ အရုဏ်မတက်မီ သင်္ကန်းချုပ်ဆိုးမှုနှင့် အပ်နှင်းမှုများအား ပြီးစီးအောင် ဆောင်ရွက်နိုင်သော သင်္ကန်းကို မသိုးသင်္ကန်းဟုခေါ်ပါသည်။

သင်္ကန်းချုပ်ဆိုးနေစဥ်
အရုဏ်တက်လျှင်ဖြစ်စေ
အပ်နှင်းမှု လုံးဝမပြုပဲ
ညသိပ်ထားလျှင်ဖြစ်စေ
သင်္ကန်းသိုးသည်ဟု ဆိုပါသည်။
~~~~~~~~~~~~


( ဖတ်သမျှ မှတ်သမျှ ဗဟုသုတ. )