Finance For Future
Share
MONEY PERSONALITIES
ပိုက်ဆံ ငွေကြေးပိုင်းဆိုင်ရာ စိတ်နေစိတ်ထားပုံစံများ
Money Personalities ဆိုတာ လူတွေ တစ်ယောက်နဲ့ တစ်ယောက် ပိုက်ဆံ ငွေကြေး နဲ့ ပတ်သက်လာရင် စီမံခန့်ခွဲ သုံးစွဲပုံ မတူညီသောပုံစံများ၊ အပြုအမူများနှင့် အယူအဆ သဘောထားများကို ရည်ညွှန်းသလို ငွေကိုမည်သို့ချဉ်းကပ်ပုံ၊ ငွေကြေးဆိုင်ရာ ဆုံးဖြတ်ချက်များချရန်နှင့် ကြွယ်ဝချမ်းသာမှုနှင့် ပတ်သက်သည့် အမြင်များ ဖြစ်ပါတယ်။
ဒီလို မတူကြတဲ့ ပုံစံတွေကို အမျိုးအစားခွဲတဲ့အခါ တိုင်းတာကြတဲ့ ပုံစံ အမျိုးအမျိုးရှိတဲ့ထဲက တချို့ကို မျှဝေပေးချင်ပါတယ်။
(1) The Saver / Security Seeker
ငွေကြေး စုဆောင်းသူ (သို့) ငွေကြေးလုံခြုံရေးကိုရှာဖွေသူ
အနာဂတ်ကို ဦးတည်လေ့ရှိကြပြီး ငွေကြေးလုံခြုံရေးနှင့် တည်ငြိမ်မှုအတွက် ပြင်းပြသောဆန္ဒရှိတဲ့ လက္ခဏာရပ် ရှိသူဖြစ်ပါတယ်။ ငွေစုသူများသည် စုဆောင်းခြင်းနှင့် ကြွယ်ဝချမ်းသာမှုကို ဦးစားပေးလေ့ရှိပြီး သူတို့၏အသုံးစရိတ်နှင့် ရေရှည်ဘဏ္ဍာရေးပန်းတိုင်များကို အခြေခံ၍ ဆုံးဖြတ်ချက်များချရာတွင် သတိကြီးစွာထားလေ့ရှိတတ်ပါတယ်။
(2) The Spender / Enjoyer
ငွေကြေး သုံးစွဲ ပျော်မွေ့သူ
ပစ္စုပ္ပန်ကို နှစ်သက်ကြပြီး အတွေ့အကြုံများကို ခံစားကာ ငွေကြေးသုံးစွဲခြင်းကို နှစ်သက်ပြီး အတွေ့အကြုံများနှင့် ပစ္စည်းပိုင်ဆိုင်မှုများမှ ပျော်ရွှင်မှုကို ရယူတတ်ကြပါတယ်။ နောင်ရေး ငွေကြေး ရေရှည်ဘဏ္ဍာရေးဖူလုံမှုထက် လက်ရှိ ရေတိုစိတ်ကျေနပ်မှုရရှိရေးကို ဦးစားပေးပြီး စိတ်မြန်လက်မြန်သုံးစွဲရတတ်တဲ့ သဘောထားရှိတတ်ကြသူများ ဖြစ်ပါတယ်။
(3) The Protector
ငွေကြေး အကာအကွယ်ပေးသူ
တာဝန်သိစိတ်ပြင်းထန်ပြီး သူတို့ ချစ်ရသူများ၏ ငွေကြေး ဘဏ္ဍာရေးသုခချမ်းသာရေးကို ဦးစားပေးသောသူများ ဖြစ်ပါတယ်။ မိသားစု သို့မဟုတ် သူငယ်ချင်းများအတွက် ငွေကြေးဆိုင်ရာ လုံခြုံမှုရှိစေရန်နှင့် ငွေရေးကြေးရေးအခက်အခဲများမှ ကာကွယ်စောင့်ရှောက်ပေးသည့် အခန်းကဏ္ဍကို သူတို့က တာဝန်ယူပေးတတ်ကြပါတယ်။
(4) Planner / Strategist
ငွေကြေး စီမံခန့်ခွဲသူ
ငွေကြေးစီမံခန့်ခွဲမှုအတွက် နည်းလမ်းကျပြီး ဗျူဟာမြောက် အသေးစိတ်အစီအစဉ်များ ရေးဆွဲခြင်းကို နှစ်သက်ကြသည်။
အသုံးစရိတ်များကို ခြေရာခံရာတွင် မကြာခဏ ဝီရိယရှိကြပြီး ငွေကြေး ဘဏ္ဍာရေးဆိုင်ရာများကို ဂရုတစိုက်စီစဉ်ကာ စုစည်းကာ၊ Budget များဖန်တီးကာ သီးခြားဘဏ္ဍာရေးပန်းတိုင်များကို ချမှတ်ကြပါတယ်။ ငွေကြေး ရေရှည်ဘဏ္ဍာရေးစီမံကိန်းကို ဦးစားပေးပြီး Professional Advice ပရော်ဖက်ရှင်နယ်အကြံဉာဏ်ကို ရယူလေ့ရှိကြပါတယ်။
(5) The Dreamer
စိတ်ကူးယဉ် အိပ်မက်သမား
စိတ်ကူးယဉ်ဆန်ပြီး အမြော်အမြင်ရှိသော ပုဂ္ဂိုလ်များဖြစ်ပြီး ငွေကြေးဆိုင်ရာ ရည်မှန်းချက်ကြီးကြီးမားမား ရှိတတ်ပါတယ်။။ ကိုယ်ပိုင်လုပ်ငန်းကိုစတင်ခြင်း သို့မဟုတ် ငွေကြေးအောင်မြင်ရန် အလားအလာရှိသော ဖန်တီးမှုဆိုင်ရာကြိုးပမ်းမှုများကို လိုက်စားခြင်းကဲ့သို့သော ငွေကြေး ဘဏ္ဍာရေးအနာဂတ်အတွက် ရည်မှန်းချက်ကြီးသောရည်မှန်းချက်များနှင့် အစီအစဉ်များ ရှိတတ်ကြပါတယ်။
(6) The Achiever
အောင်မြင်သူ
ငွေကြေးအောင်မြင်မှုအတွက် ကြိုးပမ်းကြသော ပန်းတိုင်ကို ဦးတည်သော သူများဖြစ်ပါတယ်။ စည်းကမ်းရှိပြီး မကြာခဏ ငွေပိုရှာရန်နှင့် ကြွယ်ဝချမ်းသာမှုအဆင့်ကို ရရှိရန် အာရုံစိုက်လေ့ရှိတတ်ကြပါတယ်။ ငွေကြေး အောင်မြင်မှု၏ ပြင်ပအမှတ်အသားများဖြင့် လှုံ့ဆော်ခံရလေ့ရှိပြီး ဘဝ၏အခြားကဏ္ဍများထက် ငွေကြေးအောင်မြင်မှုများကို ဦးစားပေးလုပ်ဆောင်နိုင်ကြသူများဖြစ်ပါတယ်။
(7) The Carefree
ဂရုမစိုက်သူ
ငွေကြေး အပေါ် တည်တည်ငြိမ်ငြိမ်နှင့် ဂရုမစိုက်သော သဘောထားရှိတတ်ကြပါတယ်။ ငွေကြေး ဘဏ္ဍာရေးအစီအစဉ်ကို ဦးစားမပေးဘဲ ဂရုမစိုက်သောလူများသည် လက်ရှိအခိုက်အတန့်တွင် နေထိုင်လေ့ရှိကြပြီး ချမ်းသာကြွယ်ဝမှု စုဆောင်းခြင်း သို့မဟုတ် သီးခြားဘဏ္ဍာရေးပန်းတိုင်များ အောင်မြင်ခြင်းအတွက် စိုးရိမ်ပူပန်ခြင်းမရှိကြသူများ ဖြစ်ပါတယ်။
(8) The Avoider
ရှောင်လွှဲသူ
ငွေရေးကြေးရေးကိစ္စများကို ရှောင်ရှားလေ့ရှိပြီး ငွေကြေးနှင့်ပတ်သက်၍ ကြောက်ရွံ့မှု သို့မဟုတ် အဆင်မပြေမှုများရှိနိုင်ပါတယ်။ ငွေကြေး ဘဏ္ဍာရေးတာဝန်များကို အချိန်ဆွဲခြင်း၊ ငွေကြေး ဘဏ္ဍာရေးတာဝန်များကို လျစ်လျူရှုခြင်း သို့မဟုတ် ငွေကြေးစီမံခန့်ခွဲမှုအတွက် အခြားသူများကို အားကိုးခြင်းတို့ လုပ်တတ်ကြသူများ ဖြစ်ပါတယ်။
(9) Risk-Taker/Entrepreneur
The Risk Taker ဤပုံစံသည် စွန့်စားမှုကို လက်ခံပြီး ငွေကြေးဆိုင်ရာ အခွင့်အလမ်းများကို လိုက်လျှောက်ရန် အခွင့်အလမ်းများကို ရယူလိုပါသည်။ Risk-takers များသည် စွန့်စားရင်းနှီးမြှုပ်နှံခြင်း၊ လုပ်ငန်းစတင်ခြင်း သို့မဟုတ် မြင့်မားသောအကျိုးအမြတ်များအတွက် အလားအလာရှိသော မှန်းဆထားသော ရင်းနှီးမြှုပ်နှံမှုများတွင် ပါဝင်နိုင်ပါသည်။
(10) Giver / The Martyr
ပေးသူ / အာဇာနည်
အခြားသူများ၏ လိုအပ်ချက်များကို ဦးစားပေးပြီး လိုအပ်နေသော လူတစ်ဦးချင်းထံ သို့မဟုတ် လိုအပ်နေသော လူတစ်ဦးချင်းထံ ငွေပေးလှူရန် လိုလားကြပါတယ်။ သူတို့သည် အခြားသူများကို ကူညီခြင်းမှ ကျေနပ်မှုရရှိတတ်ပြီး တစ်ခါတစ်ရံတွင် သူတို့၏ကိုယ်ပိုင်ငွေကြေးချမ်းသာမှုကို ထိခိုက်စေနိုင်ပါတယ်။
(11) The Status Seeker
အဆင့်အတန်းရှာဖွေသူ
အချို့သောလူမှုရေးအဆင့်အတန်း သို့မဟုတ် ရုပ်ပုံတစ်ခုရရှိစေရန် အာရုံစိုက်တတ်ကြပါတယ်။ တန်ဖိုးကြီးသော ပိုင်ဆိုင်မှုများ၊ ဇိမ်ခံပစ္စည်းများကို ရယူရန် သို့မဟုတ် အောင်မြင်မှုကို ညွှန်ပြရန်အတွက် ထင်သာမြင်သာရှိသော စားသုံးမှုများ လုပ်ပြတတ်ကြပါတယ်။
~
ဒီလို ငွေကြေးပိုင်းဆိုင်ရာ ပုံစံများ သည် တိကျသောအမျိုးအစားများမဟုတ်ကြောင်း မှတ်သားထားရန် အရေးကြီးပြီး တစ်ဦးချင်းစီသည် စရိုက်မျိုးစုံမှ စရိုက်လက္ခဏာများကို ပြသနိုင်သည် သို့မဟုတ် အချိန်နှင့်အမျှ တိုးတက်ပြောင်းလဲလာနိုင်ပါတယ်။
ငွေကြေး၏ ကိုယ်ရည်ကိုယ်သွေးများကို နားလည်ခြင်း၏ ရည်ရွယ်ချက်မှာ မိမိကိုယ်မိမိ သိရှိနားလည်မှု ရရှိရန်နှင့် ငွေကြေးဆိုင်ရာ အပြုအမူများနှင့် ဆုံးဖြတ်ချက်ချခြင်း လုပ်ငန်းစဉ်များအပေါ် လွှမ်းမိုးနိုင်သည့် ပုံစံများကို ဖော်ထုတ်ရန်ဖြစ်ပါတယ်။
~
ပုံစံတစ်ခုချင်းစီ အတွက် ကောင်းမွန်သော ပြောင်းလဲ လုပ်ဆောင်သင့်သော အကြောင်းအရာများကို နောက်တပတ်ထဲမှာ ဆက်ပြီး မျှဝေပေးသွားပါမယ်။
~
ဒီစာကို ဖတ်ပြီးချိန်မှာ ဘယ်လို ခံစားချက်တွေ ရရှိလဲ ?
ကိုယ်က ဘယ်လို ပုံစံလဲ ?
01/11/2022
Hello …
ကိုယ့်ရဲ့ Cash & Bank Balance တွေကို စစ်ဖို့ မနေ့ညက သတိပေးခဲ့တာ ဘယ်သူတွေ လုပ်ဖြစ်လဲ ?
ဒီနေ့ 1.Nov Day 1 ကနေ Day by Day, Week by Week မှာ လုပ်သင့်တဲ့ 3 Money Activities ကို မျှတေပေးချင်ပါတယ်။
~~~~~~~
Activity (1)
Money Flow In & Out ကို ကြည့်ပါ။
တချို့အတွက် တစ်လမှာ လကုန်မှ လစာဝင်တာ ရှိသလို တချို့အတွက် project by project အနေနဲ့ ငွေဝင်တာတွေ ရှိတာကြောင့် ကိုယ့်ရဲ့ Money Flow အလိုက် In & Out ကို မှတ်ထားပြီး ကြည့်ပါ။
Money Flow လို့ ပြောတာကြောင့် ပိုက်ဆံဆိုတာ အဝင် နဲ့ အထွက် ရှိနေပြီး Flow စီးဆင်းနေဖို့ လိုအပ်ပါတယ်။ ငွေ အဝင်ကြီးပဲ လိုချင်နေလို့ မရသလို၊ ငွေ အထွက်ကြီးပဲ သုံးနေမိလို့လည်း မဖြစ်သင့်ပါဘူး။
ဒါကြောင့် ကိုယ့်ရဲ့ ငွေဝင်၊ ငွေထွက် ကို ကြည့်ပါ။
~~~~~~~
Activity (2)
သုံးလိုက်တဲ့ Categories အလိုက် (ဥပမာ။ Foods, Snacks, Clothes, Transport, Phone Bill etc) ခွဲပြီး Amount ပမာဏ ကို မှတ်ထားပါ။
တစ်ရက် တစ်ရက်၊ တစ်ပတ် တစ်ပတ် နဲ့ မှတ်ရင်း တစ်လ ပြည့်တဲ့အခါ ကိုယ့်ရဲ့ အသုံးစရိတ်တွေက ဘယ်နေရာတွေမှာ ဘယ်လောက်သုံးမိနေလဲ ဆိုတာကို သတိထား ကြည့်နိုင်ပါလိမ့်မယ်။
ကိုယ်နဲ့ အဆင်ပြေမယ့် Application ကို သုံးရင်လည်း လွယ်ကူ အဆင်ပြေနိုင်ပါတယ်။
~~~~~~~
Activity (3)
Wants : လိုချင်တာ နဲ့ Needs : လိုအပ်တာ ကို ကွဲပြား သိပါစေ။
အသုံးစရိတ်တွေထဲမှာ ဘယ်အရာတွေကို Wants လိုချင်တဲ့ ဆန္ဒကြောင့် ဝယ်လိုက်တာ ရှိလဲ ? ဘယ်အရာတွေကတော့ Needs လိုအပ်ချက်အရ မဖြစ်မနေ ဝယ်ရတာလဲ ?
ဒီလို ကြည့်ရင်းနဲ့ ကိုယ့်ရဲ့ မလိုတာ အပိုသုံးတတ်တဲ့ အကျင့် Money Habits ကို တွေ့နိုင်ပြီး ပြောင်းလဲ ပြင်ယူနိုင်ပါလိမ့်မယ်။
18/04/2022
အားလုံးပဲ နှစ်သစ် မင်္ဂလာပါ..
ပိတ်ရက်အတွင်း ဘာတွေ လုပ်ဖြစ်ကြလဲ ?
Kz ကတော့ အိမ်မှာပဲ online တရားစခန်းဝင်ဖြစ်တယ်။ Facebook, Social Medias, YouTube တွေလည်း နားထားပြီး ဒီနေ့မှ ပြန်စသုံးဖြစ်တယ်။
လွန်ခဲ့တဲ့ ၂နှစ်ကျော်လောက်တုန်းက shopping လုပ်တာ ပစ္စည်းတွေဝယ်တာကို Kz အရမ်းကို စွဲလမ်းခဲ့ဖူးတယ် I was so addicted to shopping. Facebook Newfeeds ပေါ်လည်း Online Shopping Pages တွေကြီးပဲ။ SALE ဆိုတာနဲ့ သွားကြည့်ပြီ အိတ်တွေ၊ ဖိနပ်တွေ၊ မိတ်ကပ်၊ ရေမွှေး၊ အင်္ကျီ၊ စုံနေအောင်ကို ဝယ်တာ ဝယ်တာဆိုတာ မနည်းဘူး။
Oxford ဆရာတော်ရဲ့ စာအုပ်တစ်အုပ်မှာ ဖတ်မိတယ်။ ပိုက်ဆံအိတ်အသစ်တစ်ခု ဘာလို့ဝယ်လဲ ကိုယ့်စိတ်လေး ပျော်ရွှင်ဖို့ ဝယ်တယ်ဆိုရင် ဒီအိတ်အသစ်ရလို့ ပျော်ရွှင်ရတယ်ဆိုရင် ဝယ်ပြီးသွားပြီး နောက်ထပ် အသစ်အသစ်တွေကိုလည်း ထပ်ဝယ်တယ်ဆိုရင် ပျော်ရွှင်မှုက ဒီအိတ်ကြောင့် မဟုတ်တော့ဘူးပေါ့လို့ ပြောတယ်။
ပြန်တွေးကြည့်တော့ ဟုတ်တယ် အိတ်အသစ်လေးတွေ့လို့ အဲ့ဒီ အိတ်ကို လိုချင်တဲ့ စိတ်ထက် (ဝယ်ချင်တဲ့စိတ်) က အဓိက ဖြစ်နေခဲ့တယ်။ အသစ်အသစ်တွေ ဝယ်ရရင် ပြီးရော (ပိုက်ဆံလေးသုံးလိုက်ရမှ စိတ်ချမ်းသာတယ်) ဆိုတဲ့ ပုံစံမျိုး ဖြစ်နေခဲ့ဖူးတယ်။ အိမ်ရှင်းပြီဆိုရင်လဲ ဘယ်တုန်းက ဝယ်ထားလဲတောင် မသိတဲ့ အိတ်တွေ အင်္ကျီတွေလဲ တွေ့တယ်။
စိတ်ပျော်ဖို့နောက်ကို လိုက်ရင်း အသစ်အသစ်တွေ ဝယ်နေလဲ အပြီးမသတ်တော့ဘူးဆိုတာကို အချိန်တစ်ခုရောက်တော့ ပြန်စဉ်းစားကြည့်မိလာတယ်။ ပိုက်ဆံတွေသာ သုံးလိုက်တယ် စိတ်ကျေနပ်မှုက ခဏပဲခံတာကို မကြိုက်တော့ဘူး။ အချိန်လည်း အတူတူပဲ စိတ်ပျော်ဖို့ ဇာတ်လမ်းတွေကြည့်တယ် အသစ်အသစ်တွေ မပြီးတော့ဘူး။
အခုနောက်ပိုင်း အချိန်သုံး ပိုက်ဆံသုံးလိုက်ပြီး စိတ်ကျေနပ်မှု မြဲတဲ့ အရာကို တွေ့ရှိလာတယ် အဲ့ဒါက Investment In Myself ကိုယ့်အတွက်ကိုယ် ရင်းနီးမြုပ်နှံခြင်း လုပ်တယ်။
Investment ရင်းနှီးမြုပ်နှံခြင်း လို့ပြောလိုက်ရင် အများစုကတော့ ပိုက်ဆံ နဲ့ ပတ်သက်ပြီးပဲ မြင်ကြမယ်။ ဘာအတွက် ရင်းနီးမြုပ်နှံကြလဲ ဆိုရင် ပိုက်ဆံများများ ပြန်ရဖို့ ပြောမယ်။ ဘယ်မှာ ရင်းနီးမြုပ်နှံလဲဆိုရင် စီးပွါးရေးလုပ်မယ်၊ အိမ်ဝယ်ရောင်း၊ ကားဝယ်ရောင်း အစရှိသဖြင့် တွေးကြမယ်။ တကယ်တာ့ Investment ရင်းနှီးမြုပ်နှံခြင်း ဆိုတာ ပိုက်ဆံတစ်ခုပဲမဟုတ်၊ Time အချိန်ကိုလဲ လုပ်လို့ရတယ်။
Investment In Yourself ကိုယ့်အတွက်လဲ Money Investment ငွေကြေး ရင်းနှီးမြုပ်နှံခြင်း လုပ်လို့ရတယ် Time Investment အချိန် ရင်းနှီးမြုပ်နှံခြင်း လုပ်လို့ရတယ်။
Kz ကိုယ်တိုင် Education, Development, Coaching, Mentoring, etc မှာ Self Investment ပိုလုပ်ဖြစ်လာတယ်။
မလိုအပ်တဲ့ အပေါ်ယံအသုံးအဆောင် ပစ္စည်းတွေ ဝယ်မယ့် ပိုက်ဆံတွေရယ်၊ ဇာတ်လမ်းတွေကြည့်ပြီး ငိုလိုက် ရယ်လိုက် ဒေါသထွက်လိုက်အတွက် သုံးမယ့် အချိန်ရယ်ကို ကိုယ့်ရဲ့ အသိပညာတွေ တိုးတက်စေမယ့် ပညာရှင်တွေနဲ့ စကားပြောဖို့၊ လေ့လာဖို့ နေရာမှာ ပိုသုံးရတာ ပိုပြီး စိတ်ကျေနပ်မှု ရလာတယ်။
ဒီ သင်္ကြန်ပိတ်ရက် အတွင်း Facebook, Social Media, YouTube, Dramas အကုန် ရပ်ပြီး online တရားစခန်းဝင်ရင်း အချိန်ဇယားအရ တရားထိုင်တယ်၊ ကျန်တဲ့ အချိန်တွေမှာ ကိုယ် ပိုက်ဆံပေး အချိန်ပေး သင်ယူခဲ့တဲ့ ပညာရပ်တွေ ပြန်လေ့လာဖြစ်တယ်။ ပညာရှင်တွေနဲ့ စကားပြောဖို့၊ အသိပညာတွေ လေ့လာဖို့ သုံးခဲ့ရတဲ့ ပိုက်ဆံ နဲ့ အချိန်အတွက် ထပ်လေ့လာတိုင်း အသိဥာဏ် အတွေးအခေါ် အသစ်အသစ် ပြန်ပြန်ရလို့ ထပ်ထပ်ပြီး စိတ်ကျေနပ်မှု ရတယ်။
ပညာရှင်တွေရဲ့ အသိဥာဏ်တွေကို စပြီး လေ့လာခဲ့တုန်းကတော့ စျေးများတယ် တန်ရဲ့လားနဲ့ တွေးခဲ့ဖူးတယ်။ တကယ်တမ်း အနှစ်သာရကို ရသွားပြီး လက်တွေ့ဘဝမှာ အကျိုးရှိတာကို တွေ့လာတော့ ပိုတန်ဖိုးထားမိလာတယ်။ သူတို့ကိုယ်တိုင်လည်း Education အပိုင်းမှာ ပိုက်ဆံတွေ အချိန်တွေ ရင်းနီးမြုပ်နှံပြီး ပြန်မျှဝေပေးနေတာကို ကျေးဇူးတင်မိတယ်။ ပေးခဲ့ရတဲ့ ပိုက်ဆံကို များတယ်လည်း မတွေးမိတော့ဘူး။ ပညာရှင်တွေက စေတနာထားပြီး အလကား မေတ္တာနဲ့ မျှဝေတာတွေ ရှိတယ်၊ ပေးလိုက်ရတဲ့ ပိုက်ဆံထက် ပိုရတဲ့ ပညာတွေပေးတယ်။ သိသူဖော်စား မသိသူ ကျော်သွား စကားကိုတောင် သတိရမိတယ်။
Kz အလုပ်လုပ်တယ် ဘာအလုပ်လုပ်လဲ : လူတွေနဲ့ စကားပြောပေးပြီး ဘဝမှာ အဓိပ္ပါယ်ရှိရှိ နေထိုင်ဖို့၊ မှန်ကန်တဲ့ အတွေးအခေါ်နဲ့ စီးပွါးရေး၊ ငွေကြေး၊ လူမှုဆက်ဆံရေး၊ နေရာတိုင်းမှာ တိုးတက်ပြောင်းလဲဖို့ ကိုယ်ပိုင် အစွမ်းအစတွေ ဖော်ထုတ်ပေးတယ်။
Kz ပိုက်ဆံရှာတယ် ဘာအတွက်လဲ : ကိုယ့်ကို အခုထက်ပိုပြီး မြင့်မားတဲ့ အသိပညာဥာဏ်နဲ့ ဘဝနေထိုင်မှုပုံစံရစေမယ့် ပညာရှင်တွေရဲ့ အသိပညာဥာဏ်တွေ လေ့လာဖို့ Self Investment In Education အတွက်သုံးတယ်။
ကိုယ့်ရဲ့ ဘဝမှာ ပျော်ရွှင်ခြင်း အစစ်အမှန်ကိုလိုချင်တယ်၊ ကိုယ့်အစွမ်းအစနဲ့ ကိုယ့်စိတ်ကြိုက် ဘဝကို ဦးဆောင်ချင်တယ်ဆိုရင် Self Investment ; Time Investment လုပ်ဖို့ စိတ်ဝင်စားရင် Kz နဲ့ Coaching ယူဖို့ Link ကနေ Online Appointments Booking ယူနိုင်ပါတယ်။
https://calendly.com/khaingzintheint/60min
Topics :
Life Coaching
Personal Finance
Life Insurance
ကိုယ် စိတ်ဝင်စားတဲ့ Topics ကို ရွေးနိုင်ပါတယ်။
Click here to claim your Sponsored Listing.
Category
Website
Address
Yangon
