Sweety garden

အပင်ချစ်သူများဆုံဆည်းရာ အပင်ချစ်သူလေးမို့ရိုက်ဖြစ်ခဲ့တယ် page လေးကိုဝန်းရံပေးပါနော်
သစ်ပင်လေးတွေချစ်သူအားလုံးကို
ချစ်ခင်လေးစားလျှက်
#အပင်ချစ်သူ #ဝါသနာပါလို့ကိုယ်တိုင်စိုတ်အပင်လေးတွေပါရှင်

#နှင်းဆီစိုက်ပျိုးနည်း
=============
#နှင်းဆီပန်းကို
အလှပန်းအိုးနဲ့စိုက်တာပဲဖြစ်ဖြစ်
မြေမှာချစိုက်တာပဲဖြစ်ဖြစ် မြေဩဇာကို
တစ်လတခါ တစ်လခွဲတခါ
ပုံမှန်ကျွေးပေးရပါတယ်။

မြေဩဇာ ပုံမှန်ကျွေးမပေးလို့
အဖူး အပွင့်သေးသွားတယ်
အပင် ထပ်ပြီး မကြီးထွားဘူး အဲ့ဒီလိုမျိုးလည်း ဖြစ်တတ်ပါတယ်။

ဝယ်တဲ့အချိန်မှာ အပွင့် အဖူးကြီးတယ် အပင်တွေသန်တယ်ဆိုတာက ကျနော်တို့ ဒီမှာ ကျွေးပေးထားတဲ့ ဓါတ်မြေဩဇာ အရှိန်နဲ့ပါ ဒီမှာက ၃ပတ် တခါ ၁လတ‌ခါလောက် အပင်တွေကို ဓါတ်မြေဩဇာ ‌ကျွေးပေးကြပါတယ်၊ ဓါတ်မြေဩဇာ အနေနဲ့က အာမို/နိုက်ထရိုဖော်စကာ 15:15:15 ကို သုံးပါတယ်)
- နောက်တခုကအလှပန်းအိုးနဲ့ စိုက်တဲ့အခါမှာ နုန်း ဒါမှမဟုတ် မြေကြီးသက်သက်ချည်းပဲ ထည့်ရင်လည်း မြေကြပ်ပြီး အမြစ်ကောင်းကောင်း အလုပ်မလုပ်နိုင်တဲ့အတွက်အပွင့် အဖူးသေးတတ်ပါတယ်။

တခါတခါ အပင်တောင် သေသွားတတ်ပါတယ်။

နုန်း/မြေကြီး ကို ဖွဲပြာ/စပါးခွံ/မြေပဲခွံ တမျိုးမျိုးနဲ့ရောစပ်ပြီးထည့်ပေးရပါတယ်။

(နုန်း/မြေကြီး ၁ဆ ဖွဲပြာ ၂ဆ
၁ဆ ၂ဆ ၁ဆ ၃ဆ ၁ဆ ၄ဆ အဆင်ပြေသလိုရောစပ်ပြီး အသုံးပြုနိုင်ပါတယ်)

နောက်တခုက - လောင်းရိပ်
အပင်တွေက လောင်းရိပ်/အရိပ်အောက် မကြိုက်ပါဘူး။

#နေရောင်ရမှ အစာချက်နိုင်တာပါ။

လောင်းရိပ်/အရိပ်အောက် ရောက်နေရင်လည်း အပွင့်အဖူးသေးပြီး အပင်မကြီးထွားတတ်ပါဘူး။

(‌နှင်းဆီပင်ကို နေပူမှာစိုးပြီး အရိပ်အောက်မှာပဲ ထား ထားတာကို တွေ့ဖူးခဲ့ပါတယ်)

ခြုံငုံပြီး ပြောမယ်ဆိုရင်
အပင်ကို အလှပန်းအိုးနဲ့စိုက်တာပဲဖြစ်ဖြစ် မြေကြီးမှာချစိုက်တာပဲဖြစ်ဖြစ် မြေဩဇာကို တစ်လ တခါ တစ်လခွဲ တခါလောက် ပုံမှန်ကျွေးပေးရပါတယ်။

အပင်ကို အလှပန်းအိုးနဲ့ထည့်စိုက်မယ်ဆိုရင်
နုန်း/မြေကြီးနဲ့ ဖွဲပြာ/စပါးခွံ/မြေပဲခွံ တမျိုးမျိူးတို့ကိုရောစပ်ပြီးထည့်ပေးရပါတယ်။

အပင်ကို လောင်းရိပ်/အရိပ်အောက်မှာ မထားပဲေ နရောင်ရတဲ့နေရာမှာသာ ထားပေးရပါတယ်။

စိုက်ပျိုးရေး နည်းပညာ
မျှဝေပေးလိုက်ပါတယ်

Credit... Original Uploader and photo
#နှင်းဆီ

#အစာအိမ်ရောဂါအတွက်ဆေးတစ်လက်

ကျွန်တော်သည် အစာအိမ်ရောင်ရောဂါကို ခံစားရသည်မှာ ၃ လ နီးပါး ရှိပါပြီ။

အစားရှောင်သော်လည်း တခါတလေ မတည့်သည့် အရာများ စားမိလျှင်လည်း လူးလှိမ့်နေအောင် ခံစားခဲ့ရပါသည်။

ဆေးရုံ ဆေးခန်းများ ပြသပြီး ကုသမှုခံယူခဲ့သော်လည်း အနည်းငယ်မျှသက်သာပြီးလျှင် မကြာခဏ ပြန်ဖြစ်သောကြောင့် ခန္ဓာကိုယ် အလေးချိန်မှာ ၁၀၁ ပေါင်မျှသာ ကျန်ရှိပါသည်။

နိုင်ငံခြားထွက်ရန် နီးလာသဖြင့် စိတ်ဓာတ်များလည်းကျခဲ့ရပါသည်။
-

ယခု ကျွန်တော် ရောဂါပျောက်ကင်းပြီး ကျန်းမာလန်းဆန်းလာခဲ့ပါပြီ။

သင်္ဘော(ဖို) ရွက်ဟာ ဤမျှလောက် ဆေးစွမ်းထက်မည်လို့လည်း တစ်ကြိမ်တစ်ခါမျှ မတွေးမိခဲ့ပါ။

ထို့ကြောင့် ထပ်တူရောဂါခံစားနေရသော မိတ်ဆွေများကို ဆေးနည်းကို ဝေမျှပေးပါရစေ။

သင်္ဘောဖိုရွက် (ကြီးလျှင် ၃ ရွက် အနေတော်ဆိုလျှင် ၅ ရွက်) ကို ဆုံထဲတွင် ဆားမန်ကျည်းစေ့ခန့်မျှ ထည့်၍ ရေအနည်းငယ်စီထည့်ကာ လဖက်ရည်ပန်းကန် တစ်လုံးစာမျှရသည်ထိ ထောင်းပေးပါ။

ထို့နောက် အဝတ်သန့်သန့်ဖြင့် စစ်ချကာ မနက်တစ်ခွက် ညတစ်ခွက် (၅) ရက်ဆက် သောက်သုံးပေးပါ။

ရှောင်ရန် အစားအစာများ

- အရက် ၊ ဘီယာ ၊ ကွမ်း ၊ ဆေးလိပ်။
- လဖက်ရည် ၊ ကော်ဖီ။
- အုန်းနို့ ၊ မလှိုင် အခြားအဆီပြည့် နို့ထွက်ပစ္စည်များ
- ကြက်သွန်ဖြူ/နီ ၊ ဒညင်းသီး။
- အပူ ၊ အစပ် ၊ ငရုတ်ကောင်း။
- Gas ပါသော အချိုရည်များ။
- အရမ်းချဉ်သောအစားအစာများ/အရည်များ
- အကိုက်ခဲပျောက်ဆေး။

သတ္တဝါများ အားလုံး စားသမျှ အဟာရဖြစ်၍ ကျန်းမာရွှင်လန်းကြပါစေ ။
#ကျမ်းမာရေး

#မီးကွင်းဂမုန်းပင်
းကွင်းဂမုန်းပင်

#မီးကွင်းဂမုန်းပုံသဏ္ဌာန်

နှစ်ရှည်ခံ အရည်ရွှမ်းသော ပင်ပျော့မျိုး ဖြစ်သည်။ ပင်စည်ကို အရွက် များက ဖုံးအုပ်နေသည်။ အရွက်များ တစ်ရွက် နှင့်တစ်ရွက် ထပ် လျက်ထွက်သည်။ ရှည်မျော၍ ထိပ်ချွန်သည်။ ရွက်နား ညီသည်။ အပေါ် မျက်နှာပြင်သည် အစိမ်းရောင် ရှိပြီး အောက်မျက်နှာ ပြင်၌ မရမ်းရောင် ရှိသည်။ အရွက် မျက်နှာပြင်များမှာ ပြောင်ချော၍ အသား ထူသည်။ ပန်းခိုင်သည် အဆုံးရှိ ကြားထွက် ပန်းခိုင်ဖြစ်ပြီး အဖြူရောင် အပွင့် ကလေးများ ပွင့်သည်။

#အပင်

ပင်ပျော့ ပင်ငယ် တစ် မျိုး ဖြစ်သည်။ အမြင့် ၂ ပေ ထိ ရှိတတ်၏ ။ အရွက်များ တစ်ရွက် နှင့် တစ်ရွက် ထပ်လျက် ဝေဆာစွာ ထွက်ပြီး အရွက်များ ရင့်၍ ကျသွားသော အခါ ပင်စည် ပေါ် လာသည်။ အုံလိုက်ရုံလိုက်ရှိသည်။ ယင်းကို စိုက်ပျိုးထားလျှင် မီးကွင်းသည်ဟုဆိုသည်။

#အရွက်

အရွက် ရှည်မျောမျော ပုံသဏ္ဌာန် ရှိ၍ နာနတ် ရွက်ကဲ့သို့ ရွက်ထိပ်ဘက်သို့ ကျဉ်းမြောင်းချွန်ထက် သွားသည်။ အရွက်အပေါ် မျက်နှာပြင် အစိမ်းရင့်ရောင်ရှိ၍ အောက် မျက်နှာပြင် မရမ်းစေ့ ရောင် ရှိသည်။ ရွက်နား ညီပြီး ကြက်သွေး ရောင်ရှိသည်။ အရွက် ပြောင်ချော ၍ အသားထူ သည်။ အရည်ရွှမ်း သည်။ ရွက်ပြား ပြန့် ပြူး ခြင်း မရှိ ။ မြောင်း ကဲ့သို့ ခွက်နေ၏ ။

#အပွင့်
သေးငယ် ၍ တစ်ပွင့် ချင်း ပွင့် ၏ ။ အဖြူ ရောင် ရှိသည်။ ပုခက် ကဲ့သို့ ပွင့်ဖတ် ဖြင့် ဖုံးနေ၏ ။ နယုန် ၊ဝါဆိုလ များ တွင် ပွင့်၏ ။

အသုံးပြုနိုင်သည့် အစိတ်အပိုင်းများ
အရိုး ၊ အရွက်။

မြန်မာနိုင်ငံတွင် တွေ့နိုင်သောနေရာများ
မြန်မာ နိုင်ငံ အနှံ့အပြား တွင် ပေါက်ရောက်သည်။

ပေါက်ရောက်ပုံ
သဘာ၀ အလျောက် ပေါက်ရောက်သည်။

* #အသုံးဝင်ပုံ*
အရိုး အရွက်

၁။အရိုး အရွက် တို့ကို ထုထောင်း ၍ သုံးခွက် တစ်ခွက် တင် ကျို ချက်ပြီး ရရှိသော အရည်ကို ဒိုပါလာ သကြား အနည်းငယ် ခတ်သောက်သော် သွေးအန် ရောဂါ ပျောက်၏ ။ တစ်ကြိမ်လျှင် ကြွေဇွန်း တစ်ဇွန်း ခန့် တစ်နေ့ သုံးကြိမ် သောက်ရ၏။

၂။နားပြည်ယို ရောဂါ များအတွက် အရွက်ကို မီးကင် ပြီး နားတွင်း သို့ အရည်ညှစ် ထည့်ပေး ခြင်းဖြင့် ပျောက်ကင်း၏။

၃။အရွက်ကို သင့်ရုံ သုပ်စား ခြင်း ၊ တို့စား ခြင်း တို့ဖြင့် ဝမ်းကိုက်ရောဂါ ပျောက်၏ ။

၄။သွေး ဝမ်း ဆင်းလျှင် အရွက်ရည် ကိုညှစ် ၍ ကြွေဇွန်း တစ်ဇွန်း ခန့် သောက်ပေး ခြင်းဖြင့် ပျောက်ကင်း ၏ ။

၅။မီးလောင် အပူလောင် ခြင်း ဖြစ်သော် မီးကွင်း ဂမုန်း အရွက်နုကို သကြား အနည်းငယ် ရောပြီး ထုထောင်း ကြိတ် ခြေ၍ လိမ်းပေး ရ၏ ။

၆။မီးကွင်း ဂမုန်းကို ထောင်း၍ ရသော အရည်နှင့် သကြား အနည်းငယ် ရောပြီး ဇွန်းသေး တစ်ဇွန်းခန့် တစ်နေ့ သုံးကြိမ် သောက်သော် သလိပ်ကပ် ချောင်းဆိုး ရောဂါ ပျောက်၏ ။

၇။နှာခေါင်းသွေးလျှံဖြစ်လာပါက မီးကွင်းဂမုန်းပင်ကို ရေစင်အောင်ဆေးကာထောင်း၍ ၎င်းအဖတ်ကို နှာခေါင်းပေါ် အုံပေးပါက နှာခေါင်းသွေးတိတ်စေပါသည်။

၈။ဆီးရောဂါအမျိုးမျိုးနှင့် ဆီးကျောက်ရောဂါများအတွက် မီးကွင်းဂမုန်းကို ရေ ၃ ခွက် ၁ ခွက်တင် ကျို၍ သကြားအနည်းငယ်နှင့် သောက်ပေးပါက ဆီးရောဂါအမျ်ိုးမျိုးကို သက်သာပျောက်ကင်းစေပါသည်။

၉။ မီးကွင်းဂမုန်း၏ အရွက်သန့်သန့်ကို အရည်ညစ်ယူ၍ ကိုက်နေသော နားကို ခပ်ပေးပါက နားကိုက်၊ နားပြည်ယိုရောဂါများကို ပျောက်ကင်းစေပါသည်။

၁၀။ မီးကွင်းဂမုန်း၏ သတ္ထုရည်ကို သောက်ပေးပါက ဝမ်းကိုက်၊ ဝမ်းဖော၊ ဝမ်းယောင်ရောဂါကို သက်သာပျောက်ကင်းစေပါသည်။ အရွက်နုကို ပဲလှော်ထောင်းအမှုန့်နှင့် ရော၍ သုပ်စားနိုင်ပါသည်။

၁၁။ချောင်းဆို သလိပ်ကပ်ဖြစ်ပါက မီးကွင်းဂမုန်းအရွက်ကိုထောင်း၍ အရည်ညစ်ယူကာ ၎င်းဆေးရည်ကို သကြားခဲ၏ အမှုန့်နှင့် ရောသောက်ပေးလျှင် ချောင်းဆိုး သလိပ်ကပ်များ ပျောက်ကင်းစေပါသည်။

၁၂။သွေးကင်ဆာဖြစ်နေလျှင် မီးကွင်းဂမုန်း၏ ပင်စည်နှင့်အရွက်တို့ကို ရေစင်အောင်ဆေးကာ ကြိတ်၍ အရည်ညစ်ယူကာ ၅ မိနစ်ခန့် အပူပေး(ကျို၍) ခဏအအေးခံကာ ထမင်းစားဇွန်းဖြင့် မနက်တစ်ဇွန်း၊ ညတစ်ဇွန်း သောက်နိုင်ပါသည်။ တစ်ပတ်ကို ၃ ရက်ဖြင့် တစ်လလောက် သောက်ပါက ကင်ဆာဆဲလ်များကို လျှော့ချပေးစေနိုင်ပါသည်။


#လက်တွေ့အသုံးချဆေးဖက်ဝင်အပင်များ