Ruby Myanmar Engineering Training and Services

သူငယ်ချင်းတွေစုပြီး စီးပွားရေးလုပ်မယ်ဆိုရင်
June 22, 2018
ရေးသားသူ – မိုးရှင်း (I.M.T)

ဒီခေတ်ထဲမှာ အချို့လူငယ်တွေ သူငယ်ချင်းတွေစုပြီး လုပ်ငန်းတစ်ခုကို အတူတူလုပ်တတ်ကြပါတယ်။ Start-up လေးတွေ ဟိုဟိုဒီဒီရှိလာကြပါတယ်။ ဒီလိုပေါ်လာတာ ကောင်းပါတယ်။ ဒါပေမယ့် အများအားဖြင့် ရေရှည်မခံပဲ ပြိုကွဲသွားတတ်ကြပါတယ်။ ဘာ့ကြောင့်များပါလဲ? ကျွန်တော်လည်း Start-up လုပ်နေတဲ့သူတစ်ယောက်ဖြစ်ပြီး ဒီလိုနယ်ပယ်ထဲက လူတွေလည်းအများကြီးတွေ့ဖူးတာကြောင့် သိသမျှ ရှဲပါရစေ။

(၁) အစတည်းကမပြတ်သားခြင်း

မြန်မာတွေမှာ အကြီးမားဆုံး အားနည်းချက်က အားနာတတ်ခြင်းပဲ။ စီးပွားရေးမှာ အားနာလို့မရဘူးဆိုတာကို လက်မခံနိုင်ကြဘူး။ ခင်တာကခင်တာပဲ စီးပွားရေးလုပ်ကြပြီဆိုရင် စာချုပ်စာတမ်း၊ မှတ်တမ်း မှတ်ရာ စသဖြင့်ပြတ်ပြတ်သားသားရှိသင့်တယ်။ နင်ကဘယ်လောက်ပိုက်ဆံစိုက်မှာလဲ၊ အချိန်ရော ဘယ်လောက်ပေးမှာလဲ၊ ဘယ်အချိန်အထိလုပ်နုိုင်မှာလဲ၊ ဘယ်အချိန်အထိအမြတ်မရပဲနေနိုင်လဲ၊ စသဖြင့် အားလုံးပွင့်ပွင့်လင်းလင်းရှိရပါမယ်။ ကတိပေးထားသလိုမလုပ်ရင်ရော ဘာဖြစ်မလဲ၊ ဖြစ်နုိုင်တဲ့ထောင့်ပေါင်းစုံက စဉ်းစားပါ။ ဆက်မလုပ်တော့တာ၊ ထွက်သွားတာ၊ သစ္စာဖောက်တာ မဖြစ်နိုင်ဘူးလို့မထင်ပါနဲ့။ ငွေကလူ့စိတ်ကို မထင်မှတ် ထားနုိုင်လောက်အောင် ပြောင်းလဲစေပါတယ်။ စာချုပ်စာတမ်းကသာ သေသေချာချာ ထိန်းချုပ်နုိုင်တာပါ။

(၂) သွေးပူတုန်းထကခြင်း

ချမယ်၊ လုပ်မယ်၊ ဆင်ဖမ်းမယ်၊ ကျားဖမ်းမယ်၊ တကယ့်တကယ် ခြင်ဖမ်းချင်ရင်တောင် ရှာမရတော့တဲ့ သူမျိုးတွေရှိပါတယ်။ သွေးပူတုန်းလျှောက် ပြောတာတွေကို မယုံမိပါစေနဲ့။ သေသေချာချာအချိန်ပေးပါ။ အားလုံးစိတ်ပါတာသေချာမှလုပ်ပါ။ သွေးပူတုန်း ဝုန်းဝုန်းဒိုင်းဒိုင်းလုပ်ပြီး နည်းနည်းလောက် လှိုင်းလှုပ်တာနဲ့ အိမ်ပြန်ချင်တယ်ဆိုတဲ့ သူမျိုးတွေရှိပါတယ်။ မုန်တိုင်းသာတုိုက်ရင်တော့ ရှာလို့ပါရတော့မှာ မဟုတ်ပါဘူး။ အားလုံးတကယ် စိတ်ပါတာဟုတ်မဟုတ်သိဖုို့လိုပါတယ်။

(၃) စိတ်ကူးသမားရှိပြီး အဆုံးသတ်သမားမရှိခြင်း

တစ်ခါတစ်လေ လူတွေငြင်းတတ်ကြတယ်။ Idea ရှိတဲ့သူနဲ့ အကောင်အထည်ဖော်တတ်တဲ့သူ ဘယ်သူက ပိုအရေးကြီးလဲတဲ့။ ကျွန်တော်တစ်ဦးတစ်ယောက် ထဲရဲ့အမြင်အရ အိုင်ဒီယာဟာ လူတော်တော်များများ စဉ်းစားတတ်ကြပါတယ်။ အဲ့ဒီအိုင်ဒီယာကို အကောင် အထည်ဖော်နုိုင်မယ့်သူသာ ရှာရခက်တာပါ။ ဥပမာ ဘောလုံးတစ်သင်းမှာ တစ်သင်းလုံးအရေးကြီးတာမှန်တယ်။ ဒါပေမယ့် ဂိုးသွင်းဖို့ အဆုံးသတ်ကောင်းတဲ့ ကစားသမားရှိမှ နိုင်မှာပါ။ တစ်သင်းလုံးပိတ်ဆော့ရင် အများဆုံးရသရေပေါ့။ ဒါတောင် သရေကိုလက်မခံပဲ ပင်နယ်တီနဲ့ အဆုံးအဖြတ်ပေးတဲ့ပွဲဆို ဂိုးသွင်းဖို့ကသေချာပေါက်အရေးကြီးလာမှာပါ။

ဒီတော့ သင်စုဖွဲ့ထားတဲ့လူတွေထဲမှာ လေသမားတွေချည်းပဲ ပါလို့မရပါဘူး။ Start-upဆိုတာ ရုံးဆင်းဖို့ ငါးမိနစ်အလိုမှာ အထုတ်ပြင်ထားတဲ့သူမျိုးတွေနဲ့ ဖွဲ့စည်းလို့မရပါဘူး။ တက်ကြွနေပြီးမိမိလုပ်ငန်းအတွက် ပေးဆပ်လိုတဲ့သူတွေ အပြည့်ရှိမှသာအောင်မြင်နိုင်မှာဖြစ်ပါတယ်။

(၄) အရင်းအနှီးကုန်သွားခြင်း

Start-up တွေပြိုကွဲရတဲ့ အကြောင်းအရင်းထဲမှာ အရင်းအနှီးကုန်သွားတာက ထ်ိပ်ဆုံးကပါဝင်ပါတယ်။မိမိအဖွဲ့ထဲမှာ သူ့ဘာသာတောင် မနည်းရုန်းကန်နေရတဲ့ အိမ်ထောင်ရှင်တွေပါရင်ပိုဆိုးပါတယ်။ အိမ်ထောင်နဲ့ဆို သူ့မှာ အများကြီး ကြည့်စရာတွေရှိနေပါတယ်။ လုပ်ချင်ရင်တောင် လုပ်လို့မရပါဘူး။ သူ့ရဲ့မိသားစုကို ကြည့်ရပါတယ်။ ဒီတော့ အစတည်းက ဘယ်လောက် အထိတောင့်ခံနုိုင်မလဲ တွက်ချက်သင့်ပါတယ်။ ၆လ အကြာမှာ ဝင်ငွေမရှိသေးရင် ဘာဆက်လုပ်ကြမလဲ။ Plan Bက ဘာလဲ စတာတွေ စဉ်းစားထားသင့်ပါတယ်။

(၅) Plan B မရှိခြင်း

ဘုရင့်နောင် ဖောင်ဖျက်တာ နားထောင်လို့တော့ ကောင်းပါတယ်။ ဒါပေမယ့် လက်တွေ့ဘဝမှာ သိပ်ပြီး မလွယ်ကူလှပါဘူး။ ဖောင်ဖျက်တယ်ဆိုတာ နောက်ကို ဆုတ်လို့လည်း အဆင်မပြေတော့တဲ့ အခြေအနေမို့ပါ။ ဒါပေမယ့် ကျွန်တော်ကတော့ Plan Bပေါ်ပိုပြီးယုံကြည် ပါတယ်။ အချို့ကတော့ ငါက Plan Bမရှိဘူး။ ရအောင် ပဲလုပ်လေ့ရှိတယ်ဆိုတဲ့သူမျိုးတွေတွေ့ဖူးပါတယ်။ ကျွန်တော်ကတော့ အမြဲPlan Bရှိပါတယ်။ အဲ့ဒီလို ထားခြင်းကြောင့်လည်း အမြဲကိုအဆင်ပြေခဲ့ပါတယ်။ Plan Bက သင်တို့အဖွဲ့ပေါ်မူတည်ပါတယ်။ ဒါမဖြစ်ရင် ဘယ်လိုလုပ်ကြမလဲ။ ရင်းနှီးမြှုပ်နှံသူရှာကြမလား၊ ဘာလုပ်ကြမလဲ။ အဲ့ဒါက သင်စဉ်းစားရမယ့်အပိုင်းပါ။

(၆) မလိုတာတွေဖြုန်းခြင်း

အချို့က မလိုအပ်တာတွေ ဖြုန်းတတ်ကြပါတယ်။ ဥပမာ မလိုအပ်ပဲ ရုံးခန်းကြီးတာရှာတာမျိုး။ အထဲမှာထားတဲ့ တန်ဆာပလာတွေအတွက် မလိုအပ်ပဲ ဈေးကြီးပေးဝယ်တာမျိုး၊ ပိုက်ဆံမရှိသေးချိန် Taxiတွေ ခဏခဏစီးတာမျိုး၊ လက်ပ်တော့တွေ အကောင်းစားဝယ်တာမျိုးစသဖြင့် လုပ်တတ်ကြပါတယ်။ စီးပွားရေးတစ်ခုစတင်တဲ့အချိန်မှာ တတ်နိုင်သမျှချွေတာတာ အကောင်းဆုံးပါပဲ။ အထူးသဖြင့်ငွေသေသွားမယ့်နေရာမျိုးတွေမှာပေါ့။ ဥပမာကိုယ်လုပ်မယ့်လုပ်ငန်းက မိမိရုံးကို လူတွေခဏခဏလာမယ့် အလုပ်မဟုတ်ဘူးဆိုရင် ရုံးခန်းအကောင်းစားကြီး မငှားသင့်ပါဘူး။ မိမိတို့အဖွဲ့ အလုပ်လို့အဆင်ပြေမယ့် နေရာမျိုးလောက်ဆိုရပါပြီ။

(၇) လူထပ်နေခြင်း

ဆိုလိုချင်တာက အလုပ်တစ်ခုကို ၂ယောက်လုပ်နေကြခြင်းပါ။ ဘောလုံးပွဲနဲ့ ဥပမာပြန်ပေးရရင် ဘောလုံးပွဲတစ်ခုမှာ ကစားသမား ၁၁ယောက်ဟာ သူ့နေရာနဲ့သူတာဝန်ကျေအောင် ထမ်းဆောင်ရပါတယ်။ အလယ်တန်းက ကစားသမားက တိုက်စစ်မှုးနေရာ လိုက်ဆော့နေလို့မရပါဘူး။ ဂိုးမသွင်းရလို့ စိတ်ကောက်တာမျိုးလည်း လုပ်လို့မရပါဘူး။ အဖွဲ့လိုက် မိမိကျတဲ့နေရာမျိုးမှာ တာဝန်ကျေမှ အောင်မြင်မှာပါ။ ဒီလိုမှမဟုတ်ပဲ တစ်နေရာထဲမှာ စုပြုံပြီးလုပ်နေရင်တော့ ဘယ်လိုမှ အဆင်ပြေမှာမဟုတ်ပါဘူး။

(၈) စိတ်ဓာတ်ပျော့ညံ့ခြင်း

၃လလောက်လုပ်တယ်၊ အမြတ်ရဖို့ လမ်းမမြင်သေး၊ စိတ်ဓာတ်ကျ၊ ဗြောင်းဆန်၊ teamထဲမှာ ဟိုလူ့ကိုမဲ၊ ဒီလူ့ကိုမဲ၊ နင်မကောင်းလို့ ၊ သူမကောင်းလို့ စသဖြင့် ကယောင်ခြောက်ခြားဖြစ်တတ်တဲ့သူမျိုးပါလာရင်တော့ အဲ့ဒီလုပ်ငန်းရေရှည်တည်တံ့ဖို့မလွယ်ပါဘူး။

(၉) ခေါင်းဆောင်မပါဝင်ခြင်း

အောင်မြင်နေတဲ့အဖွဲ့အစည်းတော်တော်များများမှာ ခေါင်းဆောင်ရှိပါတယ်။ ခေါင်းဆောင်မပါပဲ တစ်နေရာကိုသွားဖို့ဆိုတာ မလွယ်ပါဘူး။ မိမိတို့ဖွဲ့ထားတဲ့အဖွဲ့ထဲမှာ အားလုံးက နောက်လိုက်တွေချည်းပဲဖြစ်နေလို့ မရပါဘူး။ ဦးစီးဦးဆောင်ရှိမယ့်သူတစ်ယောက်ရှိဖို့လိုပါတယ်။ ခေါင်းဆောင်နေရာ ဝိုင်းလုနေလို့လည်းမဖြစ်ပါဘူး။ တကယ်တော့ ခေါင်းဆောင်ဆိုတာ တာဝန်အရမ်းကြီးပါတယ်။ ထိုက်တန်တဲ့သူကို ဝိုင်းပြီးခန့်အပ်သင့်ပါတယ်။ ပါဝါအများကြီးမပေးထားရင်တောင် ဒီလုပ်ငန်းကို ဦးစီးဦးဆောင် သဘောမျိုးလေးတော့ထားသင့်ပါတယ်။

(၁၀) စုန်းပြူးပါဝင်ခြင်း

သူငယ်ချင်းအရင်းတွေ စုလုပ်ကြရင် ဒီပြဿနာသိပ်မဖြစ်တတ်ပါဘူး။ ဖြစ်တတ်တာက ကိုယ့်သူငယ်ချင်းကနောက်ထပ် တစ်ယောက်ကို ခေါ်သွင်းလာတဲ့အခါမျိုးမှာပါ။ ဘာမှလည်း လုပ်ငန်းအကြောင်းနားမလည်။ အလကားနေ မကောင်းမြင်။ လူတိုင်းအမြင်ကတ်၊ ဘယ်သူနဲ့မှ အဆင်မပြေ၊ စတဲ့လူမျိုးပါ။ အဲ့ဒီလိုလူမျိုးကိုတော့ သတိထားကြပါ။ တစ်ဖွဲ့လုံးပျက်သွားအောင် ဖျက်ဆီးနုိုင်တဲ့ အစွမ်းသူ့မှာရှိပါတယ်။

(၁၁) အသေးစိတ်မပြင်ဆင်ထားခြင်း

အချို့က စီးပွားရေးကို စိတ်ကူးလေးနဲ့ပဲဝင်လုပ်ကြပါတယ်။ တစ်ယောက်တည်း လုပ်ရင်တော့ ကိစ္စမရှိပါဘူး။ အများနဲ့လုပ်ရင်တော့ စိတ်ညစ်စရာတွေ အများကြီးသင်တွေ့ရပါလိမ့်မယ်။ အစောကြီးတည်းက မီးစင်ကြည့်ကမယ်ဆိုတဲ့ ပုံစံမျိုးနဲ့ဆိုရင်တော့ အဲ့ဒီစီးပွားရေး ကြာရှည်မခံပါဘူး။

အထက်ပါအချက်တွေကတော့ ကျွန်တော်သိသလောက်ပဲဖြစ်ပြီး အခြားအချက်တွေလည်းရှိကောင်းရှိနိုင်ပါသေးတယ်။ သိသလောက်ကို အခြားသူတွေ ဗဟုသုတရဖို့ Shareခြင်းသာဖြစ်ပါတယ်။ သူငယ်ချင်းတွေနဲ့စီးပွားရေး လုပ်တဲ့အခါ သတိထားနုိုင်ဖို့ပါ။

မိုးရှင်း (I.M.T) ရေးသားသည်။

မသိသေးတဲ့ company များအတွက်သာရည်ရွယ်ပါသည်*

***တင်ဒါတင်ရာတွင် သတိပြုရမည့် အချက်များ ထဲက (၂) ချက်***

(၁) ကွင်းဆင်းထောက်ခံစာယူခြင်း

ဒီလိုပြောလို့ ထောက်ခံစာကို လူကြုံနဲ့ဖြစ်ဖြစ်

တစ်ယောက်ယောက်ဖြစ်ဖြစ် သွားယူခိုင်းလိုက်လို့ ရတာပဲလို့ တွေးကောင်းတွေးနိုင်ပါတယ် ....

ဒါပေမယ့် မိမိလျောက်မယ့်လုပ်ငန်းရဲ့
- နေရာအနေအထား
- သွားလာရေး / သယ်ယူပို့ဆောင်ဖို့ လမ်းကြောင်း
- အနီးဆုံး material sources
- ဒေသမှာရှိတဲ material ဈေးနှုန်းနဲ labour အကြမ်းဈေးနှုန်း

တင်ဒါခေါ်ထားတဲ့ အဆောက်အဦး / လမ်း / တံတား နဲ့ local မြေအနေအထားအရ design ပြုပြင်ပြောင်းလဲရန် လိုအပ်ချက်ရှိ/မရှိ

အဲ့တာတွေပါတစ်ခါတည်း data ကောက်လာဖို့ လိုအပ်ပါတယ် ...

ဒါမှ ဈေးနဲ့ ကိုက် မကိုက် ထပ်တိုးတင်သင့် မတင်သင့်
ချိန်ဆနိုင်မှာဖြစ်ပါတယ် ...

ဒီအချက်ကြောင့် company တော်တော်များများအထိနာတာတွေ တွ့ရတယ်..

(၂) Estimate /Drawingအချိန်ယူသေချာပြင်ဆင်ပါ

တင်ဒါပိတ်ခါနီးအထိ အိုးနင်းခွက်နင်း
မိတ္တူကူးနေရတုန်းမျိုး
တံဆိပ်တုံးနှိုပ် လက်မှတ်ထိုးနေရခြင်းမျိုး မဖြစ်ရအောင် ကြိုတင်ပြင်ဆင်ပါ

လျှောက်မယ့် lot များပြီး အချိန် မလောက်နိုင်ဘူးထင်ပါက မိမိတို့ရုံးမှာ တွက်နိုင်သလောက်သာတွက်ပြီး / အပြင်အပ်သင့်တာအပ်ပါ
ဒါမှမဟုတ် ပြင်ဆင်နိုင်သလောက်တာ လျောက်ပါ...

Estimate ကိုလည်း ဖြတ်ညှပ်ကပ် လုပ်ခြင်း
Drawing ဖြတ်ညှပ်ကပ်လုပ် ပြီး အင်ထုခြင်းများမလုပ်ပါနဲ့ (ဒါမျိုးတွေကျန်ခဲ့ပြီ)

မိမိတို့ ကုမ္ပဏီ၏ ပုံရိပ်ကိုထိခိုက်စေပါတယ် ...

တင်မယ့်ရက်ထက် 1 ရက်ကြိုပြီး ပြီးစီးအောင်ပြင်ဆင်ပါ .....

-ကြိုတင်ပြင်ဆင်ရန်ပျက်ကွက်ခြင်းသည်
ရှုံးနိမ့်ရန်ကြိုတင်ပြင်ဆင်ခြင်းပင်ဖြစ်သည်-

ကျန်တာလေးတွေလည်း အလျင်းသင့်သလို တင်ပေးပါ့မယ်...

အောင်မြင်ကြပါစေဗျာ

***Your satisfaction is my happiness ***
Ruby Myanmar Engineering Services
09404946739

...ချစ်လို့ပြောတယ်မှတ်ပါ ...

တင်ဒါရာသီတွေပြန်စနေပြီဆိုတော့

အရင်နှစ်က လုပ်လက်စရှိတဲ့ Company တွေရော ..

ခုမှစပြီး တင်ဒါလောက ဝင်လာမယ့် Company တွေရော ..

သေချာလေးစဉ်းစားပြီးမှ ပြိုင်စေ ချင်တယ်...

တင်ဒါစပြိုင်ကတည်းက

ကုန်ကျစရိတ်
တွက်ချက်မှု ကွင်းဆင်းမှု စာရွက်စာတမ်းကြေး ခရီးစရိတ်တွေ အပြင် ၁% လည်း ရင်းထားရမယ် ..

ရ မရ မသေချာသေး ...

မရရင်တော့ ဒီမှာတင်ဇာတ်လမ်းပြတ်ပေါ့ ...

ကဲ တင်ဒါအောင်လာပါပြီတဲ့

စလာပြီ PG 10%

အခွန် commercial 5% with holding 2% QC 2%

စုစုပေါင်း 9% ဆောင်ရမယ်

material အတွက် Labour အတွက် စဉ်းစားရမယ်

25% ပြီးရင် ငွေရမှာပဲဆိုပြီး တရားသေ တွက်ထားမယ်ဆို အိုးနင်းခွက်နင်းဖြစ်ပြီပဲ ...

ကိုယ့် အိတ်စိုက် တsite ချင်းစီ 50% လောက်ထိ အနည်းဆုံး မရံထားရင် အချိန်ကြာလာတာနဲ့အမျှ
ကိုယ့် ဘက်က ဆုံးရှုံးမှုတွေပိုများလာမှာ..

Admin စရိတ်
Engineer စရိတ်
ဝန်ထမ်းစရိတ်တွေ
သွားလာစရိတ်တွေပါထပ်ပေါင်း

အားလုံးပြီးသွားလို့ 10% မြတ်တယ်ဆိုပါစို့

အမြတ်ငွေ 10% က ဘဏ်ထဲမှာ ထားတဲ့ PG မြှုပ်ထားသလိုပဲ

အပြင်မှာ ရှိတဲ့ငွေကမှကိုယ့်ငွေ ...

8% သာမြတ်တယ်ဆိုရင် ကိုယ့်ငွေ 2% ပါထပ်ပြီး ဘဏ်မှာအိပ်ပြီပဲ ...

နောက်ပြီး material ဈေးမငြိမ်တာနဲ့ PAE ဈေးနည်းမယ်ဆိုရင် မဆွဲသင့်တော့ပါဘူး ....

သေချာတွက်ချက်ပြီးမှတင်စေချင်ပါတယ် ...

သေချာစဉ်းစားပြီးမှ တင်ဒါဆွဲစေချင်ပါတယ် ....

တင်ဒါလုပ်ငန်းနဲ့အောင်မြင်ကြပါစေ...

***Your satisfaction is my happiness ***
Ruby Myanmar Engineering services
09404946739