U Aung Cho Oo

၁၃.၅.၂၀၂၆
၂၀၂၄ ခုနှစ်၊ လူဦးရေနှင့် အိမ်အကြောင်းအရာသန်းခေါင်စာရင်း၏ ပဲခူးတိုင်းဒေသကြီး အစီရင်ခံစာ ထုတ်ပြန်ခြင်း အခမ်းအနား သို့တက်​ရောက်ခဲ့ပါသည်။
ရှေးဦးစွာ ပြည်ထောင်စုဝန်ကြီး ဦးမြင့်ကြိုင်က အမှာစကားပြောကြားခဲ့သည်။ ၎င်းနောက် ပဲခူးတိုင်း ဒေသကြီး ဝန်ကြီးချုပ် ဦးမျိုးဆွေဝင်းနှင့် ဒုတိယဝန်ကြီး ဒေါက်တာခိုင်ခိုင်စိုးတို့က ၂၀၂၄ ခုနှစ်၊ လူဦးရေနှင့် အိမ်အကြောင်းအရာသန်းခေါင်စာရင်းကောက်ယူခြင်းမှ ရရှိနိုင်မည့် အချက်အလက်များအပေါ် အခြေခံ၍ မူဝါဒ၊ စီမံကိန်းများချမှတ်ရေးဆွဲနိုင်ရေးနှင့် ပဲခူးတိုင်းဒေသကြီးအစီရင်ခံစာနှင့်ပတ်သက်၍ ဖော်ထုတ်ရရှိ သည့် အခြေအနေများကို ရှင်းလင်းတင်ပြခဲ့ကြသည်၊ သိရှိခဲ့ရပါသည်။
ထို့​နောက် ပဲခူးမြို့၊ မိုးလုံလေလုံ အားကစားခန်းမ၌ နိုင်ငံတော်အစိုးရ၏ ရက်(၁၀၀)စီမံချက်ဖြင့် လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနက နိုင်ငံသားစိစစ်ရေးကတ်ပြားပြုလုပ်ပေးနေမှုနှင့် Biometric ကောက်ယူကာ UID ကတ် ထုတ်ပေးခြင်းလုပ်ငန်း ဆောင်ရွက်ပေးနေမှုကို ကြည့်ရှုအားပေးခဲ့ပြီး နိုင်ငံသားစိစစ်ရေးကတ်ပြားများအား ပြည်သူများလက်ဝယ်အရောက် ပေးအပ်သည့်ပွဲလဲတက်​​ရောက်ခဲ့ပါသည်။

၈.၅.၂၀၂၆
ယ​နေ့တွင်​တော့ မိုးညိုမြို့ ​မှာ ဌာနဆိုင်ရာများ၊ ရပ်မိရပ်ဖများ၊ လုပ်​ဖော်ကိုင်ဖက်များနှင့်​တွေ့ဆုံ​ဆွေး​နွေးခဲ့ပါသည်။
၂၀၁၀ မှ ၂၀၁၅အထိ အမျိုးသားလွှတ်​တော်တာ၀န်ဖြင့် တာ၀န်ထမ်း​ဆောင်ခဲ့တဲ့ ဇာတိမဟုတ်​ပေမယ့် ဇာတိဖြစ်ခဲ့တဲ့ မိုးညိုမြို့​လေးကို တိုင်းလွှတ်​တော်ဥက္ကဌ တာ၀န်ဖြင့် ​ရောက်ရှိခဲ့ပါတယ်။
တစ်ချိန်က ၂၀၁၀ခုနှစ်​လောက်က သွားလာရခက်ခဲတဲ့လမ်း​တွေ ၊ တံတား​တွေ အထိုက်​လျှောက်​​ကောင်းလာတာ​တွေက မိမိတို့တာ၀န်ယူခဲ့ချိန်က သမိုင်းမှတ်တမ်း​တွေ​ပေါ့ ခုချိန်မှာလဲ ထပ်မံ​ဆောင်ရွက်ရမှာ​တွေ ရှိပါ​သေးတယ် ​ကောင်းသထက်​ကောင်း​အောင် ​ဆောင်ရွက်ကြရပါမည်။
ဒီလို ​ထပ်မံ​ရောက်ရှိ​တော့လဲ တစ်ချိန်က မိမိနှင့်အတူ လက်တွဲ​ဆောင်ရွက်လုပ်ကိုင်ခဲ့တဲ့ ညီကိုမိတ်​ဆွေ​တွေကို သတိတရဖြင့် ဂုဏ်ပြုအပ်ပါသည်။

​အောင်ချိုဦး
ပဲခူးတိုင်း​ဒေသကြီး လွှတ်​တော်ဥက္ကဌ