DXN Products -Pyay Branch

သင့် #သွေးတွင်းကိုလက်စရော ပမာဏများနေရင် ဘာတွေဖြစ်လာနိုင်သလဲ။
——————-

၁ ။ သွေးအဆီခဲဖတ်တွေကြောင့် နှလုံးသွေးကြော ကျဉ်းသွားရင် … နှလုံးသွေးကြောရောဂါ ရရှိနိုင်ပါတယ်။

၂ ။ သွေးကြောပိတ်သွားတာကြောင့် နှလုံးကြွက်သားပျက်စီးသွားရင်… Heart attack ရရှိနိုင်ပါတယ်။

၃ ။ ဦးနှောက်အတွင်း သွေးစီးဆင်းမှု အနှောင့်အယှက်ဖြစ်သွားရင်…လေဖြတ်နိုင်ပါတယ်။

၄ ။ ဦးနှောက်အတွင်းသို့ စီးဆင်းတဲ့ လည်ပင်းမှသွေးကြောတွေ ကျဉ်းမြောင်းသွားရင်… Carotid artery disease ရရှိနိုင်ပါတယ်။

၅ ။ ရုတ်တရက် နှလုံးရပ်သွားရင်…cardiac arrest ရရှိနိုင်ပါတယ်။

၆ ။ သွေးကြောသေးသေးငယ်ငယ်လေးတွေ ရောဂါရသွားရင်…နှလုံးသွေးကြောငယ်လေးတွေပျက်စီးနိုင်ပါတယ်။

၇ ။ သွေးကြောတွေတင်းမာသွားရင်…သွေးတိုးရောဂါ ရရှိနိုင်ပါတယ်။

၈ ။ ခြေထောက်သွေးကြောတွေကျဉ်းမြောင်းသွားရင်…Peripheral artery disease ရရှိနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ။
#ဒေါက်တာခင်မိုးမိုး

#ကူးယူပြီးတဆင့်ပြန်လည်မျှဝေပါသည်

#သွေးတွင်းအဆီဓာတ်

💝 သင့်အသည်းကို ချစ်မြတ်နိုးရင် ဒီစာကို ဖတ်ပေးပါ။
အရက်မသောက်သော်လည်း အသည်းက ပျက်စီးနိုင်ပါတယ်။
အသည်းကျန်းမာသူတစ်ယောက်ဖြစ်အောင် ဘာတွေလုပ်ဆောင်ရမလဲဆိုတာ လမ်းညွှန်ပေးချင်ပါတယ်။

အသည်းက ကျန်းမာနေမှ ခန္ဓာကိုယ်တစ်ခုလုံး စနစ်တကျ လည်ပတ်နိုင်မှာပါ။ ကိုယ်ခံအားလည်း ပြည့်ဝမယ်၊ အသားအရေလည်း စိုပြေမယ်၊ အစာခြေစနစ်လည်း ကောင်းမွန်မယ်၊ ခန္ဓာကိုယ်ထဲက အညစ်အကြေးတွေကိုလည်း အလွယ်တကူ ဖယ်ထုတ်နိုင်မယ်။

ဒါပေမဲ့ အသည်းက အလုပ်ပိလာရင်တော့ ပင်ပန်းမယ်၊ ဗိုက်ကယ်မယ်၊ လေးလံထိုင်းမှိုင်းမယ်၊ ဇီဝကမ္မဖြစ်စဉ်တွေ နှေးကွေးသွားမယ် စတဲ့ လက္ခဏာတွေ ခံစားရမှာပါ။ ဒါကြောင့် ဒီနေ့မှာတော့ အချိန်သိပ်မရသူတွေတောင် လိုက်နာနိုင်မယ့် အသည်းကို ဘယ်လိုစောင့်ရှောက်မလဲဆိုတဲ့ သဘာဝနည်းလမ်းတွေကို မျှဝေပေးချင်ပါတယ်။

✔၁။ အသည်းကို အနားပေးပါ
ပထမဆုံးအနေနဲ့ လုပ်ဆောင်ရမှာက အသည်းကို အနားပေးဖို့ပါ။ ဟုတ်ပါတယ်၊ အသည်းက သင့်ရဲ့ အညစ်အကြေးတွေကို အချိန်နဲ့အမျှ ဖြေရှင်းနေရတာပါ။ ဈေးကြီးတဲ့ အားဖြည့်စာတွေ စားဖို့၊ ရှုပ်ထွေးတဲ့ စားသောက်ပုံစံတွေ လိုက်နာဖို့ မလိုပါဘူး။ အရက်သောက်တာ၊ အကြော်အလှော်တွေ၊ သကြားများတဲ့ အချိုရည်တွေနဲ့ မလိုအပ်တဲ့ဆေးဝါးတွေကို ရှောင်ကြဉ်ရုံနဲ့တင် လုံလောက်ပါတယ်။ ဒီအရာတွေကို တစ်ပတ်လောက်ပဲ လျှော့ချကြည့်ပါ။ အသည်းက ပြန်လည် သန့်စင်သွားပြီး သင့်ကိုယ်ခန္ဓာလည်း ပေါ့ပါးလန်းဆန်းလာတာကို ခံစားရမှာပါ။

✔၂။ ရေဓာတ်ပြည့်ဝပါစေ
နောက်တစ်ခုက ရေဓာတ်ပြည့်ဝအောင် နေထိုင်ပါ။ အသည်းအတွက် ရေက တကယ်ကို အရေးပါလို့ပါ။ ရေဟာ ကမ္ဘာပေါ်မှာ အရိုးရှင်းဆုံး ကိုယ်တွင်းသန့်စင်ဆေးပါပဲ။ ရေလုံလုံလောက်လောက် သောက်ပေးရင် အသည်းက သွေးကို ပိုပြီး ထိရောက်စွာ စစ်ထုတ်နိုင်ပါတယ်။
အစားအသောက်နဲ့ ဆေးဝါးတွေရဲ့ အဆိပ်တွေကိုလည်း အားစိုက်ထုတ်ပြီး ဆေးကြောနိုင်ပါတယ်။ ရေအရသာကို မနှစ်သက်ရင် သံပရာသီးထည့်သောက်ပါ၊ သခွားသီးအတုံးလေးတွေ စိပ်ထည့်ထားပါ။ ဒါမှမဟုတ် မနက်ခင်းတိုင်း ရေနွေးနွေးလေး သောက်ပေးပါ။ ရေဓာတ်ပြည့်ဝရုံနဲ့တင် အစာခြေစနစ်၊ အသားအရေနဲ့ ဇီဝကမ္မဖြစ်စဉ်တွေ တိုးတက်လာမှာပါ။

✔၃။ အသည်းအတွက် အစာ (၅) မျိုး
အစားအသောက်အကြောင်း ပြောကြရအောင်။ အသည်းက နှစ်သက်တဲ့ အစားအစာ (၅) မျိုးရှိပါတယ်။ ကြက်သွန်ဖြူ၊ ဂျင်း၊ အစိမ်းရင့်ရောင် ဟင်းသီးဟင်းရွက်၊ ပန်းသီး၊ နဲ့ ဘယ်ရီသီးလို Antioxidant ကြွယ်ဝတဲ့ အသီးအနှံတွေပဲ ဖြစ်ပါတယ်။
ဒီအစားအစာတွေက ရောင်ရမ်းမှုကို လျော့နည်းစေပြီး အသည်းကို အဆီတွေ ချေဖျက်ရာမှာ ကူညီပေးပါတယ်။ အလုပ်များနေရင်တောင် ဟင်းထဲမှာ ကြက်သွန်ဖြူတစ်မွှာ ထည့်စားတာ၊ ရေနွေးကြမ်းထဲ ဂျင်းထည့်သောက်တာ၊ ဟင်းချိုထဲမှာ ဟင်းနုနွယ်ရွက် ထည့်ချက်တာမျိုး လုပ်ဆောင်လို့ရပါတယ်။ သေးငယ်တဲ့ အလေ့အကျင့်လေးတွေကနေ ကြီးမားတဲ့ ပြောင်းလဲမှုကို ဖြစ်စေနိုင်ပါတယ်။

✔၄။ ကိုယ်လက်လှုပ်ရှားမှု
နောက်ထပ်ထိရောက်တဲ့ နည်းလမ်းကတော့ ကိုယ်လက်လှုပ်ရှားမှုပါ။ Gym အထိသွားစရာ၊ ပစ္စည်းကိရိယာတွေ မလိုအပ်ပါဘူး။ တစ်နေ့ကို ၁၅ မိနစ်လောက် ကိုယ်ခန္ဓာကို လှုပ်ရှားပေးရုံပါပဲ။ လမ်းလျှောက်တာ၊ သင့်တင့်တဲ့ ကိုယ်ကာယလေ့ကျင့်ခန်းလုပ်တာတွေက သွေးလည်ပတ်မှုကို ကောင်းမွန်စေပြီး အသည်းမှာ အဆီစုခြင်းကို လျှော့ချပေးပါတယ်။ အဆီချေနှုန်းကိုလည်း မြှင့်တင်ပေးပါတယ်။ ခန္ဓာကိုယ်တစ်ခုလုံး လှုပ်ရှားမှုရှိမှ အသည်းကလည်း ပိုပြီး ကြံ့ခိုင်လာမှာပါ။

✔၅။ အိပ်စက်ခြင်းဖြင့် ကုစားပါ
အိပ်စက်ခြင်းရဲ့ အကျိုးကျေးဇူးကိုလည်း ဘယ်တော့မှ မပေါ့ဆပါနဲ့။ အိပ်ပျော်နေချိန်မှာ အသည်းက သူ့ဘာသာ ပြန်လည်ပြုပြင်ပါတယ်။ ည (၂) နာရီထိ ဖုန်းကြည့်ပြီး နိုးနေမယ်ဆိုရင်တော့ အသည်းက သူ့ကိုယ်သူ ပြန်ပြင်ဖို့ အချိန်မရှိတော့ပါဘူး။ ညသန်းခေါင်မတိုင်ခင် အိပ်ပျော်အောင် ကြိုးစားပါ၊ အနည်းဆုံး ၇ နာရီကြာအောင် အနားယူပေးပါ။ ဟော်မုန်းတွေ ညီမျှမယ်၊ အစာခြေစနစ် ကောင်းမွန်လာပြီး အသည်းကလည်း အသစ်တစ်ခုလို ပြန်လည်အလုပ်လုပ်နိုင်မှာပါ။

✔၆။ စိတ်ဖိစီးမှုကို ထိန်းချုပ်ပါ
နောက်ဆုံးအနေနဲ့ စိတ်ဖိစီးမှုကို ထိန်းညှိဖို့ပါပဲ။ စိတ်ဖိစီးမှုများလာရင် ခန္ဓာကိုယ်က ဟော်မုန်းတွေထွက်လာပြီး အသည်းထဲမှာ ရောင်ရမ်းမှုကို ဖြစ်စေပါတယ်။ ခဏလောက်နားပြီး အသက်ကို ပြင်းပြင်းလေး ရှူကြည့်ပါ။ တရားထိုင်တာ၊ ခဏလေး အနားယူတာ၊ ချစ်ရတဲ့သူတစ်ယောက်ယောက်နဲ့ စကားစမြည်ပြောတာတွေက စိတ်ဖိစီးမှုဟော်မုန်းတွေကို လျော့ကျစေပြီး အသည်းကို ကာကွယ်ပေးနိုင်ပါတယ်။

သင့်ရဲ့အသည်းဟာ ခန္ဓာကိုယ်ထဲက အပင်ပန်းဆုံးအလုပ်ကို လုပ်ရတဲ့ အစိတ်အပိုင်းပါ။ အားလပ်ချိန်မရှိဘဲ ၂၄ နာရီပတ်လုံး သင့်ရဲ့ ဝန်ထုပ်ဝန်ပိုးတွေကို ရှင်းလင်းပေးနေရတာပါ။
ရေဓာတ်ပြည့်ဝအောင်နေတာ၊ သန့်ရှင်းတဲ့ အစားအစာတွေစားတာ၊ နေ့စဉ်လှုပ်ရှားတာ၊ ကောင်းမွန်စွာ အိပ်စက်တာ၊ အဆိပ်အတောက်ဖြစ်စေတာတွေ လျှော့ချတာ—ဒီလိုအရာတွေကို နည်းနည်းလောက်ပဲ ဂရုစိုက်ပေးရင်တော့ အသည်းကလည်း ပိုမိုကောင်းမွန်တဲ့ ကိုယ်ခံအား၊ ပိုကောင်းမွန်တဲ့ အစာခြေစနစ်၊ ကြည်လင်တဲ့ အသားအရေနဲ့ ပိုကျန်းမာပြီး ရှည်လျားတဲ့ဘဝကို ပြန်ပေးမှာပါ။ ဒါကြောင့် အသည်းကို ဂရုစိုက်ပါ။ အသည်းကလည်း သင့်ကို ပြန်လည်စောင့်ရှောက်ပေးပါလိမ့်မယ်။
အဆုံးထိ ဖတ်ရှုပေးလို့ ကျေးဇူးအထူးတင်ရှိပါတယ်။

"အားလုံးပဲ ကျန်းမာပျော်ရွှင်သော ဘဝကိုပိုင်ဆိုင်နိုင်ကြပါစေ.....
သင် ချစ်ခင်ရတဲ့မိတ်ဆွေ၊ အပေါင်းသင်းများကိုလည်း မျှဝေပေးခြင်းဖြင့် ကျန်းမာရေးကုသိုလ်ယူနိုင်ပါ....."


#ကျန်းမာရေးဗဟုသုတ
#ကျန်းမာရေး


#အသည်း

⭕ ဘာကြောင့် ရင်တုန် နေရတာလဲ ?

သင့်နှလုံးခုန်မှု မူမမှန်တာ၊ မြန်တာ၊ တုန်နေတာ၊ တခါတလေ တဆတ်ဆတ်တုန်နေတာမျိုးကို သင့်ကိုယ်တိုင် ခံစားရဖူးပါလိမ့်မယ်။ ရင်တုန်တဲ့ ခံစားချက်ကိုသင့်ရင်ဘတ်ထဲ၊ လည်ချောင်းနဲ့ လည်ပင်းထဲမှတဆင့် ခံစားသိရှိရတတ်ပါတယ်။

ထိုအခါ လူအများစုက အလွန်အမင်းစိုးရိမ်မယ် ကြောက်ရွံမယ်။ ဒါပေမယ့် အကြောင်းအရင်းက တခါတေလ မ ပြင်းထန်ဘဲ သူ့အလိုလို ပျောက်သွားတတ်ပါတယ်။ ထိုရင်တုန်ချိန် အများစုသည် စိတ်ဖိစီးမှုများခြင်း၊ စိတ်တိုခြင်း၊ ကော်ဖီ၊ လဘက်ရည် အသောက်များခြင်း၊ မူးယစ်ဆေးသုံးခြင်းနှင့် အရက်သောက်ခြင်းတို့ကြောင့် ရင်တုန်လေ့ရှိပါတယ်။ ကိုယ်ဝ'န်ဆောင်နေစဉ်တွင်လည်း တုန်တတ်ပါတယ်။

တခြားနှလုံးရောဂါ အခြေအနေများကြောင့်လည်း နှလုံးတုန်မှုသည် ဆိုးရွားသော လက္ခဏာတစ်ရပ် ဖြစ်နိုင်ပါတယ်။ နှလုံးတုန်မယ်၊ အသက်ရှူခက်မယ်၊ မူးမယ်၊ မောမယ်၊ ရင်ဘတ်အောင့်မယ်၊ သတိလစ်မယ်ဆိုရင်တော့ အမြန်ဆုံးဆေးဝါးကုသမှု ခံယူသင့်ပါတယ်။ နှလုံးတုန်ရတဲ့ အကြောင်းရင်းများကိုသေချာစစ်ဆေး စမ်းသပ်မှုလုပ်ပြီး ရှာဖွေသင့်ပါတယ်။

နှလုံးရောဂါကြောင့် မဟုတ်ဘဲ နှလုံးတုန်ရခြင်း အကြောင်းရင်းများစွာ ရှိပါတယ်။
-စိတ်ခံစားမှု ပြင်းထန်ခြင်း
ဥပမာ စိတ်ဆိုးဒေါသထွက်ခြင်း၊ စိတ်ဖိစီးမှုများခြင်း၊ ကြောက်ရွံခြင်း
-လေ့ကျင့်ခန်းအလွန်အကျွံလုပ်ခြင်း
-လဘက်ရည်၊ကော်ဖီ၊ အရက်နှင့် ဆေးဝါးများ အလွန်အကျွံ သုံးစွဲခြင်း
-အချို့သောရောဂါများ သိုင်းရွိုက်ရောဂါ၊ အချိုဓာတ်ကျခြင်း၊ သွေးအားနည်း၊ သွေးပေါင်ကျခြင်း၊ ဖျားခြင်းနှင့် ရေဓာတ်ခမ်းခြောက်ခြင်း-ဟော်မုန်းအပြောင်းအလဲများကြောင့် ဥပမာရာသီလာ၊ သွေးဆုံး
-ကိုယ်ဝန်ဆောင်စဉ် ရင်တုန်ခြင်းသည် သွေးအားနည်းခြင်းကြောင့်
-ပိန်ဆေးများ၊ ရင်ကျပ်ပျောက်ဆေးများ စသောဆေးဝါးများ
-အချို့တိုင်းရင်းဆေးများ
-ဓာတ်ချို့တဲ့မှုများ စသည်တို့ကြောင့် ရင်တုန်တတ်ပါတယ်။

အချို့လူများသည် ကာဗွန်ဟိုက်ဒရိတ်၊ အဆီနှင့် အချိုဓာတ် လွန်ကဲစွာ စားသုံးလျှင် ရင်တုန်တတ်ပါတယ်။
ရင်တုန်ခြင်း ဖြစ်ပွားနိုင်သော နှလုံးရောဂါများမှာ နှလုံးရုတ်တရက်ဖောက်ခြင်း၊ နှလုံးသွေးကြောရောဂါများ၊ နှလုံးအလုပ်မလုပ်ခြင်း၊ နှလုံးကြွက်သား ၊ အဆို့ရှင်ပြဿနာများဖြစ်ခြင်း စသည်တို့ကြောင့် ဖြစ်နိုင်တယ်။

ရင်တုန်ခဲ့လျှင် သေချာစွာ ဆရာဝန်နဲ့ စမ်းသပ်အဖြေရှာသင့်ပါတယ်။ ကုသနည်းကတော့ ရင်တုန်ရသော အကြောင်းရင်းပေါ် မူတည်ကုရတာပါ။ ရင်တုန်တာက ခဏဖြစ်ကာ အမြန်သူ့အလိုလိုသက်သာရင် ကုစရာမလိုပါ။

နှလုံးကြောင့်မဟုတ်ခဲ့လျှင် မိမိလူနေထိုင်မှုပုံစံ ပြောင်းလဲပါ။ စိတ်ဖိစီးမှု လျော့ပါ၊ တရားထိုင်ပါ။အစားအသောက် ဂရုစိုက်ပါ။ မလိုအပ်ပဲ ဆေးဝါးသောက်သုံးမှု ရှောင်ပါ။ အကယ်၍ လူနေမှုပုံစံပြောင်းလဲသော်လည်း မသက်သာ၊ စိတ်စီးမှု လျော့ချခဲ့သော်လည်း မသက်သာခဲ့လျှင် ဆရာဝန်နဲ့သေချာပြသရန် လိုအပ်နေပါပြီ။ ပြသကာ နှလုံးတုန်မှု သက်သာစေသော ဆေးဝါးများသောက်သုံးသင့်ပါတယ်။ ဆရာဝန်က သင့်ဘာကြောင့် ရင်တုန်သလဲပေါ် မူတည်အဖြေရှာပေးပါလိမ့်မယ်....
"အားလုံးပဲ ကျန်းမာပျော်ရွှင်သော ဘဝကိုပိုင်ဆိုင်နိုင်ကြပါစေ.....
သင် ချစ်ခင်ရတဲ့မိတ်ဆွေ၊ အပေါင်းသင်းများကိုလည်း မျှဝေပေးခြင်းဖြင့် ကျန်းမာရေးကုသိုလ်ယူနိုင်ပါ....."

🅲🆁🅴🅳🅸🆃
ှပြန်လည်မျှဝေပါသည်🙏
#နှလုံးတုန်
#ကျန်းမာရေးဗဟုသုတရကြပါစေ
#နှလုံးတုန်ခြင်း

#ရင်တုန်ခြင်း

#ခေါင်းတခြမ်းကိုက် (Migraine) ရဲ့ လက္ခဏာများနဲ့
ဖြစ်ပွားရတဲ့အကြောင်းအရင်းများ

#ခေါင်းတခြမ်းကိုက် (Migraine)ကြောင့်
ခေါင်းတစ်ခြမ်းပြင်းပြင်းထန်ထန်ကိုက်ခဲတဲ့အပြင်
မူးဝေအော့အန်တာတွေလည်းဖြစ်တတ်ပါတယ်။

Migraine ဖြစ်ရင် အာရုံစူးစိုက်ရခက်ခဲပြီး
တစ်နေ့တာ လုပ်ငန်းဆောင်တာတွေကို ထိခိုက်စေပါတယ်။

Migraine ရဲ့ လက္ခဏာများမှာ
***************************
1.ပြင်းထန်စွာ ခေါင်းကိုက်ခြင်း

အများအားဖြင့် ခေါင်းတစ်ခြမ်း သို့မဟုတ်
ခေါင်းတစ်ခုလုံး ပြင်းထန်စွာ ခေါင်းကိုက်တတ်ပါတယ်။
ခေါင်းတစ်ခြမ်းကိုက်တာဘဲ များပါတယ်။

2. မူးဝေအော့အန်ခြင်း

အစာစားချင်စိတ်မရှိခြင်းတို့၊
မူးဝေအော့အန်တာတို့ ဖြစ်တတ်ပါတယ်။

3. အသံတွေနဲ့ အလင်းရောင်တွေ မခံနိုင်ခြင်း

ဒီအတိုင်း လူတွေစကားပြောနေတဲ့အသံကိုတောင်
ခံနိုင်ရည်မရှိတော့ခြင်း၊
တီဗီအလင်းရောင်ကိုတောင် မခံနိုင်ခြင်းတို့ဖြစ်တတ်ပါတယ်။
အလင်းရောင်မရှိတဲ့အခန်းထဲမှာနေတာတို့ ၊
အသံတွေနဲ့ ဝေးရာမှာ နေတာတို့ ဖြစ်လာတတ်ပါတယ်။

4. သည်းခံနိုင်ရည် မရှိခြင်း

မိသားစုဝင်တွေ၊ လုပ်ဖော်ကိုင်ဖက်တွေကို
အရင်ကလောက် သည်းမခံနိုင်တော့ပါဘူး။

5. အမြင်တွေ ဝါးလာခြင်း

ပုံရိပ်တွေ၊လိုင်းတွေနဲ့ အမြင်တွေ ဝါးလာတာကို
သတိထားမိမှာပါ။

6. မျက်နှာနဲ့ ဂုတ် ကြွက်သားများထုံထိုင်းလာခြင်း

ဂုတ်တို့ မျက်နှာတို့မှာ ရှိတဲ့ ကြွက်သားများ
ထုံကျင်ကိုက်ခဲတာမျိုး ခံစားရနိုင်ပါတယ်။

7. ရေဆာခြင်း

ရေခဏခဏဆာခြင်း၊ ခဏခဏ အပေါ့သွားခြင်းကလည်း
Migraine ရဲ့ လက္ခဏာတစ်ရပ်ထဲမှာပါဝင်ပါတယ်။
ဆီးထဲမှာအနံ့ပါလာရင် သတိထားသင့်ပါတယ်။

8. အာရုံစိုက်ရခက်ခဲလာခြင်း

Migraine ရောဂါပြင်းထန်လာရင်
အာရုံစိုက်ရခက်ခဲလာပြီး
သာမန် စကားပြောဆိုတာတောင်
ခက်ခဲလာတတ်ပါတယ်။

#ဘာကြောင့်ဖြစ်ပွားရသလဲ။
*************************
#စိတ်ဖိစီးမှု

စိတ်ဖိစီးမှု၊ စိတ်လှုပ်ရှားမှုတွေ၊ အလုပ်ရှုပ်မှုတွေကြောင့်
ခေါင်းတခြမ်းကိုက် (Migraine) ကိုဖြစ်စေနိုင်ပါတယ်။

#ဟော်မုန်းပြောင်းလဲမှု
********************
ကျန်းမာရေးနဲ့ မညီညွတ်တဲ့ စားသောက်မှုပုံစံတွေ
( သို့ ) တခြားရောဂါတွေကြောင့်
ဟော်မုန်းပြောင်းလဲပြီး
ခေါင်းတခြမ်းကိုက် (Migraine)ကို ဖြစ်စေနိုင်ပါတယ်။

အိပ်ချိန်နည်းခြင်း
****************
အိပ်ချိန်နည်းခြင်း သို့မဟုတ်
အိပ်ချိန်အရမ်းများခြင်းတို့ကလည်း
Migraine ကိုဖြစ်စေနိုင်ပါတယ်။

မျိုးရိုးဗီဇကြောင့်
****************
သုတေသနတချို့အရ
Migraine ဖြစ်ပွားတဲ့သူတွေရဲ့
၇၀ ရာခိုင်နှုန်းကနေ ၉၀ ရာခိုင်နှုန်းဟာ
မိသားစုဝင်ထဲမှာတင်
ခေါင်းတစ်ခြမ်းကိုက် (Mirgraine) ဖြစ်ပွားဖူးသူတွေ ရှိပါတယ်။

သောက်သုံးနေတဲ့ ဆေးဝါးတချို့ကြောင့်
*************************************
တချိုု့ဆေးဝါးတွေက အာရုံကြော၊ ဟော်မှုန်းနဲ့
သွေးဖိအားကို သက်ရောက်မှုရှိတာကြောင့်
Migraine ကိုဖြစ်စေနိုင်ပါတယ်။


#ခေါင်းတခြမ်းကိုက်

#ကျန်းမာရေးဗဟုသုတရကြပါစေ