Angle Queen Online Shop

" #တန်ဖိုးထားပါ”
++++++++%

*မိုးရွာလို့ ထီးမိုးပေးသူထက်
မျက်ရည်မိုးမရွာအောင် စိတ်ချမ်းသာပျော်ရွှင်မှုတွေ
ပေးသူကို တန်ဖိုးထားပါ ။

*ငိုနေလို့ မျက်ရည်သုတ်ပေးနေသူထက်
လိုအပ်တဲ့အချိန် ကိုယ့်အတွက် အမြဲအဆင်သင့်ဖြစ်နေ
သူကို တန်ဖိုးထားပါ ။

*ပျားသကာလို စကားချိုချိုဖြင့် မြှောက်ပင့်ပေါင်းသူထက်
အမုန်းခံပြီး ဆုံးမလမ်းညွှန်တတ်သူကို
တန်ဖိုးထားပါ ။

*ဟင်းစားပေးသူထက်
ကွန်ချက်ပြပေးတဲ့သူကို
တန်ဖိုးထားပါ ။

*အရမ်းချစ်တယ်လို့ခဏခဏပြောနေသူထက်
နားလည်မှု နှင့် ကိုယ်ချင်းစာစိတ်မြင့်မားသူကို
တန်ဖိုးထားပါ။

*ရုပ်လှသူထက်
စိတ်ထားပြည့်ဝသူကို တန်ဖိုးထားပါ။
အပြောလှသူထက်
အနေတည်သူကို တန်ဖိုးထားပါ။

*အသိများသူထက်
အမြင်ကျယ်သူကို တန်ဖိုးထားပါ..
အတွေးအခေါ် မြင့်မားသူထက်
စိတ်ဓာတ် ရင့်ကျက်တည်ငြိမ်သူကို တန်ဖိုးထားပါ..

*ကတိပေးသူထက်
တာဝန်ယူတတ်သူကို တန်ဖိုးထားပါ....
ချမ်းသာကြွယ်သူထက်
စေတနာပြည့်ဝမှန်ကန်သူကို တန်ဖိုးထားပါ..

*လောကမှာ မင်းဖြတ်သန်းနေတဲ့ ဘဝတလျှောက်လုံး
အထက်ပါ တန်ဖိုးထားသင့်သူကို တွေ့ရင်
ဘယ်တော့မှ လက်လွှတ်မခံပါနဲ့
အကယ်၍ ဆုံးရူံးခဲ့ရရင် နောက်တစ်ယောက်
ထပ်ပြီး တွေ့ဆုံဖို့ဆိုတာ မလွယ်ကူတော့လို့ပါ။

မေတ္တာဖြင့်…


- ဇင်းနစ် မကွေး(at8-00AM.....20.11.2017)

လိပ်ပြာလုံတယ်

*ဘယ်သူ့ကိုမှ ဒုက္ခမပေးဘူးဆိုတဲ့စိတ်နဲ့
အရိုးသားဆုံး နေထိုင်ပါတယ်
ဒါကြောင့် ကိုယ့်ကိုကိုယ် လိပ်ပြာလုံတယ်

*အမြင့်ရောက်ဖို့အတွက်
ဘယ်သူ့ကိုမှ ချမနင်းခဲ့သလို
တစ်ပါးသူရဲ့ နာကျင်မှု့နဲ့လည်း
ကိုယ့်ပျော်ရွှင်မှု့ကို မဖန်တီးခဲ့ဖူးဘူး
ကိုယ်စားမယ့် ထမင်းလုတ်ထဲမှာ
သူတစ်ပါးမျက်ရည်စက်တွေ မပါဘူးဆိုရင်
ကိုယ်ဟာ လူပီသတယ် မဟုတ်လား

*မလာချင်တဲ့သူတွေကို
ဘဝထဲ အတင်း မခေါ်ခဲ့သလို
မနေချင်တဲ့ သူတွေကိုလည်း
မသွားပါနဲ့လို့ တစ်ကူးတက ဆွဲမထားဘူး
တကယ်တော့ တစ်ယောက်ထဲနေလို့
အထီးကျန်တယ်ဆိုတာထက်
နှစ်ယောက်ရှိပြီး အဆင်မပြေဖြစ်နေတာက
ပို နာ ကျင် ရ တယ် မ ဟုတ် လား

*အလိမ်အညာတွေ ခံရဖူးတယ်
အ သုံး ချ ခံ ခဲ့ ရ ဘူး တယ်
အထင် အမြင်တွေ လွဲတာခံရဖူးတယ်
စေတနာတွေ စော်ကားခံရဖူးတယ်

*မခံမရပ်နိုင်လို့
တစ်ခါတလေ ပေါက်ကွဲတဲ့ အခါကျ
မခံစားဖူးတဲ့ လူတစ်ချို့က ပြောတယ်
"ဘာမဟုတ်တာလေးနဲ့" တဲ့

* ဟုတ်ပါတယ်
ဘာမဟုတ်တာလေးတွေပါပဲ

* ဘာမဟုတ်တာလေးတွေ
တကယ်ဟုတ်လာတဲ့အခါ
တစ်ခါတလေ ကိုယ်ကမ္ဘာပျက်ခဲ့ရတယ်
တစ်ခါတလေ ဝေဒနာတွေ ဖြစ်ခဲ့ရတယ်

* အတွေ့အကြုံ့က သင်ပေးခဲ့တဲ့
သင်ခန်းစာတွေကြောင့် ကိုယ်နားလည်ခဲ့ပါပြီ

*အပြုံးလှလှလေးတွေကိုလည်း
မ တပ် မက် တော့ သ လို
စကားချိုချိုလေးတွေကို ရမ်းမယုံတတ်တော့ဘူး
မျက်နှာချင်းဆိုင်က အန္တာရာယ်တွေထက်
နောက်ကျောက ဓားတွေကို ပိုသတိထားတယ်

*အရင်လိုလဲ သိပ်အားမနာတတ်တော့ဘူး
မလုပ်နိုင်တာကို တာဝန်မယူတော့ဘူး
မကြိုက်ရင် မကြိုက်ဘူး
မပေးနိုင်ရင် မပေးနိုင်ဘူး
မကူညီနိုင်ရင် မကူညီနိုင်ဘူးပဲ
ဟန်ဆောင်ပြီး ပြုံးရမယ်ဆိုရင်
ကိုယ့်ကိုကိုယ်တောင် မုန်းတယ်

*ကိုယ်ဖြစ်ရင် ဘယ်သူခံရမှာလဲ
ကိုယ်ဖြစ်ရင် ကိုယ်ဘဲခံရမှတော့
ဘယ်သူဘာပြောပြော
ကိုယ်ကြိုက်တာပဲ ကိုယ်လုပ်မယ်
အ ရေး ကြီး တာ က
ကိုယ်ကျင့်တရား မပျက်ဖို့ပဲမဟုတ်လား


လေးစားစွာဖြင့်ပြန်လည် မျှဝေပေးပါသည်

" မျက်နှာလွှဲနေလိုက်ပါ.... "

တစ်ချို့လူတွေက လိမ်နေတယ်...
လိမ်နေမှန်းလဲ သိနေတယ် …
သိနေပါရက်နဲ့ … မသိချင်ယောင်ဆောင်ပေးလိုက်တယ်။

တစ်ချို့လူတွေက အကျင့်ယုတ်ကြတယ်...
အကျင့်ယုတ်မှန်းလဲ သိနေတယ် …
သိနေပါရက်နဲ့ မျက်နှာပျက်မရလို့ သည်းခံနေပေးလိုက်တယ်။

တစ်ချို့လူတွေက လေများတယ်
လေများမှန်းလဲ သိနေတယ် …
သိနေပါရက်နဲ့ … မကောင်းတတ်လို့ မျက်စိတစ်ဖတ်ပိတ်ပြီး နေပေးလိုက်တယ်။

တစ်ချို့လူတွေက သိပ်အပြောကောင်းတယ်...
မဟုတ်မှန်းလဲ သိနေတယ် …
သိနေပါရက်နဲ့ … နားထောင်ကောင်းကောင်းနဲ့ ကျိတ်ပြီး ယုံပေးလိုက်တယ်။

တစ်ချို့လူတွေက ဟန်ဆောင်ကောင်းတယ်...
ဟန်ဆောင်နေမှန်းလဲ သိနေတယ် …
သိနေပါရက်နဲ့ … ကိုယ်ပါမသိချင်ယောင်ဆောင်ကာ
ဟန်ဆောင်ပြီး နေပေးလိုက်တယ်။

လူ့လောကကြီးဟာ … အရမ်းကို ရှုပ်ထွေးလွန်း ပါတယ် …။

သိနေပေမယ့်လည်း ... မသိလိုက်တာက ပိုကောင်းတာမို့

မြင်နေပေမယ့်လည်း ...
မမြင်ချင်ယောင်ဆောင်လိုက်ရတာက ပိုပြီးအေးချမ်းပါတယ်။

- အဖြေ မထွက်တဲ့ အရာတစ်ခုကို …
" တောက် " တစ်ခေါက်ခေါက်နဲ့ တွေးမိတိုင်း တနုံနုံနဲ့ ထိုင်ပြီး ဒေါသထွက်နေလို့လည်း …
ဘာမှ မထူးလာတာတွေ ရှိတတ်ပါတယ် …။

_ ကိုယ်ပြုပြင်လို့မရမယ့်အတူတူ … တစ်ခါတစ်လေမှာ
မျက်နှာလေးလွှဲပြီး နေလိုက်တာက … ပိုပြီး ကောင်းပါတယ်။

credit_မာရင်ရင်