Seaman Electronics Computer
Share
17/03/2022
သူမနှင့်ကျွန်တော် ချစ်သူသက်တမ်း ၁ နှစ်ပြည့်မှာ နှစ်ယောက်ထဲ ချောင်းသာကို
ညအိပ်ခရီးသွားဖြစ်ခဲ့ကြတယ်
သူမဟာ ပညာတတ် ခေတ်လူငယ် တစ်ယောက်ဆိုပေမယ့် ဘာသာတရားကိုင်းရှိုင်းပြီး ယဉ်ကျေးသိမ်မွေ့သူတစ်ယောက်ပါ
ပထမညမှာ ကျွန်တော်သူမကို
ပွင့်ပွင့်လင်းလင်းပဲပြောပြခဲ့တယ်
`နင့် သိက္ခာကို ငါအရမ်းတန်ဖိုးထားတယ် ဟေမာန် နင့်ဆန္ဒမပါဘဲ ငါ့စိတ် ငါ့ဆန္ဒတစ်ခုတည်းအတွက်နဲ့ ဘယ်တော့မှ မလုပ်ဘူး
ဒါက နင့်အပေါ်ထားတဲ့ ငါ့ရဲ့ စိတ်ပဲ ဟေမာန် ´
နောက်ညရောက်တော့ သူမ ကျွန်တော့ရင်ခွင်ထဲမှာ ခေါင်းလေးမှေးပြီးပြောရှာတယ်
`နင် မနေ့ညက ပြောတဲ့ စကားကို
ငါတစ်ညလုံးတွေးတယ်ဟာ ပြီးတော့
ငါ အရမ်းလဲပျော်တယ် ဆန္ဒကိုသိက္ခာနဲ့ထိန်းနိုင်တဲ့ ယောကျာ်းမို့ ငါအရမ်းကျေနပ်ခဲ့တယ်´
အဲ့လိုပြောရင်း သူမရဲ့လက်ချောင်းလေးတွေနဲ့ ကျွန်တော့ရင်ဘက်အမွှေးလေးတွေကို ပွတ်သပ်ဆော့ကစားနေတယ်
ကျွန်တော် သူမမေးစေ့လေးကို အသာယာဆွဲကိုင်မော့လိုက်ပြီး တိုးတိုးလေးပြောလိုက်တယ်
`ငါ မနေ့ညက တညလုံးအိပ်မပျော်နိုင်ဘူး ဟေမာန်
ငါ့စိတ်တွေဟာလေ ကမ်းခြေကကျောက်ဆောင်တွေကို ရိုက်ခက်နေတဲ့
လှိုင်းလုံးကြီးတွေလိုပဲ ဝုန်းဒိုင်းကြဲနေခဲ့တာ
နင်ဘယ်သိမလဲ လေ´
ရွှန်းလဲ့နေတဲ့မျက်ဝန်းအစုံနဲ့ကြည့်ရင်း သူမက
` အခုညရော အဲဒီလိုပဲဖြစ်နေလား´ တဲ့
မောဟိုက်နေတဲ့ လေသံမျိုးနဲ့ တိုးတိုးလေးပြောရင်း ရင်ဘတ်ပေါ်မှာဆော့ကစားနေတဲ့
သူမလက်လေးတွေဟာ ဖြည်းညင်းစွာအောက်ဘက်ဆင်းသက်လာပြီး ကျွန်တော့ခါးကို တင်းကြပ်စွာဖတ်တွယ်လာရင်းနဲ့
`ငါက မိန်းကလေးလေဟာ ပြီးတော့ ရှက်လဲ ရှက်တယ်ဟာ ဒါပေမဲ့ ခုည နင့်သဘောအတိုင်းပါပဲ ´
သူ့မျက်နှာကို ကျွန်တော့ရင်ဘတ်ထဲ ဝှက်ပြီး
တိုးတိုးလေး ပြောလာတယ်...
ကျွန်တော် သူမမျက်နှာလေးကို ကိုင်မော့လိုက်ပြီးနုတ်ခမ်းဖူးဖူးလေးကို ဖွဖွလေးနမ်းလိုက်မိတယ်
ပန်းနုရောင်သမ်းလာတဲ့ သူမမျက်နှာလေးဟာ ရှက်သွေးတွေ ဖြာနေလေရဲ့ အေးစက်နေတဲ့ သူမလက်ဖဝါးလေးကို ဆုပ်ကိုင်ရင်း
`` မင်း ရှက်နေတာလား ဟေမာန် ´´
`` အင်း ´´
မျက်လွှာလေးချပြီး မပွင့်တပွင့်လေးပြောရှာတယ်
သူမအရမ်းရှက်နေမှန်း သိလို့ ကျွန်တော်က
ပုထုဇဉ်တွေမို့ ကိလေသာ ပယ်သတ်၍မရနိုင်သေးကြောင်း သမုဒယအမြစ်တွေပွားနေမြဲသာဖြစ်ကြောင်း ရှက်စရာမလိုကြောင်း
သဒ္ဒါ၊ သီလ သုတ ၊ စာဂ ပညာ စသဖြင့်
သူတော်ကောင်းတရား ၇ ပါးရှိကြောင်း
ဝိသာခါအမျိုးသမီးကြီးတောင် မြေးမြစ်တွေအများကြီးရှိခဲ့ကြောင်း
ဟီရိ ဩတပ်ပ ဆိုတဲ့
အရှက်နှင့်အကြောက်ရှိရမှာမှန်ပေမယ့်လို့
ရှက်သင့်တဲ့ အရှက်ဆိုတာ မကောင်းမှုလုပ်ရမှာကိုသာ ရှက်သင့်ကြောင်း
စသဖြင့် အစချီလိုက်တာ
နဂိုကတည်းက တရားဘာ၀နာလိုက်စားတဲ့ သူမဟာ မသိတာတွေကို... မေး
ကျွန်တော်ကရှင်းပြ သိတာတွေရော မသိတာတွေရော ဖြီးဖြန်းရင်းနဲ့
အဲဒီညမှာတင်
သူမလည်း သောတပန်တည်
ကျွန်တော်လည်း မနက်မိုးလင်းတော့
အဲ့ဒိနားကကျောင်းမှာပဲ ဘုန်းကြီးဝတ်လိုက်တာ ခုဆို ၇ ဝါတောင်ပြည့်တော့မယ်လေ xD
ᴄᴛᴛᴏ - ʙᴀʙʏ's ᴛᴏᴍ
Click here to claim your Sponsored Listing.
Category
Telephone
Website
Address
Pazundaung
