Buses Ticketing Service

ကျန်းမာရေးဝန်ကြီးဌာန (MOH) ၏ နောက်ဆုံးရ ထုတ်ပြန်ကြေညာချက်အရ ပြည်တွင်းခရီးသွားလာရာတွင် ခရီးသည်များအနေဖြင့် COVID-19 ကာကွယ်ဆေး (၂) ကြိမ်ထိုးနှံပြီး အနည်းဆုံး (၁၄) ရက်ပြည့်မြောက်ပြီးဖြစ်ပါက Rapid Antigen Diagnostic Test (RDT) ထပ်မံစစ်ဆေးရန် မလိုအပ်တော့ကြောင်း သတင်းကောင်းပါးအပ်ပါသည်။

ထား၀ယ်၊ မြိတ်၊ ကော့သောင်း၊ ကလေးနှင့် မြစ်ကြီးနားမှ လိုက်ပါစီးနင်းမည့် ခရီးသည်များနှင့် ပူတာအို (မှ/ သို့) လိုက်ပါစီးနင်းမည့် ခရီးသည်များအတွက် - ခရီးသည်များအနေဖြင့် ဆိုက်ရောက်ရာဒေသများတွင်ပြသရန် ခရီးစဉ်မထွက်ခွာမီ ၂၄ နာရီအတွင်း RDT test kit ဖြင့် စစ်ဆေးထားသည့် COVID-19 ကင်းစင်ကြောင်းထောက်ခံစာ ပါရှိရမည်ဖြစ်ကြောင်း အသိပေးအပ်ပါသည်။

အဝေးပြေးဘတ်စ်ကားကြီးများဖြင့် ခရီးသွားသူများ အနေဖြင့် မှတ်ပုံတင် နှင့် ရပ်ကွက်ထောက်ခံစာများကို ခရီးစဉ်တစ်လျှောက် သက်ဆိုင်ရာစစ်ဆေးရေးဂိတ်များတွင် ပြသရန် Covid - 19 ဆေး​စစ်ထားသော လက်မှတ်များနှင့်အတူ တစ်ပါတည်း ယူဆောင်လာရမည်ဖြစ်ကြောင်း အသိပေးအပ်ပါတယ်။

ခရီးသည်များအနေဖြင့် ချမှတ်ထားသော ဆောင်ရန်ရှောင်ရန်လမ်းညွှန်ချက်များကို ကောင်းစွာနားလည်သဘောပေါက်၍ ကျန်းမာရေးဝန်ထမ်းများ၊ သက်ဆိုင်ရာအာဏာပိုင်များအပြင် မိမိတို့ အဝေးပြေးဘတ်စ်ကားလိုင်း ဝန်ထမ်းများနှင့် ပူးပေါင်းဆောင်ရွက်ပေးမှုများအတွက် ကျေးဇူးအထူးတင်ရှိပါသည်။