ACM commestics

မိန်းကလေးတိုင်း မဖြစ်မနေ ဖတ်ပြီး မိမိ မိတ်ဆွေတွေကိုပါ သိရအောင် share ပေးပါနော် 🥰🥰
အမှား ၇ ချက် ဖြစ်တဲ့ Skincare နည်း

ကိုယ်သတိမထားဘဲ လုပ်မိနေတဲ့ Skincare နည်းအမှား ၇ ချက်

ဒီခေတ်မှာအားလုံးက အသားအရေလှဖို့ နံပါတ် ၁ ဦးစားပေးပြီး skincare နေကြတယ်နော်

Skincare အကောင်းစားတွေသုံးပြီး skincare နည်းတွေမှားနေရင်တော့ ထိရောက်မှာမဟုတ်ဘူးပေါ့ 🙅🙅

Daily skincare routine မှာ သတိမထားဘဲလုပ်မိနေတတ်တဲ့ အမှားလေးတွေကို သတိထားလို့ရအောင် ဖော်ပြပေးလိုက်ပါတယ်

1 📌မကြာခဏ မျက်နှာသစ်တာ
မကြာခဏ မျက်နှာသစ်တဲ့အခါ အဆီပြန်တာနဲ့ ဝက်ခြံဖြစ်တာကို လျော့သွားစေမယ်လို့ အထင်မှားတတ်ကြတယ်။
တကယ်တော့ မကြာခဏမျက်နှာသစ်ခြင်းက အပေါ်ဆုံးအရေပြားကိုပါးသွားစေပြီး အဆီပိုထွက်စေပါတယ်။
အဲ့ဒီအဆီတွေက ချွေးပေါက်တွေကို ပိတ်တော့ ဝက်ခြံပိုဖြစ်ပြီပေါ့။
တစ်နေ့ကို အနည်းဆုံး ၂ ကြိမ်/ အများဆုံး ၃ ကြိမ်သာ မျက်နှာသစ်ပေးသင့်ပါတယ်။

2 📌မျက်လုံးနားတစ်ဝိုက်ကို ပွတ်ဆွဲသန့်စင်တာ
Eye makeup remover သုံးတဲ့အခါ မျက်လုံးတစ်ဝိုက်က အရေးအကြောင်းတွေကြားထဲ မိတ်ကပ်ကျန်မှာစိုးပြီး ပွတ်ဆွဲသန့်စင်တာက အရေပြားကိုထိခိုက်သလို အရေးအကြောင်းတွေပိုဖြစ်စေပါတယ်။
Makeup removerစိမ်ထားတဲ့ ဂွမ်းစကို မျက်လုံးနား (မိမိသန့်စင်ချင်တဲ့နေရာ) မှာ အချိန်အနည်းငယ် ဖိတို့ထားပါ။
ပြီးတော့မှ အသာအယာသန့်စင်ပေးပါ။

3📌 ကိုယ့်အသားအရေနဲ့မကိုက်တဲ့ပစ္စည်းကိုသုံးမိတာ
ပေါ်သမျှပစ္စည်းလိုက်သုံးနေမယ်ဆိုရင်တော့ အသားအရေက ဘယ်တော့မှကောင်းလာမှာမဟုတ်ပါဘူး။
အသားအရေနဲ့ကိုက်ညီတဲ့ product ကိုတွေ့ပြီဆို စွဲပြီးသာသုံးပါတော့နော်။
မကြာခဏပြောင်းသုံးလို့မကောင်းတဲ့ထဲမှာ မိမိ skincare လည်းပါပါတယ်။

4 📌တကိုယ်လုံး ဆပ်ပြာမြှုပ်ထနေအောင်တိုက်တာ
ခန္ဓာကိုယ်တစ်ခုလုံး နေရာလပ်မကျန် ဖုန်တက်လာတာမဟုတ်ဘူးလေ 😬 တစ်ကိုယ်လုံးကို ဆပ်ပြာမြှုပ်တွေထနေအောင်တိုက်မယ့်အစား လိုအပ်တဲ့နေရာပဲသုံးပေးပါ။
အနံ့ဆိုးထွက်တတ်တဲ့ နားနောက်/ ဂျိုင်းကြား/ ပေါင်ကြား စတဲ့နေရာတွေကို ဆပ်ပြာများများနဲ့ သန့်စင်ပေးပြီး ကျန်တဲ့နေရာတွေကို ပုံမှန်သာသုံးပေးခြင်းဖြင့် shower gel ကို save လုပ်ရအောင်နော်

5📌 Skincare လုပ်တဲ့အခါ ပမာဏအများကြီးသုံးတာ
အများကြီးသုံးရင် skin ပိုကောင်းလာမယ် ဘယ်သူပြောလဲ ပိုက်ဆံအပိုကုန်မယ့်အလုပ်တွေပါနော်။
ဘယ် skincare product ပဲသုံးသုံး လိုအပ်သလောက်ပမာဏကိုပဲသုံးပေးပါ။
နဖူး ပါးနှစ်ဖက် မေးစေ့ နှာခေါင်းတို့မှာ အစက်လေးတွေချပြီး ဖြန့်ပေးရုံနဲ့ အဆင်ပြေပါတယ်။

6 📌မိတ်ကပ်မဖျက်ဘဲအိပ်တာ
မကြာခဏဖြစ်လေ့ရှိတယ်နော်။
ပင်ပန်းပြီး ပြန်လာတဲ့အခါ ခဏဆိုပြီး တညလုံးမိတ်ကပ်ကြီးနဲ့အိပ်လိုက်မိဝာ 😖 အသားအရေကိုအရမ်းပျက်စီးစေပါတယ်။
တစ်နေကုန်မိတ်ကပ်လိမ်းထားတာက အဆီဂလင်းနဲ့ချွေးဂလင်းကိုပိတ်စေပါတယ်။
တစ်ညလုံးသာဆိုရင်တော့.....😬
ဒါကြောင့် အပြင်ကပြန်ရောက်တာနဲ့မိတ်ကပ်ဖျက်ပါ။
ဘယ်လောက်ပဲပင်ပန်းနေပါစေ ၅ မိနစ်လောက်တော့ အချိန်ယူပြီး ဂရုတစိုက်လုပ်ပေးပါ

7 📌Skincare လုပ်ပြီးတာနဲ့ တန်းအိပ်တာ
Skin ကို care တာလား? ခေါင်းအုံးကို care တာလား? မသဲကွဲဘူး
skincare လုပ်ပြီးတန်းအိပ်ရင် product တွေကအသားထဲစိမ့်မဝင်ဘဲ ခေါင်းအုံးထဲပဲဝင်သွားပါလိမ့်မယ်😅
မအိပ်ခင် ၁ နာရီအလိုမှာ skincare လုပ်ပေးပါ။
Skincare ပြီးရင် အိပ်မချပါနဲ့။ Product တွေအသားထဲသေချာစိမ့်ဝင်ပြီးမှ နှစ်နှစ်ခြိုက်ခြိုက်အိပ်စက်ပါ။

တင်းတိတ်နဲ့ပတ်သက်လို့
သိထားသင့်တဲ့အချက် လေးတွေ
သိသလောက်လေး ပြန်မျှဝေ ပေးပါရစေ.
——————————
- တင်းတိတ်က ဝက်ခြံထက် ပိုပြီးပျောက်ကင်းဖို့ အချိန်ယူရပါတယ်.

- တင်းတိတ်ဆိုတာ မျက်နှာအရေပြားအတွင်းကနေ မယ်လမင် (Melanin)ဓါတ်တွေ ထုတ်လွှတ်တာကနေ Balance မညီဘဲ အညိုကွက်တွေ ဖြစ်လာတာမျိုးပါ.

- အမျိုးသမီးဟော်မုန်းဓါတ်တွေ ထုတ်လွှင့်များရင် မယ်လမင်ဓါတ်တွေ များတာမို့ အမျိုးသားတွေထက် အမျိုးသမီးတွေမှာ ပိုအဖြစ်များပါတယ်.

ဒါဆို ဘယ်သူတွေမှာ တင်းတိတ်လေးတွေ
အဖြစ်များတတ်လဲ ????
🔸🔸🔸🔸🔸🔸🔸🔸🔸

🔺နေရောင်ခြည်နဲ့ တိုက်ရိုက်ထိတွေ့ရတာ
များတဲ့သူတွေ
🔺ပူလွန်းအေးလွန်းတဲ့ နေရာဒေသတွေမှာ
နေရတဲ့သူတွေ
🔺ကိုယ်ဝန်ဆောင်နဲ့ သန္ဓေတားဆေးတွေသောက်သုံးခဲ့တဲ့သူတွေမှာ ပိုအဖြစ်များတတ်
ပါတယ်.

အဲဒီတင်းတိတ်တွေ မဖြစ်အောင်၊ နည်းနည်းချင်း သက်သာလျော့ပါးသွားအောင် ဘယ်လိုလုပ်
ကြမလဲ.
🔹🔹🔹🔹🔹🔹🔹🔹🔹🔹🔹🔹🔹
⛔️ဥပမာ - အဝတ်တခုကို မလျော်ဘဲပစ်ထားတာ
ကြာရင် အညစ်အကြေးတွေက အမည်းကွက်တွေပဖြစ်လာပြီး တခါတည်းလျော်ရုံနဲ့ ဖြူဖွေး မသွား
နိုင်ပါဘူး.

⛔️အဲ့လိုပဲ ကိုယ့်မျက်နှာပေါ်မှာ နှစ်ရှည်လများ စွဲနေတဲ့ တင်းတိတ်တွေကို ပျောက်ဖို့ဆို အရင်ဆုံးကစိတ်ရှည်ရပါမယ်.

⛔️အခုချက်ချင်းပျောက်မယ်ဆိုတာမျိုးတွေကို
ရှောင်ပါ.
ဉုံဖွ အမြန်ပျောက်ဆေးတွေ သုံးလိုက်တဲ့အခါ ကိုယ့်အသားအရေနဲ့များ ဓါတ်မတည့်ခဲ့ရင်
တင်းတိတ်တွေ ပိုများလာတတ်ပါတယ်.

✅ ရေများများသောက်ပါ.

✅မျက်နှာသစ်ဆေးကို ရေနဲ့အဆီဓါတ်မျှတစွာပါဝင်တဲ့ မျက်နှာသစ်ဆေးကို ရွေးချယ်ပါ.

✅အပြင်သွားတိုင်း SPF ပါတဲ့ နေရောင်ခြည်
အကာအကွယ်ပေးတာတွေ သုံးပါ.

✅ညအိပ်ခါနီးတိုင်း Moisture ပါတဲ့
Night Cream လေးတွေ သုံးပေးပါ.

တကယ်လို့ သဘာဝနည်းလမ်းတွေ သုံးချင်တယ်
ဆိုရင်တော့ -
♻️ငှက်ပျောသီးတစ်လုံး, ဒိန်ချဉ်ရိုးရိုး ၂ ဇွန်း,
သံပုရာရည် ၃ ဇွန်းကို ရောမွှေပြီး လိမ်းပေးပါ.

♻️မိနစ် ၂၀ လောက်ထားပြီး ရေဆေးချပေးပါ

♻️တပတ် (၂) ကြိမ်ခန့် ပြုလုပ်ပေးပါ.

♻️Skin Care သုံးချင်တယ်ဆိုရင်တော့
ကိုယ်နဲ့သင့်တော်တဲ့ FDA ရပြီးသား
Skim Care Brand များကို
ရွေးချယ်အသုံးပြုပေးပါ

❇️ သဘာဝနည်းလမ်းပဲ သုံးသုံး

❇️ Skin Care ပဲ သုံးသုံး စိတ်ရှည်ရှည်နဲ့
ပုံမှန်လေး သုံးပေးမယ်ဆိုရင်
(၁) လကနေ (၂) လအတွင်းမှာ တင်းတိတ်တွေ
ပါးပြီး အသားအရေ ကြည်လင်လာပါတယ်.

အားလုံးပဲ ကြည်လင်ဝင်းပပြီး
တင်းတိတ်ကင်းစင် တဲ့ မျက်နှာလေးတွေကို
ပိုင်ဆိုင်နိုင်ကြပါစေ❤️