New Generation Video Collection
Share
19/09/2023
#အေန်ဝှလူဝါန်ဇြာ (ဝါ)
#ဗီုလဵုဂွံဒက်ပတန်ယၟုဇကု ပ္ဍဲဝှေတ်ဗော်ရော
❤❤❤❤❤❤❤❤❤❤❤❤❤❤❤❤❤❤❤❤
အေန်ဝှလူဝါန်ဇြာမ္ဂးဂှ် ဒှ်ညး မပါ်ပရအ်ဒၟံၚ် တၚ်ဂၞၚ်မၞုံကဵု ဒတုဲဖဵု သွက်ပုရိသာတ်ညးမဗဵုသ္ၚဳဒၟံၚ် တအ်ရ။ ညးဝွံ နူရေၚ်ပါ်ပရအ်ဗဟုသုတမွဲကဆံၚ် ဟိုတ်နူမၞုံကဵု သြဇာၜတ်ၜတ်လတူအာရီု ညးမဗဵုဒၟံၚ်တအ်ကီု လတူပုရိသာတ်ညးကဵုဒၟံၚ်ဇြဟတ်ဇကုတအ်ကီုဂှ်ရ။ ညးပ္ညုၚ်ဏာကဵု ကပေါတ် မွဲမွဲသာ်မ္ဂး ပုရိသာတ်ညးတအ်ဂှ် ဟိုတ်နူဓဝ်ပတေဟ်နွံလတူညးပေၚ်ၚ်တုဲ ဗက်ရာန်ကဵုတဴ ဇြဟတ်ဟေၚ်ရ။
အဓိကတၚ်ရန်တၟအ်အေန်ဝှလူဝါန်ဇြာတအ်ဂှ် နူကဵုခမ္ပဏဳကပေါတ်မွဲမွဲတအ် သွက်သ္ဂောံ ကၠုၚ်လိၚ်တဴ ပရေၚ်လလောၚ်တြးကဵု ကပေါတ်ညးတအ်ဟေၚ်ရ။ မုဟိုတ်ရောမ္ဂး အေန်ဝှလူဝါန်ဇြာ မ္ဂးဂှ် ညးမဗဵုသ္ၚဳဒၟံၚ်ညးတအ်ဂှ် မၞုံတဴလၟိဟ် ကဵု ဠက်၊ မၞုံကဵုကိုဋ်ရ။
ပၞောဝ်ကဵု ညးမြဟ်တမ္ညဝ်ဒၟံၚ် လတူအောန်လိုၚ်ဝွံ (1) ညးဒယှ်တှ် / သေဲလဳ (celebrity) (2) အေန်ဝှလူဝါန်ဇြာ ရဴသာ်ဝွံ တၟေၚ်တိတ်ဒှ်အာ ၜါသာ်ရ။
ပၞောဝ်ဂှ် ညးဒယှ်တှ် သေဲလဳ မ္ဂးဂှ် နူပရေၚ်အနုသုခုမတအ် တိုန်ကၠုၚ်ဂၠိုၚ်ရ။ ဟိုတ်နူ ဒယှ်ေဒွက်ခိုဟ် မြဟ်တမ္ညဝ်တုဲ ယၟုဇၞော်တိုန်ကၠုၚ်ကီု၊ ဟိုတ်နူ ရုပ်သာ်ကျေဝ်၊ ပရေၚ်ကွတ်ထ္ၜးရုပ်ခိုဟ်၊ ဆာန်ဠာန်တုဲ ယၟုမြဟ်တမ္ညဝ်တိုန်ကၠုၚ်ကီု သွာၚ်ဏအ်ဝွံ ၜိုန်ရ မၞုံလၟိဟ်ဂၠိုၚ်ကဵုဂကူရ။
ၜိုန်ဂှ်လေဝ် သွက်ဂွံဒှ် အေန်ဝှလူဝါန်ဇြာမ္ဂး ဒးကတ်လ္ၚတ် တၚ်ဂၞၚ်၊ ဒးဗှ်လိက်ပတ်နာနာ၊ ဒးဂၠိုက်ဂၠာဲ၊ ဒးဂၟာဲ ဗဟုသုတဗွဲမစုၚ်လေၚ်တုဲ အရာဒှ်ဒတုဲဖဵုကဵု ပုရိသာတ်ဇကု ညးမဗဵုဒၟံၚ် တအ်ဂှ်ရောၚ် သာ်ဝွံပတေဟ် စှေ်စိုတ်မ္ဂး တက်ရုပ်ကသဳ၊ ချူပတိုန်လိက်။ ပါ်ပရအ်တဴ ပရိုၚ်တၚ်ဂၞၚ် သွက်ညးတအ် အဆက်ဆက်တုဲ နူဂှ်မွဲကဆံၚ် ပုရိသာတ်တအ် ကဵုကၠုၚ်ဇြဟတ် သိုက်က်တုဲ ဒှ်ကၠုၚ်ညးမြဟ်တမ္ညဝ်မွဲတၠရောၚ်။
သွက်သ္ဂောံဒှ် အေန်ဝှလူဝါန်ဇြာဂှ် ဒးနွံကဵုဍာ်ဒကေဝ် မွဲတၚ်ဟေၚ်ရ။
(၁) ပရေၚ်ကတ်လ္ၚတ် ဂၠိုက်ဂၠာဲ တၚ်ဂၞၚ်လၟိုန်ဟွံဇူတအ်ရ။ ဍာ်ဒကေဝ်ဝွံ ဒက်ပ္တန်ကေတ် လောဲသွာဒၟံၚ်ရ။ လ္ၚဵုပၠန်ကော်တဴ အေန်ဝှလူဝါန်ဇြာတအ်ဂှ် ညးဖန်ဗဒှ် တၚ်ဂၞၚ်ပရိုၚ် “Content Creator” ရ။
ဗွဲမဂၠိုၚ်မ္ဂး ညးတအ် တက်ဗီု၊ တက်ရုပ်ကသဳ ပတိုန်ကဵု သွက်ပုရိသာတ်တအ် သ္ဂောံဂွံတီပရေၚ်မွဲမွဲရ။ ရန်တၟအ်ညးတအ်ဂှ် သွက် ညးဗှ်လိက်ဇကု၊ ညးဗက်လက္ကရဴဇကု (follower ) ဂၠိုၚ်တိုန်တုဲ ညံၚ်ညးတအ် သ္ဂောံစိုတ်လုပ်စဂှ် သွက်သ္ဂောံ ထပ်ပတိုန်ကဵုဂၠိုၚ်ၚ်ဟေၚ်ရ။
ဟိုတ်ဂှ်ရ အေန်ဝှလူဝါန်ဇြာတအ်ဂှ် ၜိုတ်ကဆံၚ်သၟာဒယှေ်ဒွက်၊ ကဆံၚ်ညးထ္ၜးရုပ်တအ်သၟး ဟွံသေၚ် ကွတ်နယ်ကယ်ပရေၚ်ဆက်ဆောံ “Communication” ကီု ပရေၚ်ဗွဝ်ဖျာ “Marketing” လေဝ် သ္ဒးစဳကၠးလဝ်ရ။
ယဝ်ရဇကုဂှ် ဒှ်ညးဝါသနာကဵု ပရေၚ်ချူလိက်မ္ဂး ကမၠောန်ဇကုကၠောန်ဒၟံၚ်လၟုဟ်ဏအ်ဂှ် ညံၚ်ညးဂမၠိုၚ်ဂွံတီ နကဵုဟိုတ်၊ တၚ်ဂၞၚ်၊ ဥပမာန၊ ဥပမေယျ၊ ယုတ္တိနာနာသာ် လဴထ္ၜး သောၚ်ကလးကဵုညးတအ်တုဲ ညံၚ်ညးတအ် သ္ဂောံစိုတ်လုပ်စကၠုၚ်ကဵု ပွကေၚ်ကာ ပရေၚ်ကမၠောန်ဇကုကၠောန်ဒၟံၚ်လၟုဟ်ဏအ်ဂှ် သ္ပဂွံတဴရ။
ယဝ်ရ ပ္ဍဲဇကု ကမၠောန်သွံတဴဖျာ (Sale) ကီု ၊ ကမၠောန်ရေၚ်တၠုၚ်ကဵု ပရေၚ်ဍာ်ဒကေဝ် မွဲမွဲသာ်(Service) ကီု နွံတဴမ္ဂး ပရေၚ်ဇကုကၠောန် လၟေၚ်ကမၠောန်ဇကုတအ်ဂှ် လဴပတိုန်ထၜးကဵု ပုရိသာတ်တအ်တုဲ လလောၚ်ပ္ဍဲလတူလိုၚ်ဂွံဒၟံၚ်ရ။
ပ္ဍဲခေတ်ကာလလၟုဟ်ဝွံ သီုဟွံမွဲကဵု ပရေၚ်လလောၚ်ဗွဝ်ဖျာ လတူလိုၚ် “Internet Marketing” မွဲသာ် ကမၠောန်လဵုလေဝ် ကၠောန်ဟွံဂွံရ။ ဍာံဍာံတေံဂှ် ဆၜိုတ် ပတိုန်တဴ တၚ်ဂၞၚ် ပရေၚ်ဗဟုသုတ နာနာသာ်တုဲ နကဵုလၟိဟ် လှုဲလုပ်နူဂှ်မွဲကဆံၚ်ဂှ် ဟိုတ်နူလောန်ၜက်အာနူ လှုဲကၠောန်မံၚ် အရိုဟ်တ္ၚဲဂှ်ရ။ တိတ်နူကမၠောန်ဇကုကၠောန်ဒၟံၚ်လၟုဟ်ဂှ်တုဲ ဗွဲမဂၠိုၚ် လုပ်ကၠောန်ကမၠောန် ပါ်ပရအ်တၚ်ဂၞၚ်မ္ဂး အေန်ဝှလူဝါန်ဇြာ ၊ ညးခၞံဗဒှ်တၚ်ဂၞၚ် (Content Creator) တုဲ နဒဒှ်ကမၠောန်ဂယိုၚ်လမျီုလေဝ် ကၠောန်ဂွံဒၟံၚ်ပေၚ်ၚ်ရ။
ဟိုတ်ဂှ်ရ ပ္ဍဲကဵုခေတ်အေန်တာနေတ်လၟုဟ်ဝွံ ကမၠောန်ဇကုစိစောန် ဍာ်ဒကေဝ်ဇကု စိုန်သကီုတအ်ဂှ် ပါ်ပရအ်လတူလိုၚ်တုဲ ဂၠာဲသြန်သွက်သ္ဂောံဂယိုၚ်လမျီုမာန်ပေၚ်ၚ်ရောၚ်။
နိဿဲနူလိက် - Influencer written by Joseph Grenny, Kerry Patterson, .... တအ်ရောၚ်။
ဗွဲမအဲပရဲဟေၚ်
✅✅✅✅✅✅✅
ဇဝ်တၟိ(အနေၚ်)
နယ်တၚ်ယၟု
နယ်ချူပရိုၚ်တၚ်ဂၞၚ်
နယ်သ္ပပုရိသာတ်ဗှ် ။ ဗဵု ဂွံဂၠိုၚ်
နယ်မၚ်မွဲ သၠုၚ်ပတိုန် သမၠဲပတိုန် ကမၠောန်ဇကုတအ်ဂှ်
တ္ၚဲဂတတေံ ဆက်ပတိုန်ထၜးအာပၠန်ရောၚ်။
Click here to claim your Sponsored Listing.
Category
Website
Address
Mawlamyine
