Azure Internet Access

ခေါင်းဆောင်လုပ်ပါ / ဆရာကြီးမလုပ်ပါနဲ့
=========================
ဆရာကြီးက အရာရာကျွမ်းတယ်
ခေါင်းဆောင်က အမှားကိုဝန်ခံတယ်
ဆရာကြီးက လုပ်ရမှာကိုပြောတယ်
ခေါင်းဆောင်က လုပ်ပြတယ်
ဆရာကြီးက အပြစ်ရှာတယ်
ခေါင်းဆောင်က အကြံပြုတယ်
ဆရာကြီးက အပြောနဲ့စတယ်
ခေါင်းဆောင်က နားထောင်ခြင်းနဲ့စတယ်
ဆရာကြီးက အမိန့်ပေးတယ်
ခေါင်းဆောင်က လမ်းညွှန်ပြတယ်
ဆရာကြီးက အရိုသေကြိုက်တယ်
ခေါင်းဆောင်က ရိုသေထိုက်တယ်
ဆရာကြီးက စည်းမျဉ်းနဲ့အုပ်ချုပ်တယ်
ခေါင်းဆောင်က မေတ္တာဂရုဏာရှေ့ရုူတယ်
ကိုယ်ရှိနေတဲ့နေရာမှာခေါင်းဆောင်ဖြစ်နေပါစေ

တကယ်တမ်းကျတော့ ကျွန်မတို့က လူတွေနဲ့ဆက်ဆံရတဲ့အခါ…ကိုယ်ကောင်းနေရင်..သူ့ဘက်ကလည်း ကောင်းမှာပဲဆိုတဲ့ မျှော်လင့်ချက်လေးနဲ့ဆက်ဆံမိတတ်ကြပါတယ်..။

သူကောင်းဖို့ မကောင်းဖို့ဆိုတာ..ကိုယ်ထိန်းချုပ်ကိုင်တွယ်လို့ရတဲ့ကိစ္စမျိုး မဟုတ်ပါဘူး..။ ကိုယ့်ဘက်က သူဘာပဲဖြစ်ဖြစ် ကိုယ်ကကောင်းမယ်ဆိုတဲ့စိတ်မျိုးထားနိုင်ဖို့ ကြိုးစားရပါမယ်..။ အဲဒါမှ မကောင်းတဲ့သူနဲ့ ဆုံရတဲ့အခါမှာ သင်ခန်းစာရယူနိုင်ပါလိမ့်မယ်..။

အခုနောက်ပိုင်းမှာတော့…ကိုယ်ကောင်းရင် သူများလည်း ကောင်းလိမ့်မယ်လို့ မျှော်လင့်ချက်ထားတတ်တဲ့ ကျွန်မက ပါမောက္ခချုပ်ဆရာတော်ဘုရားကြီးရဲ့ ဆုံးမစကားတစ်ခွန်းကို နှလုံးသွင်းတတ်လာပါတယ်..။

“ လူတစ်ယောက် သဘောကောင်းနေတာ ပတ်ဝန်းကျင်ကကောင်းလို့ သဘောကောင်းတာကို မဆိုလိုဘူး..အဆိုးကြားထဲက အကောင်းဖြစ်ရမယ်..” ဆိုတဲ့ စကားလေးပဲဖြစ်ပါတယ်…။ ကိုယ်ကောင်းဖို့ပဲ လိုပါတယ်..။ သူကောင်းဖို့မလိုပါ..။

မြတ်ဗုဒ္ဓရဲ့ဆုံးမစကားတစ်ခွန်းရှိပါတယ်…။

“ ဘယ်သူ့ကိုမှ အပြစ်မတင်ပါနဲ့…။ လူကောင်းတွေက သင့်ကို ပျော်ရွှင်စေလိမ့်မယ်…။ ဆိုးတဲ့လူက..အတွေ့အကြုံတွေ ပေးလိမ့်မယ်..။ အဆိုးဆုံးလူက သင်ခန်းစာပေးလိမ့်မယ်..။အကောင်းဆုံးလူကတော့ အမှတ်တရတွေ ပေးပါလိမ့်မယ်…” တဲ့…။

#လွန်းထားထား
#ကိုယ့်ဘဝကကိုယ့်လက်ထဲမှာ