Code2

နှစ်သစ်မှာ Project အစမ်းရေးကြည့်လို့ရမဲ့ အခမဲ့ Website များ။

အားလုံးပဲ မင်္ဂလာပါ။ ကျွန်တော်တို့အနေနဲ့ Programming Language တွေကို လေ့လာပြီးပြီဆိုရင် Project လေးတွေ စပြီးရေးချင်ကြတဲ့သူများစွာရှိပါတယ်။ ဒါပေမဲ့ ဘယ်မှာလေ့ကျင့်လို့ရမယ်ဆိုတဲ့နေရာလေးတွေလိုက်ရှာရင်း လမ်းပျောက်နေသူတွေလည်း ရှိပါတယ်။

ဒါကြောင့်မို့ အခုလို ကြုံနေရတဲ့ လူငယ်များအတွက် ကိုယ်နှစ်သက်ရာ အမျိုးအစာကို ရွေးချယ်ပြီး Project တွေ စမ်းရေးရင်း လေ့ကျင့်လို့ရမဲ့ အခမဲ့ Website (3) ခု ကို CODE2 မှ ဖော်ပြပေးလိုက်ပါတယ်။

(1) LeetCode - https://leetcode.com/

LeetCode မှာ မျိုးစုံသော ပရိုဂရမ်းမင်းဘာသာစကားများနှင့် Topics များအတွက် Coding Challenges များစွာကို ပံ့ပိုးပေးထားတဲ့ ပလက်ဖောင်းတစ်ခုဖြစ်ပါတယ်။ ဒါ့အပြင် နည်းပညာပိုင်းဆိုင်ရာ အင်တာဗျူးပြင်ဆင်မှုတွေအတွက်လည်း အင်မတန် အသုံးပြုဝင်ပါတယ်။ ဒါကြောင့် စပြီးလေ့ကျင့်မယ့် လူငယ်တွေအတွက် ဝင်ရောက်လေ့လာဖို့ အကောင်းဆုံးပေါ့။

(2) Codewars - https://www.codewars.com/

Codewars ကတော့ အနည်းငယ်ပိုအဆင့်မြှင့်တဲ့ Projects များကို လေ့ကျင့်ရင်း Problems များကို ယခင်ကထပ် ဖြေရှင်းနိုင်ပြီး Coding စွမ်းရည်ကိုလည်း မြှင့်တင်ပေးနိုင်တဲ့ “kata” လို့ခေါ်တဲ့ Coding Challenges များကို လေ့လာသင်ယူနိုင်ပါတယ်။ ဒါကြောင့် ကျွမ်းကျင်မှုကို မြှင့်တင်လို့တဲ့ လူငယ်တွေအတွက် တကယ်အသုံးဝင်တဲ့ Website တစ်ခုပါပဲ။

(3) Topcoder - https://www.topcoder.com/

TopCoder ကတော့ ထူးထူးခြားခြားအနေနဲ့ Coding ပြိုင်ပွဲတွေနှင့် Challenges များကို ပေးဆောင်နေတဲ့ အရင်တည်းက တည်ရှိနေတဲ့ အပြိုင်အဆိုင် ပရိုဂရမ်းမင်းပလက်ဖောင်းများထဲမှ တစ်ခုဖြစ်ပါတယ်။ ဒီကနေ ကိုယ့်ရဲ့ Coding Skill ကို မြှင့်တင်ဖို့နှင့် Problem-solving Skill ကို လေ့ကျင့်ဖို့အတွက် အကောင်းဆုံးနေရာထဲက တစ်ခုအပါအဝင်ဖြစ်ပါတယ်။

ဒါဆိုရင်တော့ နှစ်သစ်မှာ ကိုယ့်ရဲ့ Coding Skill တွေကို မြှင့်တင်နိုင်ဖို့ Project တွေ လေ့ကျင့်လို့ရမဲ့ Website တွေကို ဖော်ပြပေးခဲ့တာဖြစ်ပါတယ်။

နောက်နေ့မှာလည်း အခုလို နည်းပညာနယ်ပယ်ကို စတင်ဝင်ရောက်မဲ့ လူငယ်တွေအတွက် အထောက်အကူဖြစ်စေဖို့ လိုအပ်တဲ့ လေ့လာစရာ အရင်းအမြစ်တွေကို မျှဝေပေးသွားမှာဖြစ်တာကြောင့် CODE2 ကို ဆက်လက်စောင့်မျှော်ပေးကြဖို့ ဖိတ်ခေါ်လိုက်ပါတယ်။

2024 ခုနှစ်ရဲ့ Coding နယ်ပယ်မှာ ပိုမိုကျယ်ပြန့်လာမဲ့ နည်းပညာ (3) ခု။

အားလုံးပဲ မင်္ဂလာပါ။ မကြာခင်မှာဆိုရင်လည်း 2023 ဆိုတဲ့ ခုနှစ်တစ်ခုဟာကုန်ဆုံးပြီး 2024 အဖြစ်သို့ ကူးပြောင်းရောက်ရှိတော့မှာလည်းဖြစ်ပါတယ်။ နည်းပညာနယ်ပယ်မှာဆိုရင်လည်း 2023 ခုနှစ်အတွင်းမှာ ကျွန်တော်တို့ ထင်မထားတဲ့ ကောင်းမွန်တိုးတက်လာတဲ့ (ဥပမာ - ChatGPT လိုမျိုး) အပြောင်းအလဲတွေဖြစ်လာခဲ့ပါတယ်။

အခုလိုနှစ်တစ်နှစ်တာ ကူးပြောင်းပြီးတဲ့နောက်မှာရော ဘယ်လိုနည်းပညာတွေက ပိုမိုကျယ်ပြန့်လာမလဲ? ကျွန်တော်တို့ရဲ့ နေ့စဥ်ဘဝမှာရော ဘယ်လိုသက်ရောက်မှုတွေ ရှိလာမလဲ? ဆိုတာ အင်မတန် စိတ်ဝင်စားစရာကောင်းပါတယ်။

ဒီနေ့တော့ အနာဂတ် Coding နယ်ပယ်ထဲကို ကျယ်ပြန့်စွာရောက်ရှိလာမဲ့ နည်းပညာ (3) ခုကို မျှဝေပေးချင်ပါတယ်။

(1) AGI (Artificial General Intelligence)

AGI ဆိုတာ လုပ်ငန်းခွင်တွေမှာ လူသားများရဲ့ စွမ်းဆောင်ရည်ထက် သာလွန်အောင် လုပ်ဆောင်နိုင်တဲ့ မြင့်မားတဲ့ Autonomous စနစ်တစ်ခုဖြစ်ပါတယ်။ ရှင်းအောင်ပြောရမယ်ဆိုရင် လူသားတွေရဲ့ ဥာဏ်ရည်နှင့် ဆင်တူတဲ့ စက်တွေဖြစ်ပါတယ်။

ဥပမာတစ်ခုအနေနဲ့ လူသားတစ်ဦးလုပ်ဆောင်နိုင်တဲ့ အရာတစ်ခုကို ပိုမိုသာလွန်အောင် ဆောင်ရွက်နိုင်တဲ့ Computer Program (သို့) Robotic စနစ်တစ်ခုဖြစ်ပါတယ်။ အဲ့ဒီစနစ်ထဲမှာဆိုရင် ဘာသာစကားတွေကို နားလည်ခြင်း၊ အတွေ့အကြုံကနေ သင်ယူခြင်း၊ ကျိုးကြောင်းဆင်ခြင်ခြင်း၊ ပြဿနာဖြေရှင်းခြင်းနှင့် အခြေအနေအသစ်များနှင့် လိုက်လျောညီထွေဖြစ်အောင် ပြုလုပ်နိုင်ခြင်းတို့ ပါဝင်ပါတယ်။

ဒီလိုမျိုး အဆင့်မြင့်နည်းပညာတစ်ခုဖြစ်တဲ့ AGI ဟာဆိုရင် ကျွန်တော်တို့ရဲ့ နေ့စဥ်ဘဝပေါ်မှာရော ဘယ်လိုမျိုး သက်ရောက်မှုရှိလာမလဲဆိုတာ စောင့်ကြည့်သင့်ပါတယ်။

(2) Deepfake

Deepfake ဟာဆိုရင် လက်တွေ့ဘဝမှာ အမှန်တကယ်မဟုတ်တဲ့ အရာတစ်ခုကို ဗီဒီယို (သို့) အသံတို့ဖြင့် ဖန်တီးပုံဖော်နိုင်ဖို့ AI ၊ Machine Learning နှင့် Deep Learning Algorithms များကို အသုံးပြုထားတဲ့ နည်းပညာတစ်ခုဖြစ်ပါတယ်။

Deepfake နည်းပညာရဲ့ ဥပမာတစ်ခုကို ပြောရမယ်ဆိုရင် လူတစ်ဦးရဲ့ မျက်နှာသွင်ပြင်နှင့် အမူအရာများကို အခြားသူတစ်ဦးမှာ အစားထိုးထားတဲ့ ဗီဒီယိုများကို ဖန်တီးခြင်းဖြစ်ပါတယ်။ ဥပမာပေးရမယ်ဆိုရင် Obama နှင့် Zuckerberg တို့ သီချင်းဆိုတာမျိုးတွေ၊ သရုပ်ဆောင်တစ်ဦးရဲ့ ကိုယ်ခန္ဓာပေါ်မှာ အခြားသူတစ်ဦးရဲ့ မျက်နှာသွင်ပြင်ကို ထည့်လိုက်တာမျိုးတွေ စသဖြင့် တကယ်မဟုတ်တဲ့ အရာများကို အမှန်ထင်လာအောင် ဗီဒီယိုအတုတွေ ဖန်တီးနိုင်တာမျိုးတွေဖြစ်ပါတယ်။

ဒါ့အပြင် အခုလို ပုံမှန်မြင်တွေ့ရတဲ့ ဖျော်ဖြေရေးနယ်ပယ်တွင်သာမကပဲ အခြားသော နယ်ပယ်တွေမှာလည်း ထိုးဖောက်ဝင်ရောက်လာနိုင်ခြေရှိတယ်လို့ ခန့်မှန်းထားကြပါတယ်။ အဆိုပါ Deepfake နည်းပညာဟာဆိုရင် 2024 မှာ ပိုမိုအဆင့်မြှင့်လာနိုင်တာကြောင့် ကျွန်တော်တို့အပေါ် ကောင်းတဲ့ သက်ရောက်မှုတစ်ခု ဖြစ်လာမှာလား? (ဒါမှမဟုတ်) ဘယ်လိုဆက်ဖြစ်မလဲဆိုတာ စိတ်ဝင်စားဖို့ကောင်းပါတယ်။

(3) Autonomous

Autonomous ဆိုတာ လူသားတွေမလိုပဲ လုပ်ဆောင်နိုင်တဲ့ System တစ်ခုရဲ့ စွမ်းဆောင်ရည်ဖြစ်ပါတယ်။ Autonomous စနစ်များက သူတို့ရဲ့ Programming၊ အာရုံခံကိရိယာများနှင့် ပတ်ဝန်းကျင်ဆိုင်ရာ ထည့်သွင်းမှုများအပေါ် အခြေခံပြီး ပြောင်းလဲနေတဲ့ အခြေအနေများကို လိုက်လျောညီထွေဖြစ်စေရန် ဆုံးဖြတ်ချက်များချနိုင်ပါတယ်။

Autonomous နည်းပညာဟာဆိုရင် မော်တော်ယာဥ်နှင့် သယ်ယူပို့ဆောင်ရေးကဏ္ဍများအပြင် ကျန်းမာရေးစောင့်ရှောက်မှု၊ ထောက်ပံ့ပို့ဆောင်ရေးနှင့် ထုတ်လုပ်မှုကဏ္ဍများအထိ တွင်ကျယ်စွာ အသုံးပြုလျက်ရှိပါတယ်။

Autonomous နည်းပညာကို ဥပမာပြရရင် မောင်းသူမဲ့ကားတွေဖြစ်တဲ့ Autonomous Vehicle တွေဖြစ်ပါတယ်။ အဲ့ဒီယာဥ်တွေမှာ အာရုံခံကိရိယာများ၊ ကင်မရာများ၊ ရေဒါ၊ Lidar နှင့် ဆန်းသစ်တဲ့ Algorithms များ ပေါင်းစပ်ထားပြီး ပတ်ဝန်းကျင်မှာ သွားလာရန်၊ ကိုယ်ပိုင်ဆုံးဖြတ်ချက်များချရန်နှင့် လူသားတွေကို မလိုအပ်ပဲ ဘေးကင်းစွာ မောင်းနှင်ရန်အတွက် အသုံးပြုပါတယ်။

အဆိုပါယာဥ်များကို Tesla၊ Waymo နှင့် အခြားကုမ္ပဏီများလည်း Autonomous နည်းပညာများကို တီထွင်စမ်းသပ်လျက်ရှိတာကြောင့် ကျွန်တော်တို့ မထင်ထားတဲ့ ဘယ်လိုအရာမျိုးတွေ ထပ်ပေါ်လာမလဲဆိုတာ အတူတူ စောင့်ကြည့်ရအောင်။

အခုကတော့ 2024 ခုနှစ်မှာ ကျယ်ပြန့်စွာ တွေ့လာရမဲ့ နည်းပညာ (3) ခုအကြောင်းကို မျှဝေပေးခဲ့တာဖြစ်ပါတယ်။ ဒါတွေကို ကြည့်ခြင်းအားဖြင့် ကျွန်တော်တို့ Programmer တွေအနေနဲ့လည်း ကိုယ်ရဲ့လက်ရှိအခြေအနေမှာ ရပ်နေလို့မရပဲ ဆက်ပြီးတော့ အသစ်အသစ်တွေကို လေ့လာနေဖို့ CODE2 မှ တိုက်တွန်းလိုက်ရပါတယ်။

🎄 နည်းပညာနယ်ပယ်မှလူငယ်များအတွက် Christmas ဆုတောင်းစကား 🎄

🗓️ နှစ်တနှစ်ရဲ့ နောက်ဆုံးလလေးလည်းဖြစ်တဲ့ ဒီဇင်ဘာလရဲ့ ဆောင်းအငွေ့အသက်တွေနှင့်အတူ ယနေ့မှာ ကျရောက်တဲ့ Christmas အချိန်အခါလေးမှာ

🚩 Programmer များအားလုံး ကိုယ်ဖြစ်ချင်တဲ့ အိပ်မက်ပန်းတိုင်တွေဆီကို အောင်မြင်စွာလျှောက်လှမ်းရင်း ချစ်ရသောသူများနှင့်လည်း ကျန်းမာပျော်ရွှင်သောဘဝကို တည်ဆောက်နိုင်ကြပါစေလို့

နည်းပညာနယ်ပယ်မှ လူငယ်များအားလုံးအတွက် CODE2 မှ ဆုမွန်ကောင်း တောင်းပေးလိုက်ပါတယ်ခင်ဗျာ။

🎁 Programmer များအားလုံး Merry Christmas ပါ။