Myanmar Development Advice

Stability & Development

စကစ အနေနဲ့ ပြန်လည်သုံးသပ်ရမဲ့ အခြေအနေရောက်နေပြီ။ စခန်းကုန်းတိုင်းလည်း မထိန်းနိုင်၊ မြို့တွေလည်းမထိန်းနိုင်၊ သိမ်းဆည်းခံမြို့တွေ ပြန်မသိမ်းနိုင်၊ နိုင်ငံစီးပွါးရေး၊ ဆေးဝါးနှင့်ကျန်းမာရေး၊ ငွေစျေးနှုန်း၊ ကုန်စျေးနှုန်း ဘာတစ်ခုမှ ကို ထိထိရောက်ရောက် မဆောင်ရွှက်နိုင်ဘူး။
EAO တွေဟာ ဦးသန်းရွှေလက်ထက်မှာ အခုလောက် ဦးမော့ ပြီးမစွမ်းဆောင်နိုင်ဘူး။ မအလ လက်ထက်မှာ
၁။ KIA ဟာ လက်နက်စစ်ရုံတည်ပြီး လက်နက်ထုတ်လာနိုင်တယ်
၂။ UWSA ဟာ drone တွေ တပ်ဆင်လာတယ်
၃။ AA ဟာ စစ်သည်အင်အား အမြောက်အများ နဲ့ ဖွဲ့စည်းလာနိုင်တယ်
အဲ့ဒါတွေဟာ တမင်တကာဘဲ EAO တွေကိုကြီးထွားစေတာလား။ အကျိုးတူညောင်ရေလောင်းရင်း ရေနှစ်တဲ့ ဘဝ ကို အခုရောက်နေကြပြီ။

ဦးသိန်းစိန်ခေတ်၊ NLD ခေတ် တွေတုန်းကို ပေါက်ပန်းလေးဆယ် လျှေက်ပြောနေကြတာ စကစခေတ်ရောက်တဲ့ အထိ လူကြီးတွေကပြောကောင်းတုန်း။

Political issues ဘဲပြောပြော၊ foreign interference ဘဲပြောပြော၊ geopolitical issues ဘဲပြောပြော လက်တွေ့မှာ EAO တွေ၊ PDF တွေ ကို မထိန်းနိုင်တော့ဘူး။ NCA ၇ဖွဲ့လည်း မကျန်တော့ဘူး။ ဘယ်သူဘယ်သူမှလည်းနိုင်မှာ မဟုတ်ဘူး အဖွဲ့အစည်းအားလုံးက မြွေမသေဒုတ်မကျိုးဘဲလုပ်ကြမှာ။ အဖွဲ့အစည်းအားလုံးက နောက်ကွယ်မှာ စစ်ပွဲအတွင်းမှာ စစ်ပွဲကိုအကြောင်းပြပြီး ကိုယ်ပိုင်စီးပွါးတွေအောင်မြင်နေကြတာဘဲ။ ပြည်သူလူထုဘဲ ငတ်တစ်လှည့် ပြတ်တစ်လှည့် ဖြစ်နေကြတာ။

နိုင်ငံခေါင်းဆောင်တွေ နိုင်ငံရဲ့ တည်ငြိမ်ရေးနှင့် ဖွံ့ဖြိုးတိုးတက်ရေး (Stability & Development) ကို ဦးစားပေးရင်၊ ပြည်သူလုထုကို မျက်နှာထောက်ရင် လုပ်ရပ်တွေကို ရပ်တန်းကရပ်ပြီး ဒေါ်အောင်ဆန်းစုကြည် ကို ထောင်ကလွတ် house arrest လည်းမလုပ်ဘဲနဲ့ လွတ်ပေးထားလိုက်။ ဒေါ်စုကို နိုင်ငံရေး၊ နိုင်ငံ့အရေး က ကင်းရှင်းရမယ်ဆိုပြီး လွတ်ပေးထားလိုက်ပါ။ တချို့ ကလေးတွေ အလင်းဝင်လာလိမ့်မယ်၊ တိုင်းရင်းသားလက်နက်ကိုင်တွေငြိမ်လာလိမ့်မယ်၊ foreign investment တွေပြန်ရလာမယ်၊ foreign support တွေပြန်ရမယ်၊ တချို့ session တွေပယ်ဖျက်ပေးလိမ့်မယ်။ ရှင်းရှင်းပြောရင် Win Win situation ကိုသွားမှ စကစရော ပြည်သူလူထုပါ အသက်ရှုချောင်ပြီး NUG မထောက်ခံဘဲ NUG ကိုထောက်ခံခဲ့တဲ့ လူတွေလည်းလူရာမဝင်တော့မှာ လို့ဘဲ သုံးသပ်မိပါတယ်။

ဘခက်
5.4.2024

We’ve been through many strikes since from 1988, but there were no good results. So why do we still striking?

ပညာ သတိ နှင့် ယဉ်ပြီးနေထိုင်ကြပါ