Multi-Arti Tree
Share
09/01/2021
နေကြာပန်း
ပင်လယ်ထဲက
ကျောက်ဆစ်ရုပ်တုတွေက မင်းအတွက်၊
မင်းအတွက်အရေးမပါလှပေမဲ့
မင်းအတွက်ပေါ့...
ပိရမစ်ထဲက
မံမီရုပ်အလောင်းတွေက မင်းအတွက်၊
မင်းအတွက်အရေးမပါလှပေမဲ့
မင်းအတွက်ပေါ့...
ကြယ်စင်စုထဲက
သီချင်းလေးတစ်ပုဒ်ကလည်း မင်းအတွက်၊
မင်းအတွက်အရေးမပါလှပေမဲ့
မင်းအတွက်ပေါ့...
အကြင်နာစိုက်ခင်းထဲက
နေကြာပန်းတွေဖူးပွင့်လာဖို့တော့
မျှော်လင့်နေရတုန်းပဲ
မင်းအတွက်။ ။
K.M.M
09/12/2020
Manchester By The Sea(2016)
အတိတ်ရဲ့ ရှိနေခြင်းဟာ လူတစ်ယောက်ကို
ဝါးမျိုနေသလိုပါပဲ အတိတ်ဆိုးရဲ့ ဝါးမျိုခြင်းပေါ့
တစ်ခါတစ်လေမှာ
အမှုမဲ့အမှတ်မဲ့ဖြစ်ရပ်တွေက
ကျွန်တော်တို့ရဲ့ ဖြစ်တည်မှုတွေကို
အများကြီး ပြောင်းလဲသွားနိုင်တယ်
တစ်ရက်နဲ့တစ်ရက်အကြားမှာ
တစ်စက္ကန့်ပဲ ခြားသလိုပေါ့
အကောင်းနဲ့အဆိုးက ကြွေပြားစေ့ရဲ့ ခေါင်းနဲ့ပန်းပဲ
အဲ့ကြွေပြားစေ့ကို ကိုယ်တိုင်လည်း လှည့်ကြသလို
တစ်ခါတစ်လေမှာ သူ့ဘာသာလည်း လည်နေတာပဲ
အတိတ်ဆိုးရဲ့ ဝါးမျိုခြင်းဆိုတာလည်း
ကာလအတန် ကြာရင် ပြီးဆုံးသွားစမြဲပါ
အချိန်တန်ရင် နေထွက်လာတာကို မြင်တွေ့ကြရမှာပေါ့
အဆင်မပြေမှုတွေနဲ့ အဆင်ပြေအောင် နေတတ်သွားတာပဲ
ဇာတ်လမ်း အကျဉ်း
လီချန်စတာက တိုက်ခန်းတွေမှာ အလုပ်လုပ်တယ် ရေပိုက်ပြင်ပေးတယ် ဆေးသုတ်ပေးတယ်
လျှပ်စစ်မီးပြင်ပေးတယ် တိုက်ခန်းစောင့်ပေါ့
တစ်နေ့မှာ သူ့အကို ဂျိုးချန်စတာက နှလုံးရောဂါနဲ့
ဆုံးသွားတဲ့အခါမှာ သူ့ရဲ့ မွေးရက်မြေပြန်ပီး အသုဘအတွက် ပြင်ဆင်ပေးရတာပေါ့ ဂျိုးရဲ့ သေတမ်းစာမှာ ဂျိုးရဲ့ သား ပက်ထရစ်ရဲ့ အုပ်ထိန်းသူအဖြစ် လုပ်ပေးဖို့ ရေးခဲ့တယ် ပက်ထရစ်အသက်18မပြည့်ခင်ထိပေါ့
ဒီဇာတ်လမ်းမှာ အထီးကျန်မှုတွေ နောင်တတွေ ဝမ်းနည်းမှုတွေ အချင်းချင်းနွေးထွေးမှုတွေ ခံစားရတယ်
အဆုံးသတ်မှာ အတိတ်ဆိုးတွေ သတင်းဆိုးတွေကို
ထားခဲ့မို့ မေ့ပစ်လိုက်ဖို့က အကောင်းဆုံးပါပဲ
"Forget it" "Let it go"
Photo Credit
29/05/2020
ဘမ်ဘယ်ဘီး
ဘမ်ဘယ်ဘီး က ကျောက်ဖြစ်ရုပ်ကြွင်း၊
ဘမ်ဘယ်ဘီး က သွေးစုပ်ဖုတ်ကောင်၊
ဘမ်ဘယ်ဘီး က သစ္စာတရား၊
ဘမ်ဘယ်ဘီး က သစ္စာသမား၊
ဘမ်ဘယ်ဘီး က လိပ်ခုံးကား၊
ဘမ်ဘယ်ဘီး က စက်ရုပ်လူသား၊
ဘမ်ဘယ်ဘီး က မတ်တယ်လ်ဟတ်ဒ်၊
ဘမ်ဘယ်ဘီး က နေကြာခင်း၊
ဘမ်ဘယ်ဘီး က နေ့လယ်ခင်း၊
ဘမ်ဘယ်ဘီး က ကာမာရို၊
ဘမ်ဘယ်ဘီး က ဟိုက်ဝေးလမ်း၊
ဘမ်ဘယ်ဘီး က ရေဒီယို၊
ဘမ်ဘယ်ဘီး က သီချင်းဆို၊
ဘမ်ဘယ်ဘီး က သံယောဇဉ်၊
ဘမ်ဘယ်ဘီး က သူငယ်ချင်း၊
ဘမ်ဘယ်ဘီး က မွေးနေ့လက်ဆောင်။
KMM
May 29/2020
28/05/2020
Coffee
ကော်ဖီတစ်ခွက်မှာ
ကဖင်းဓာတ်တွေ ဘယ်လောက်ထိ ပါနေလဲ
ကဖင်းဓာတ်က စွဲလမ်းတတ်တာမျိူး မဟုတ်ဘဲ
ဦးနှောက်ကို လှုံဆော်ပေးတတ်တယ်
လွမ်းတဲ့အခါလည်း ကော်ဖီသောက်မယ်
ကော်ဖီသောက်တိုင်းလည်း လွမ်းရတယ်
ကော်ဖီတစ်ခွက်မှာ
ချစ်ခြင်းတွေ ဘယ်လောက်ထိ ပါနေလဲ
အချစ်က အမြဲတမ်း ချိုမနေနိုင်ဘူး
တစ်ခါတစ်လေမှာ ခါးသက်တတ်တယ်
ချစ်၍လည်း ကော်ဖီသောက်မယ်
ကော်ဖီသောက်တိုင်းလည်း သတိရတယ်
မောင်ကိုးမတ်
Click here to claim your Sponsored Listing.
Category
Website
Address
Mandalay
