YES Boss

အင်တာမီလန်အသင်းဟာ ဒီနွေရာသီမှာ အီတလီကို ပြန်လာဖို့အတွက် ပြင်ဆင်နေတဲ့ ဟွိုင်လန်းကို မန်ချက်စတာယူနိုက်တက်ထံမှ ခေါ်ယူဖို့ ကြိုးပမ်းနိုင်လိမ့်မယ်လို့ ယုံကြည်နေပါတယ်။

လွန်ခဲ့တဲ့ ၂ နှစ်ကမှ အတ္တလန္တာကနေ ပေါင် ၇၂ သန်းနဲ့ ပြောင်းရွှေ့လာခဲ့တဲ့ ဟွိုင်လန်းဟာ ဒီနွေရာသီ အိုးထရက်ဖို့ဒ်မှာ အရောင်းစာရင်းတင်ခံထားရတဲ့ ကစားသမားတွေထဲက တဦးဖြစ်ပြီး ဒိန်းမတ်တိုက်စစ်မှူးဟာ ပွဲဦးထွက်ရာသီတုန်းက ၁၆ ဂိုးအထိ သွင်းယူနိုင်ခဲ့ပေမယ့်လည်း ဒုတိယရာသီမှာတော့ တော်တော်လေး ခြေစွမ်းပိုင်းဆိုးရွားခဲ့တာကြောင့် သရဲနီတွေက ရောင်းထုတ်ဖို့ ဖြစ်လာခဲ့တာဖြစ်ပါတယ်။

ဂျူဗင်တပ်၊ နာပိုလီတို့ကလည်း ဟွိုင်လန်းကို ခေါ်ယူဖို့ စိတ်ဝင်စားနေတယ်လို့ ပြီးခဲ့တဲ့ရက်သတ္တပတ်တွေမှာ ပြသခဲ့ပေမယ့်လည်း အင်တာမီလန်က အသက် ၂၂ နှစ်အရွယ်တိုက်စစ်မှူးကို ခေါ်ယူဖို့ ထိပ်ဆုံးကနေ ဦးဆောင်သူအဖြစ် ထွက်ပေါ်လာခဲ့တာဖြစ်ပါတယ်။

ဂဇက်တာဒယ်လိုစပို့ရဲ့ သတင်းအရ အင်တာ အားကစားဒါရိုက်တာ ပီယာရို အော်ဆီလီယိုက ဒီအပတ် လန်ဒန်မှာ ဖာဘရီဂတ်စ်ကို နည်းပြသစ်အဖြစ် ခန့်အပ်ဖို့ ကိုမိုအသင်းဉက္ကဌနဲ့ ဆွေးနွေးရင်း မန်ယူနိုက်တက်အသင်းပိုင်ရှင်တွေနဲ့လည်း ဟွိုင်လန်းအတွက် ပြောဆိုမှုတွေပြုလုပ်ခဲ့တယ်လို့ သိရပါတယ်။

အဲဒီလို ပြောဆိုဆွေးနွေးခဲ့မှုကြောင့် အင်တာမီလန်အသင်းအတွက် ဟွိုင်လန်းကို ခေါ်ယူမယ့် ပြိုင်ပွဲထဲမှာ တိုးတက်မှုတွေ ဖြစ်စေခဲ့တာြဖစ်ပြီး သရဲနီတွေက ဒိန်းမတ်တိုက်စစ်မှူးကို အပြီးသတ် ရောင်းထုတ်ချင်နေပေမယ့် စီးရီးအေထိပ်သီးအသင်းကြီးက ယူရို ၄၅ သန်းနဲ့ အပြီးသတ်ဝယ်ယူခွင့်ပါဝင်တဲ့ အငှားစာချုပ်သာ ကမ်းလှမ်းဖို့ ပြင်ဆင်နေတာြဖစ်ပါတယ်။

ဒါပေမယ့်လည်း ရာသီအတွင်း သတ်မှတ်ထားတဲ့ စည်းကမ်းချက်တွေသာ ပြည့်မီခဲ့ရင် မဖြစ်မနေ ဝယ်ယူရမယ့် အချက်တခုဖြစ်လာမှာဖြစ်ပြီး ဟွိုင်လန်းရဲ့ အပြောင်းအရွှေ့ဟာ ကလပ်ကမ္ဘာ့ဖလားကစားရမယ့် အချိန်မတိုင်ခင် လုပ်ဆောင်စရာတွေ ရှိနေသေးပေမယ့် အင်တာကတော့ ဒိန်းမတ်တိုက်စစ်မှူး ပြောင်းရွှေ့လာလိမ့်မယ်လို့ ယုံကြည်ချက်ရှိနေတာဖြစ်ပါတယ်။

ဟွိုင်လန်းဟာ အတ္တလန္တာနဲ့အတူ တစ်ရာသီကုန်ဆုံးခဲ့ပြီးနောက် အီတလီကို ပြန်လည်ပြောင်းရွှေ့ခွင့်ရမယ်ဆိုရင် ပျော်ရွှင်မှာဖြစ်တယ်လို့ သတင်းတွေကဖော်ပြခဲ့ပြီး ဒိန်းမတ် တိုက်စစ်မှူး ထွက်ခွာမှုက သရဲနီတွေကို ပြီးခဲ့တဲ့ရာသီ ၇ ဂိုးသာ သွင်းနိုင်ခဲ့တဲ့ ဂျိုရွှာ ဇာဇီးနဲ့ အသက် ၁၇ နှစ်သား ချီဒို အိုဘီ မာတင်တို့သာ တိုက်စစ်မှာ ရွေးချယ်စရာရှိတော့မယ့်အခြေအနေ ဖြစ်လာစေမှာဖြစ်ပါတယ်။

မန်ချက်စတာယူနိုက်တက်ဟာ မားသီးယပ်စ် ကွန်ညာကို ခေါ်ယူထားပြီးဖြစ်ပြီး ဘရန့်တ်ဖို့က ဘရိုင်ယန် အမ်ဘူးမိုကို အဖွင့်ကမ်းလှမ်းမှုပြုလုပ်ထားပြီး ဒီကစားသမား ၂ ဦးပေါင်း ပြီးခဲ့တဲ့ရာသီ ပရီးမီးယားလိဂ်မှာ သွင်းဂိုး ၃၅ ဂိုးအထိ သွင်းယူနိုင်ခဲ့တာဖြစ်ပါတယ်။

ဒါပေမယ့်လည်း မန်ချက်စတာယူနိုက်တက်ရဲ့ ဒီနွေရာသီ ထိပ်တန်းဦးစားပေးထဲမှာ အထောင်တိုက်စစ်မှူးသစ်လည်း အပါအဝင်ဖြစ်ပြီး သရဲနီတွေဟာ ချဲလ်ဆီးကို ပြောင်းရွှေ့ဖို့ ရွေးချယ်သွားတဲ့ လီယမ် ဒီလက်ပ်ကို ခေါ်ယူချင်ခဲ့တာဖြစ်ပါတယ်။

ရူဘင် အမိုရင်ဟာ စပို့တင်းလစ္စဘွန်းအသင်းက ဗစ်တာ ဂယော်ကီရက်စ်နဲ့ ပြန်လည်ဆုံစည်းချင်နေပြီး နာပိုလီတိုက်စစ်မှူး ဗစ်တာ အိုဆီမန်နဲ့လည်း သတင်းတွေ အခိုင်အမာ ထွက်ပေါ်နေခဲ့တာဖြစ်ပါတယ်။

ဒါ့အပြင် မန်ချက်စတာယူနိုက်တက်ဟာ ကြားခံလူတွေကနေတဆင့် ပီအက်စ်ဂျီတိုက်စစ်မှူး ဂွန်ဆာလို ရာမို့စ်ကိုလည်း ခေါ်ယူဖို့ ကမ်းလှမ်းမှု ပြုလုပ်ထားတယ်လို့ သိရပြီး ဒီနွေရာသီမှာ ဟွိုင်လန်းသာ ထွက်ခွာခဲ့မယ်ဆိုရင် အထောင်တိုက်စစ်မှူးကောင်းကောင်းတဦး ရောက်လာဖို့ မဖြစ်မနေ လိုအပ်မှာဖြစ်ပါတယ်။

ယနေ့ပေါက်ကြေး ကြေးပြောင်းလေးတွေ
Tele Channel နဲ့
VB Channel လေးမှာ တင်ထားပါတယ်ဗျ
တစ်ချက် join ပေးကြပါနော်

Telegram: Contact @yesbosspmc