Channel by BANN

တိတ်ဆိတ်မှုတွေနဲ့ နေသားကျလာတဲ့အခါ …..

ဘဝမှာ ဖြစ်ချင်တာရယ်လို့လည်း တိတိကျကျ မသိခဲ့ဖူးဘူး။ ဖြတ်သန်းလာခဲ့ရတဲ့ ဘဝအခြေအနေကြောင့် ထင်ပါရဲ့၊ အလိုက်အထိုက် နေပါများလာတော့ အဲ့ဒီခေါက်ရိုးကျိုးနေတဲ့ ပုံစံခွက်ကြီးထဲကို ဝင်မြန်းမသိ နစ်မွန်းခဲ့ရတယ်။ တဖြည်းဖြည်းနဲ့ ပုံစံအစစ်မှန်ကို အစအနလေးတောင် ပြန်ရှာလို့ မတွေ့နိုင်အောင် အထိပါဘဲ။
အရမ်းတွေ ဘဝနာခဲ့ရလို့ ဖြစ်ချင်တာဆိုလို့ ကိုယ်ပိုင်အိမ်လေးတစ်လုံးနဲ့ အရမ်းမချမ်းသာရင်တောင် ဒီတိုင်း မပူမပင်ဘဲ နေနိုင်ရမယ်ပေါ့၊ အသေအလဲ စာတွေကြိုးစားပီး ဘဝအာမခံချက်ရှိတဲ့ သက်မွေးတက္ကသိုလ် တစ်ခု တက်နိုင်ခဲ့ပါတယ်။ အဲ့ဒီအချိန်အခါတွေကတော့ နှစ်ခါပြန်မရနိုင်တဲ့ uni lifeတွေပေါ့။ မနက်လင်းရင် အတန်းတက်မယ် ၊ တက္ကသိုလ် အရသာလေးကို ခံစားရင်း အေးအေးလူလူ ဖြတ်သန်းခဲ့တာပေါ့။ အပူအပင်မရှိသလောက်ဆိုတဲ့ အခြေအနေလေးဖြစ်ခဲ့ဖူးပါတယ်။ ဒါပေမဲ့ ……..
အခြေအနေအကြောင်းကြောင်းကြောင့် ကိစ္စတွေအများကြီး ဖြစ်၊ပျက်၊ကြုံ၊တွေ့ လောကဓံရဲ့ ထိုးနှက်ချက်တွေကို ခံလိုက်ရတာ အလူးအလဲပါဘဲ။

လောဘကြီးကြီးမားမား မရှိပေမဲ့ ကျန်နေမဲ့ ဘဝအချိန်တွေကိုတော့ အကျိုးရှိရှိ ကုန်ဆုံးချင်ပါတယ်။
ဘာမှဖြစ်မလာရင်လည်း နေပါစေတော့……
အနည်းဆုံးတော့ အနည်းဆုံးတော့ …..
စိတ်ကိုဒုံးဒုံးချပီး su***de မယ်ဆိုတာလည်း အကြီမ်ကြိမ်ပါဘဲ ။ ပြန်ကြည့်ရမဲ့ မျက်နှာတွေကြောင့် လက်လျော့လိုက်ရတာလည်း အခါခါပါဘဲ။

ညတွေက်ို ရင်ဆိုင်ကျော်ဖြတ်ရင်းနဲ့ အံတုနေလျက်၊
အနည်းဆုံးတော့ ငါ မသေသေးပါလား ပေါ့ . . .