Maw Kunn

ကျွမ်းပါတယ် ဆိုနေဗျာ🍷🍷🍷🥂🥂🥂🥃🥃🍸

တစ်ခါတုန်းကပါ။

ဝိုင်ထုတ်တဲ့နေရာမှာ ဝိုင်အရည်အသွေး ကောင်းမကောင်း မြည်းရတဲ့ ကျွမ်းကျင်သူ
ကွယ်လွန်သွားလို့ လူသစ်အစားထိုးခန့်ရန် လိုအပ်ကြောင်း ကြော်ငြာပါတယ်။
မကြာခင်မှာပဲ အ၀တ်အစား ဖြစ်ကတတ်ဆန်းနဲ့ရေချိန်မှန်နေပုံရတဲ့ လူတစ်ယောက်
အလုပ်လာလျှောက်ပါတယ်။

လူက ကြည့်ရတာ အချိန်ပြည့် မူးနေပုံ ရတယ်ဆိုပြိး
ကုမ္မဏီပိုင်ရှင် ဥက္ကဌက အစပိုင်းမောင်းထုတ်မလို့လုပ်ပြီးမှ
ကြော်ငြာအရ လာလျှောက်တာမို့ဒီအတိုင်း ပြန်ခိုင်းရင်မကောင်းတတ်တဲ့အတွက်
စဉ်းစားပြီး စကားပြောတယ်။

"ကောင်းပြိလေ..ခင်ဗျား အရည်အချင်းကို စမ်းသပ်လို့ကြိုက်ရင် ခန့်မယ်...
ခင်ဗျားကိုဝိုင် တစ်မျိုးစီ ပေးမယ် ။
ခင်ဗျား သောက်ပြီးရင် ဝိုင်အမျိုးအစားနဲ့နာမည်ကို ပြောနိုင်ရင်
စာမေးပွဲ အောင်ပြီ..ဟုတ်လား...ကဲ စကြရအောင် “

ဦးစွာ ဥက္ကဌက ဝိုင်တစ်ခွက် ကမ်းပေးလိုက်တယ်...
ဒီလူက အနည်းငယ် သောက်ကြည့်ပြီးတဲ့အခါ ပြောတယ်။

“ဒါ မြောက်ဘက်တောင်ကုန်းဒေသက
စပျစ်နဲ့ချက်တဲ့ Muscat ဝိုင်ပဲ..စတီးစည်နဲ့စိမ်ထားတဲ့အပြင်
၃ နှစ်သက်တမ်းလောက်ပဲ ရှိမယ်၊ရောင်းတမ်းတော့ ၀င်ပါတယ်..
ဒါပေမယ့် အဆင့်နိမ့်တယ်"

“မှန်ပါတယ်ဗျာ..ကဲ နောက်တစ်မျိုး စမ်းပြပါဦး “
ဥက္ကဌက မှန်ကန်ကြောင်း ပြောပြီး ဒုတိယမြောက် ဝိုင်ခွက်ကို ပေးလိုက်တယ်။

ဆရာက အနံ့လေးခံကြည့်၊ ပါးစပ်ထဲ တစ်ငုံစာလောက် မော့ပြီး မျက်လုံးလေး
အသာမှိတ်ကာ စဉ်းစား ဖြေတယ်။

“ဒါကတော့ Cabernet ဝိုင်ပဲဗျ၊...
အနောက်တောင်ပိုင်းက ထွက်တဲ့ စပျစ်သီးကို ချက်ပြီး
၀က်သစ်ချစည်ထဲမှာ အပူချိန် ၈ ဒီဂရီနဲ့လှောင်ထားတယ်၊
သက်တမ်း ၈ နှစ်လောက်ရှိလောက်ပြီ..
နောက်ထပ် ၃ နှစ်လောက် ဆက်ထားလို့ရင်အကောင်းဆုံးပေါ့ဗျာ “

“မှန်ပါတယ်ဗျာ..ခင်ဗျား မဆိုးဘူးဗျ၊ ကဲ..နောက်တစ်မျိုး ပြောပါဦး “
ဥက္ကဌက မှန်ကန်ကြောင်း ၀န်ခံပြီး တတိယမြောက် ခွက်ကို ကမ်းလိုက်တယ်။

“ဒါက Pinot Blanc ရှန်ပိန် အမျိုးအစားဗျ၊အရမ်း စျေးကြီးတယ်..
စျေးကြီးသလောက်လည်း အတော် ကောင်းတဲ့ အရက်ဗျ “

ကုမ္မဏီ ဥက္ကဌ အတော် စိတ်ညစ်သွားတယ်။
ဒီလူက ကျွမ်းကျင်တာတော့ မှန်ပါတယ်...
ဒါပေမယ့် ဥပဓိရုပ်က လူလေးစားဘွယ်ရာ မရှိလို့မခန့်ချင်တာပါ။

ဥက္ကဌ နောက်ဆုံးအကြံရလာတာနဲ့
သူ့ရဲ့အတွင်းရေးမှူးမလေးကို အချက်ပြ ခေါ်ယူလိုက်တယ်။

အသက် နှစ်ဆယ်ကျော်...ရူပါ အပျံစား..
ရှိုက်ဖိုကြီးငယ် ကောက်ကြောင်းတွေနဲ့
ရွှေရောင်ဆံပင်ရှိတဲ့ အတွင်းရေးမှူးမလေး အနားရောက်လာတဲ့အခါ..
ဥက္ကဌက နှစ်ကိုယ်ကြား
တိုးတိုးလေး ပြောလိုက်တယ်။

အတွင်းရေးမှူးမလေး ခေါင်းငြိမ့်ပြိး ထွက်သွား...
သန့်စင်ခန်း ၀င် ရှုရှုပေါက်ပြီး
၀ိုင်ခွက်ထဲထည့်ကာ ပြန်ရောက်လာတယ်။

“ကဲပါဗျာ၊ဒါ နောက်ဆုံးပါပဲ၊
သောက်ပြီး ပြောပါဦး “

ဥက္ကဌက အတွင်းရေးမှူးမလေး ယူလာတဲ့ ခွက်ကို ပေးလိုက်ပြီး ပြောတယ်။
စိတ်ထဲမှာ. . . .
ကြည့်ကြသေးတာပေါ့ကွာ၊ဒီလောက် ကျွမ်းတဲ့ ကိုယ့်ဆရာ ဘာပြန်ဖြေမလဲ ‘ ပေါ့။

ထုံးစံအတိုင်း ဟိုဆရာက ခွက်ကို အရင်ဆုံး အနံ့ခံတယ်..
ပြီး တစ်ငုံစာ မော့လိုက်တယ်၊
မျက်လုံးလေးမှတ်ပြီးစဉ်းစားတယ် ။

တအောင့်လောက် ကြာတဲ့အခါ...

“ဒါကတော့ Blonde (ရွှေရောင်ဆံပင်)အမျိုးအစားဗျ၊..
သက်တမ်းက ၂၄ နှစ်..ကိုယ်၀န်၃ လ နဲ့ဗျို ု့...
သူဌေးမင်း...ကျုပ်ကို အလုပ်ခန့်ရင်ခန့်ဗျ၊ မဟုတ်လို့ကတော့
ကလေးအဖေ နာမည်ကိုပါ ဖော်လိုက်မှာ “

😜😉😋😛