Infomaroc

سلام عليكم للناس لي يلاه غادي امشيو ولا باغين امشيو لهاد المدرسة بغيت نبين ليهم أش كيتسناهم وكيف داير داكشي عندهم ويكون البوسط مرجع للناس اللي بغاو يدخلو ليها.

====

أول حاجة المدرسة سميتها Leet وسميتها راجعة ل لغة الهاكرز Leetspeak إذن Leet = 1337.

المدرسة كتتواجد في خريبكة وبن جرير و تطوان كتكون حالا ديما 24h/24h والقراية فيها بالمجان.

باش دخل للمدرسة خاس تكون عندك فوق 18 سنة واخا مايكونش عندك شي ديبلوم...

والقراية فيها كتكون سواءا بالفرنسية أو الإنجليزية أو لغات آخرين اللي كيكونو في الPlatform اللي غادي تقرا فيها.

تقريبا %90 من الناس اللي كيقراو فيها حاليا عازلين الإنجليزية.

المدرسة هي جزء من شبكة 42 اللي مافيهاش أساتدة فيها فقط الطلاب كيقراو ويتعلمو راسهم ومع بعضياتهم من بروجيات كيخص يحلوها وكيصحوها بيناتهم...

====

▪ في الأول كتقيد في الموقع ديالهم اللي هو هذا :

1337 .ma

▪ من بعد كادوز لمرحلة الإختبار في الموقع ديالهم واللي تيكون عبارة على جوج ديال الإختبارات... إلى دوزتيهم من بعد كيوصلك إيميل كيقول ليك إلى نجحتي فيهم أو منجحتيش.

ساهلين الأكثرية كيتقبل فيهم...وبالنسبة للتسجيل في الموقع راه ديما كاين على طول لعام

▪ من بعد كادوز لمرحلة كيسميوها Check-in :

في هاد المرحلة خاسك تشد واحد الموعد ديالو اللي تيكون مكتوب في الموقع ديالهم منبعد كايوصلك ايمايل كايقولو ايك امتى دوز تشيكين لي هو عبارة عن اسئلة على المدرسة وتعرف عليها كثر وتا واحد معارف امتى غايتحط في الموقع

غير هو خاسك تكون من سباقين اللي يدخلو ليه حيث إلى عمر غادي تسنى ثاني على مايطلقو شي واحد ثاني...

والموعد حتى واحد مكايعرفو إمتى غادي يكون حتى كيتحط على غفلة في الموقع و الصفحة ديالهم على الفيسبوك.

ومن مور مكاتشد الموعد كتمشي للمدرسة باش تأكد الحضور والإهتمام ديالك.

تقدر تماك تزيد تسولهم على المدرسة أكثر ودور تشوفها كيف دايرا إلخ...وحاليا ولا غير اونلاين.

▪ من بعد كادوز لمرحلة كيسميوها Piscine :

هاد المرحلة فيها شهر كتبدا تعلم فيها... في الأول كتقرا على Linux والأوامر ديالو ومن موراها على C وداكشي ديال الأساسيات إلخ...

وفي هاد الشهر كل جمعة تايكون إمتحان.. يعني في 3 سيمانات الأولى الإمتحانات تايكونو فيهم 4 سوايع.

أما الإمتحان ديال الجمعة الأخيرة تيكون فيه 8 ديال سوايع.

وهنا الشخص اللي جاب في هاد الإمتحانات أكثر تيكون عندو حظوظ أكثر في أنه يتعزل حيث في هاد الPiscine هو اللي كيختارو فيه الناس اللي غادي يقراو من بعد في المدرسة.

غير هو غادي يكون من الأحسن تكون أصلا عندك واحد الخلفية على داكشي اللي غادي تقراه حيث كيكون صعيب أنك تنجح وقليل الناس اللي كينجحو فيها اللي جايين معارفين والو نهائيا "ولكن جرب حظك لعقولة مكيتشابهوش 🤷".
▪ من بعد مكادوز مرحلة Piscine وتنجح فيها كتسنى الدخول المدرسي...

فاش غادي دخل غادي يكون عندك واحد المستوى اللي كايبدا من 0 وكايسالي في 21 إلى بغيتي طلع هاد المستوى غادي يخصك تبقا تخدم دوك البروجيات اللي كاينين، مع العلم أنه إلى ماخدمتيش دوك البروجيات في واحد المدة محددة واللي كاتسمى Blackhole غادي يجريو عليك، وكل ما خدمتي بروجيات كثر كاطلع في المستوى ديالك وكاتزادك المدة ديال الBlackhole.

بالنسبة للمدرسة ماكتعطيش ديبلوم، كاتعطي فقط شهادة.

كاينين 2 ديال الشواهد :

شهادة Jenior Developer : تقدر تاخد هاد الشهادة منين توصل للمستوى 14.

شهادة Snior Developer : تقدر تاخد هاد الشهادة منين توصل للمستوى 21.

====

القراية في المدرسة تيكون Peer learning يعني كتقرا راسك مع صحابك.

كتكون واحد L'intranet عندك فيها الحساب ديالك كدخل ليه وكتبدا تقرا في دوك الiMac اللي حاطين تماك...

وتتكون لقرايا بحال شي لعبة كيعطيوك بروجيات كيبدا داكشي ساهل وغادي كيصعاب...

هاد البروجيات كيكونو مختالفين كل مرة علاياش كيكونو :

مرة على الويب - مرة على البرمجة - مرة على الشبكات - مرة على Desktop إلخ...

بحال مثلا في الويب يقدرو يقولو ليك تقاد ليهم شي موقع ديال شي خدمة بRESTful API وفي نفس الوقت تخدم على الحماية ديالو من الثغرات...

ومثلا في لغة C يطلبو منك تقاد شي لعبة إلخ...

وكل بروجي كيعطيوك عليه نقاط وفاش كتكمل شي بروجي كيتحل ليك بروجي جديد وأنت غادي...
ودوك النقاط والبروجيات اللي كتحل هما اللي كيخليوك تزيد تبقى في المدرسة كلما حليتيهم كلما بقيتي فيها...

هنا غادي ندخل للأسئلة اللي تقدرو تطرحو Q&A 👇

[+] بالنسبة للمبيت واش غادي نسكن عندهم أولا غادي يخسني نخرج نكري ؟؟

▪ المبيت مبقاش في المدرسة مورا كورونا في مرحلة المسبح كايخصك تكري

منبعد فاش كاتقبل راه المدرسة كتعاونك ب1000 ذرهم كل شهر غير هو خاسك تكون خدمتي 120 ساعة في الشهر ويكون المستوى ديالك قريب للناس لاخرين.

ولكن فاش كيكون شي سطاج كيولي الثمن 2000 ذرهم.

[+] والماكلة واش نجيب معايا ما ناكل وداكشي على حسابي أولا على حسابهم ؟؟

▪ الماكلة كاملة على حساب المدرسة سواءا في مرحلة ديال الPiscine أو في القراية.

[+] واش نقدر ناخد إستراحة وأنا كنقرا ؟؟

▪ أه تقدر تاخدها... المدرسة كتعطيك إستراحة ديال 6 أشهر اللي تقدر أنت تقصمها كيف بغيتي فقط على 3 المرات.

بحال مثلا تستارح شهرين في 3 المرات = 6mois.

وتقدر تقسمها على غير شهورا مثلا :

تستارح شهر في 3 المرات = 3mois.

غير هو ديك 3mois اللي بقات كتمشي ليك هههه حيث فقط عندك الإستراحة تقسمها على 3 المرات.

[+] واش كاينة الأنترنيت عندهم أولا لا ؟؟

▪ أه الأنترنيت كاينة واللي كتوصل ل 1GB/s.

[+] واش كتنصح الناس يدخلو ليها ؟؟

▪ إلى كنتي مهتم بداكشي.. أه.

أما إلى كنتي غير عاجبك الشكل ديال المدرسة أولا باغي غير فين تخبا فراه مكنصحكش بيها... حيث بالصح مغاديش تقدر تكمل فيها.

====

ممكن هادشي اللي قلت يتبدل مع الوقت... فاش تمشي للمدرسة ديك الساعة تقدر تزيد تسول على راسك أكثر..

بالتوفيق للجميع,
#133 1337_BENGUE
[12/20/2023, 21:33] iliass: ⭕ معلومات عن مدرسة 1337 💻
مدرسة 1337 للبرمجة و المعلوميات
الملاحظ هو انه بزاف اللي مكايعرفش هاد المدرسة على الرغم من القيمة الكبيرة اللي عندها و شروط التحصيل العلمي ديال بصح اللي كايتمتعو بها الناس اللي كايقراو فيها... المهم 1337 هي مدرسة دلانفورماتيك كاينة في المغرب ( خريبكة و بن كرير ) دايراها وكاتسيرها OCP بشراكة بيداغوجية مع مدرسة 42 و اللي كاتعتابر احسن مدرسة كاينة في العالم فهاد المجال.
1337 هي مدرسة مجانية 100% وكتوفر لطلبتها الدعم فالمسكن و الأكل. نظام الدراسة فيها جا بقطيعة مطلقة مع النظام التعليمي الكلاسيكي (نظام التعلم بالأقران ) بحيث مكاينش شي حاجة سميتها اساتذة, و الطلبة شي كايقري شي. فاش كاتبدا القراية كادوز ببعض المشاريع الاجبارية ف langage C و من بعد تقدر تختار اي مجال جاك لبالك في المعلوميات و حتي اللي مغايجيكش راه كاين تما يعني validation par projet وكاين 21 مستوى باش تقدر تسالي ل cursus ديالك تما. معدل المدة الدراسية هي 3 سنوات وتقدر تساليها فقل او كثر. مفتوحة 24/24 7/7 وكاتبقا فاتحة ابوابها حتى في الاعياد.
المدرسة مجهزة ب 300 iMAC شي حاجة صداع بلاماندخل فدوك التفاصيل. connection كاتفوق 1Gb/s . قاعتين ديال الراحة مجهزة بألعاب البيارد و البلايسطيشن... الطلبة كايقدرو يخلقو نوادي ( الروبوتيك. الويب...) و المدرسة كاتمول هاد النوادي و اللي طلبتيها كاتحضر.
شروط الولوج للمدرسة يكفي تكون بين 18 و 30 سنة و مكايطلبو منك لا دبلوم لا مستوى دراسي لا مكتسبات قبلية في المجال . كا دوز test en ligne ومن بعد كاتمشي تشوف المدرسة فمرحلة سميتها check-in و من بعد كادوز شهر ديال الطيسط في المدرسة اللي تايكون فيه بزاف ديال الخدمة و كايتعتابر هو المرحلة الاخيرة للولوج بشكل نهائي للمدرسة.
المدرسة كتنظم تقريبا كل أسبوع لقاءات بين شركات عالمية و محلية و الطلبة ديال المدرسة بهدف تمرير تجربة هاد الشركات فعالم الشغل من اجل تحفيز الطلبة و كدالك توقيع شراكات مع المدرسة واخرها كانت الاسبوع الماضي بحضور ممثل Microsoft Africa اللي وقع شراكة بين 1337 و Microsoft و في هذه الاثناء, oracle دايرة لقاء مع الطلبة 1337.
منقول
[12/20/2023, 21:33] iliass: السلام عليكم، لاحظت بلي كاينين ناس بزاف كايسولو على شنو كاتقرا ف 1337، شنو هوما التخصصات اللي كاينين و شنو كاتعلم. و حيتاش بالصح ماكاينينش بزاف ديال المعلومات فهاد الموضوع قررت ندير هاد البوسط اللي غادي نشارك فيه التخصصات، السكيلز و الادوات اللي تقدر تعلم من 1337 او اي مدرسة تابعة ل 42 Network واخا غادي يكونو على شكل عناوين، الى بانت ليك شي حاجة مثيرة للاهتمام راه غووغل قلب مع راسك.

ملاحظة: الى وليتي طالب فالمدرسة، ماكايعنيش انك غادي تعلم لغاع هاد المهارات. هاد المهارات كاتوفرهم ليك المدرسة على شكل مشاريع و نتا كاتختار شنو باغي تقرا. كاينين شي مهارات و ادوات و لغات اللي غاع الطلبة كايخصهم يتعلموهم فالعام الاول ديالهم. من بعد نتا كاتختار التخصص.

ملاحظة 2: المدرسة ماكاتعلمكش لغة ولا تخصص، كاتعلمك كيفاش تواجه مشكل و تقدر تحلو.

ملاحظة 3: البوسط يقدر يكون طويل شوية و لكن راه فيه كلشي، فراه ماعندك حتى عذر باش تسول شي سؤال على التخصصات اللي كاينين فالمدرسة الى شفتي البوسط و ماكملتيهش كامل.

المصادر: الموقع ديال 42 و intra و التجربة ديالي كطالب.

كاينين اربعة السكيلز كاتقدر تكتاسبهم ولا تطورهم و اللي هوما:
- Software Develpoement.
- Adaptation and innovation in digital technologies.
- Design and management of information system
- Management and communication of teams and projects.

بالنسبة لكل سكيل غادي نعطي الحوايج، الادوات و اللغات اللي غادي تقدر تعلم معاهم.

**SOFTWARE DEVELOPEMENT**

- Imperative programming:
• C

- Functional programming:
• OCaml
• Lisp

- Object-oriented programming:
• C++
• C #
• Java
• Swift
• Mobile developement

- Algorithms & AI:
• Machine learning
• Deep learning
• Neural networks
• Genetic algorithms
• Maths

- Graphics:
• Image computing
• Games
• OpenGL
• Vulkan
• Metal

**DESIGN AND MANAGEMENT OF INFORMATION SYSTEMS**

- System programmation:
• UNIX
• Posix
• Kernel
• Low level
• Embedded systems

- Network & system administration:
• Network architecture
• Network services
• Network services
• IP addressing
• Cloud
• DevOps
• Virtualization
• Continuous integration

- Security:
• Virus
• Rootkits
• Trojans
• Exploits
• Firewalls
• Countermeasures
• Backups
• Man-In-The-Middle
• Sniffing & spoofing

- DB & Data:
• SQL
• PostgreSQL
• MySQL
• Oracle
• Data structure
• NoSQL
• Data lake
• Data visualization
• Data mining

- Parallel computing:
• Threads
• Mutexes
• Semaphores
• Concurrent programming
• GPU programming
• Cuda
• OpenCL

**ADAPTATION AND INNOVATION IN DIGITAL TECHNOLOGIES**

- Adaptation & creativity:
• Innovation
• Thinking out of the box

- Web:
• Dev back
• Dev full stack
• Frameworks
• Rails
• Django
• Node
• React
• Symfony

- Technology integration:
• Complex environments
• Heterogeneous environments
• Projects from companies

**MANAGEMENT AND COMMUNICATION OF TEAMS AND PROJECTS**

- Rigor:
• Coding style
• Regression tests

- Organization:
• Personal organization
• Project management

- Company Experience:
• Internships
• Work and study (optional)

- Management and communication of teams and projects:
• Group management
• Communication
#منقول