Azed.Rh
Share
30/04/2025
سلام عليكوم خويا انا خاطب بنت مريضة بمرض مزمن (السكري) كاتاخد الدوا و الانسولين و ماكاتاكلش شحال من حاجة متبعة ريجيم صارم
انا عندي 44 سنة و هي 23 سنة خطبتها من والديها هادي 14 شهر قادينا الدار و فرشنا و انا اللي قمت بكولشي هي خدامة خدمة بسيطة ب 3000 درهم ملاهية بيها الوقت و صافي
المشكل اللي عندي هو المرض ديالها كنشوف واش غادي نستحملها بيه ولا لا
مع الوقت وليت ملي كانشوفها كتقول ليا راها مشات للفارماصي خدات الدوا ولا ضربات الشوكة (الابرة) كنحس بواحد الاحساس خايب
ايلا مشينا للريسطورا و طلبت شي حاجة و قالت ليا انها ماكاتاكلهاش كنحس باحساس خايب
مؤخرا فرحت براسي و درت عيد ميلاد ديالي و طلبت طورطة و وجدت كولشي مع مالين الدار
ملي طفيت الشمع و قطعت الطورطة عطيتها حقها ضحكات و قالت ليا راك عارف ماكناكلش الحلاوة حقي كوليه نتا ولا عطيه لختك
ملي قالت ليا هاكة طلع ليا الدم قتليها غي من الصواب ملي قطعت الطورطة و عطيتك حقك خودي الطبسيل من يدي ماتحشمينيش قدام الناس
المهم خايف نكمل زواجي بيها كنقول علاش نكمل حياتي مع بنت عندها مرض مزمن انا عارف انها ماشي بيديها مرض ديال الله ولكن شنو ذنبي انا ؟
فاللول قالت ليا راه فيها مرض السكري ولكن من بعد الخطوبة عاد عرفت راه فيها مرض سكري المتقدم يعني خاصها الشوكة و ماكاتصومش رمضان و متبعة ريجيم صارم .. و اللي زاد صدمني هو فيها السكر الوراثي
خايف نتزوجها و نبقا ناكل بوحدي ، ولا ديما كانجري فالسبيطار ولا نشري الدوا ولا مانعيش حياتي الزوجية كما يجب ولا ولادي يكون فيهوم مرض السكري
انا غي كانتفكر الصباح فالفطور ملي نتزوجها يكونو محطوطين 2 برارد د اتاي فوق الطبلة واحد حلو او واحد مسوس غي هاد الفكرة كاتجيب ليا الخنقة و الحزن
انا بغيت نتزوج باش نرتاح و نستقر و نعيش الهناء ... ماشي باش نترون فحياتي و نهز عبء ديال بنت دارهوم يتهناو منها و توحل فيا انا
بغيت نفاتحها فالموضوع و مالقيتش شي طريقة باش نقولها ليها ... هي كتقول ليا راني بنيت احلامي و امالي عليك و كاتبغيني بزاف
و اللي كيزيد يمرضني ملي كاتبقا تسيفط ليا تصاور ديال طلامط الصالون كيفاش نختاروهوم ولا الخوامي و لا اواني المطبخ اللي خاص نشريو ... هادشي كيزيد يمرضني و يخليني ماقادرش ناخد قرار وليت مكتئب غي بوحدي
اليوما حتا سجلت اوديو طويل فالواتساب فيه 8 الدقايق باش نشرح ليها شنو كاين و نقوليها راه غادي نفسخو خطوبتنا و ماقدرتش نسيفطو مسحتو
واحد الصديق سولتو و عرضت عليه مشكلتي قاليا ماتقولهاش ليها نيشان ، عيط لباباها قولها ليه و طفي انمرة بدلها ... شي نصائح الله يرحم الوالدين
25/02/2023
صراحة هادشي صعيب وخصوصا لناس لي قراب ليه او بالاخص والديه واش استاهل ولا لا سؤال مطروح واش بصح غاع الحالات خصوصا حالة الاعتداءات او الاغتصاب لي تتجبد عليه ما مرة ما جوج كاينين بصح ولا كولشي كدوب باغيينو اهرسوه او الله اعلم ولكن لي اكييييد او هاد الكلمة "غلطة الحياة " في رأيي هي الخلاصة ديال لبلان كله سواء كان فعلا دارهاا راه غلطة العمر و كيدفع ثمن او غالي و حتى الا ما دارش راها غلطة العمر نهار لي فكر او داها معاه 😐 اي حدث وقع عندو عواقب ديالو … عليها بنادم خاصو ايعرف شنو تدير او معامن حيت غير 5 ثواني كافية تقلب ليك حياتك رأسا على عقب … شنو نضركم فهادشي استاهل الا كان فعلا دار هادشي ؟واش كولشي كدوب غير حيت سيرد ناجح فحياتو باغيين اهرسوه …لموهيم الله يصبر والديه و مراته ..
بغيت نعرف رأيك فهاذ الموضوع ...
—————————————————————
مرحبا بيكوم فالقناة يوتوب link فالوصف مني غتوصل القناة 1000 مشترك غنختار 1 من ديك 1000 او نعطيع 2000 درهم تشكرًا على الدعمكم للقناة... القناة غتكون تتقرب الواقع المجتمع المغربي مشاكيل قصص حية حلول تجارب تقافة او زيد او زيد لموهيم للاستفادة ... وعد الرجل دين عليه نهار السحب غيكون لايف انشاء الله ، الله أسهل عَلى الجميع ❤️.
—————————————————————
. #المغرب #طنجة #مراكش #الرباط #شفشاون #مكناس #مكناس #مغربية #وجدة #مغربي #تطوان #وجدة #الداخلة #اكادير #بركان #القنيطرة #مغربيات 🇲🇦 #فاس #مغربيه
03/02/2023
انا راجل عندي 30 سنه درت واحد الغلاط لي كبير اوبزاف مع الاخت والله مابقيت قاد نشوف فيها ولا نهضر معاها لموهوم هوا دبا عام ونص كانت طلقات ختي فعمرها 22 او بنتها عندها شي عامين وانا ما تقبلتهاش وخا عييت مهاها مطلقيش مطلقيش راه مساهلش او معندك والو لموهيم دارت لي فراسها حسيت بحالا جابت لينا شوها وخا هيا مادارت والو صافي متفاهماتش مع راجلها او مشاكيل بزاف لمهم غير طلقلت ما بقيتش كنخليها حيت سكنات معايا ولات غير تخرج وعلى ابسط حاجة كنسبها وكانضربها مابقيتش حاملها خفت لدير شي حاجا برا او انا اصلا مارضيش حيت مطلقا …ما كانت تقدر تهضر حيت غير تقول شي حاجة كنضربها واحد نهار جيت من لخذمه لقيتها فلحانوت حدا دار غير دخلات بقيت كنضربها قلتيها تتخرجي بلا خباري لي فراسك كدريه صافي جريت عليها هيا وبنتها وخا طلباتني وقالت ليا كنت غير فالحانوت والله ماديتك بلعكس داك جنوون خرتهم فيها ما حنيتش فيها وخا كنت عارف ماعندها فين تمشي بحكم والدينا ميتين صافي خرجات متصوقتش ليها برد فيها كولشي دازت مودا او مع الوقت تنادم معايا الحال او بزاف دازت شي شهرين جاتني خبار بلي ختي فواحد المدينة قريبة ليا ولات متشردة قزنقة مشيت تنقلب عليها لقيتها فواحد الحالة ممكنش غير شافتني هازة لبنت او هربت …. لموهيم بزز باش جات كرهت راسي فديك لحضة والله الا بكيت دم واخي من لي دم واحد دايز فينا شردتها لي كان خاص اكون العكس شو كانت تندير او تنصرف معرفتش حاشا واش بنادم ادير هادشي مع اختو .. دبا ولات مريضة وبزز باش كتقدر تهضر وكاتقوليا نتا تعديتي عليا عمري نسمح ليك عافاكم بلا سبان كيفاش نتعامل معاها واش خاص طبيب ولا شنو حيت ضميري ماهانيش وسمحوليا نتمنا تفهموني وسمحولي طولت عليكوم …
بغيت نعرف رأيك فهاذ الموضوع ...
—————————————————————
مرحبا بيكوم فالقناة يوتوب link فالوصف مني غتوصل القناة 1000 مشترك غنختار 1 من ديك 1000 او نعطيع 2000 درهم تشكرًا على الدعمكم للقناة... القناة غتكون تتقرب الواقع المجتمع المغربي مشاكيل قصص حية حلول تجارب تقافة او زيد او زيد لموهيم للاستفادة ... وعد الرجل دين عليه نهار السحب غيكون لايف انشاء الله ، الله أسهل عَلى الجميع ❤️.
—————————————————————
. #المغرب #طنجة #مراكش #الرباط #شفشاون #مكناس #مكناس #مغربية #وجدة #مغربي #تطوان #وجدة #الداخلة #اكادير #بركان #القنيطرة #مغربيات 🇲🇦 #فاس #مغربيه
Click here to claim your Sponsored Listing.
Category
Contact the school
Address
Tangier
