IMH.Boutique

شركة زراعية إسرائيلية معروفة سميتها Mehadrin كتعتابر أول منتج و مصدر للحمضيات و الخضر فالشرق الأوسط ✅

شركة فراسمالها 5000 هكتار ديال المزارع الفلاحية وكتحقق رقم معاملات كيوصل حتال 300 مليون دولار سنويا وكتصدر 70% ديال المنتوجات ديالها لشتى بقاع العالم.

هاد الشركة لأول مرة فكرات تبدا ف زراعة لافوكا و من بعد دراسة معمقة ختاروا المغرب باش يجيو يستثمروا فيه ودخلوا على هاد المشروع قبل سنتين ب قيمة ديال 80 مليون درهم بهدف إنتاج 10.000 طن ديال لافوكا كل عام 😁

علما أن كيلو واحد ديال لافوكا 🥑 كيستهلك 1000 لتر ديال الماء 💧يعني فاش انت كتمشي للسوق تشري كيلو ديال لافوكا خاصك تخيل راسك جار معك 4 ديال البرامل ديال الما دوك الزرقين و البادز صغار حيت السعة ديال كل برميل هي 220 لتر ✅

هادشي على الورق كيعني أن الشركة المذكورة أعلاه كتصدر لافوكا ولكن فالحقيقة هي كتصدر الماء لي حنا فأمس الحاجة ليه وبهاد التبدير المغرب غادي للهاوية !

بلغة الأرقام .. الشعب ف السنوات الماضية كان فالنصيب ديال كل مغربي من الماء هو 2560 متر مكعب سوا ستعملها ولا لا و حاليا ف 2023 المتوسط هو 650 متر مكعب لكل مواطن .. و من هنا ل 2030 غادي يولي 500 م.م🤷‍♂️

صحيح ومن زاوية أحادية .. الأفوكادو كتجيب العملة الصعبة لخزينة الدولة ولكن فنفس الوقت كيلو واحدا من الذهب الأخصر كيستنزف 2000 لتر ديال الماء فاش مكطيحش الشتا بزاف 😐

الرسالة : ما خصش الدولة تفكر تعمر غا الميزانية وجيبها ولكن تفكر فالفرشة المائية لي بقات حيت غادي جي واحد نهار غاتنشف وديك الساعة فكها يا من وحلتيها @!

كازافوبي ✍

أول قايدة في المغرب دارت خدمة نقية مشات تراجع الاثمنة مع باعة الخضر في مدينة تاوريرت و تحجز سلع كل من ثبة في حقه تلاعب بالاثمنة...