rasheedtours

Www.rasheedtaxi.com

اجواء اليوم من طنجة عروسة الشمال 🇲🇦❤️😍Tanger

ملي توقع لك حادثة سير (الله يحفظ الجميع)، و من بعد ما تتخد إجراءات السلامة..
ما توقعش فالخطأ ديال تصور الحادثة و تزيد بطوموبيلتك
جنب الطريق فالبلاصة، وتتعامل بحسن نية (السذاجة) لا

تعامل بالقانون .... صور الحادثة من جميع الجهات ثم اتصل بالتأمين ديالك و بعد ما يجي المعاين و يقوم بجميع الاجراءات ديالو.... ديك الساعة عاد امكن ليك تحول طوموبيلتك لجنب الطريق.....
ايلا كنت فلوطوروت مثلا، و الطوموبيل كانت فجنب الطريق، متبقاش فيها..سير وقف ورا الحاجز..اللهم الدقة فالسيارة و
لافيك..و ما نتمناو الضرر لأي مسلم..
المهم ملي يجيو عندك البوليس، ويقولو ليك صور و طراسي و حيد الطوموبيل، أول إجراء تقوم بيه، هو تمد ليهم وراق الطوموبيل، باش يبقاو معاك حتى يوصل المعاين، ايلا قالو لك لا ماناخدوش وراق الطوموبيل، ما تحركش الطوموبيل، وايلا تعاملتي بالعاطفة، و كان الطرف الآخر النية ديالو مامصفياش، غادي يدير لك العصا فالرويضة، واخا مطراسي واخا مصور..اه حقا التصاور تخادو بعد الحادثة ..... و قيامك بتحريك سيارتك و تغيير معالم الحادثة غايكونو السبب
...المباشر أنك تحول من الضحية للفوتيف
ها واحد زوج أمثلة خديتهم من التعاليق كيعاودو آش واقع ليهم
الشهادة الاولى
من بعد ما وقعات ليا حادثة ... جاو عندي جوج من الشرطة، واحد فيهم قال لي خود التصاور وحرك الطوموبيل، قلت ليه هاك الوراق ديال السيارة، مبغاش يشدهم من عندي، قلت ليه مع حفظ الألقاب و احترامي للرتبة، لكن ما غاديش نحرك الطوموبيل ايلا ما شديتيش الوراق، ولا يجي المعاين..قال لي اندير لك عدم الامتثال، قلت ليه دابا نيت..شوية هو يقول ليا انتصل بالديباناج يجي يديها، قلت ليه اتصل بيه مرحبا، شوية هو يجي الضابط الي معاه..قال لي اش كاين..شرحت ليه نقطة الخلاف، خدا من عندي الوراق..و تمت الإجراءات كما يجب...
هادشي لاش كنقولو، للأشخاص الي كيقولو انك ممكن تتابع بعدم الامتثال..هادي راها حادثة سير، و الفيصل فيها هو القانون..
و فهاد الحادثة كانت دخلات فيا سيارة بلاكة 90، مولاتها يالاه واخدة البيرمي..دوات معايا بأدب و حتى ولادها، و من طريقة سياقتها باينة مخلوعة..وريتها الفيديو..قلت ليها ها الخطأ الي درتيه، و انك فوتيف 100 فالمية، سولتها على التأمين الي عندها..عادي..قلتها أنا مخلص توريسك، انقيد انا
فوتيف و الله يسهل عليك..و حتى الأضرار ما كانتش كبيرة.
الشهادة التانية
السيد صاحبي ...ضرب واحد شارف قاطع فالضو خضر... طاح ما ت... جا البوليسي قال ليه حرك الطوموبيل ... حركها ولات كتبان بحال إلا جاية من الجهة الأخرى... عاد زيد ذوك اللي غير كيشهدو ݣاعما حاضرين... المهم جا البوليسي الثاني قيد ليه حارݣ الضو وقاتل روح... دوز فيها شي 20 يوم حبس عاد جابو كاميرات القهوة اللي بينو الحقيقة... وخرج...
معمرو ساق السيارة من بعدها..
خلاصة القول ماعمرك تحرك سيارتك من بلاصتها الا اذا تمت الإجراءات القانونية بكاملها
هادشي غير من باب التوعية اللإخوان و كانتماو السلامة للجميع ياربي