Hamid Prof De Math

نصيحة الدورة الثانية ❤❤❤

دابا الدورة اللولة دازت 👣و العطلة سلات و اللي فات مات .
كنتي جبتي زوين ولا خايب ❗كنتي ستاغليتي العطلة ولا ضيعتيها❗ نسى عليا كلشي اللي فات و ركز معايا شوية .

⁦🛣️⁩الدورةالثانية هي الجولة الثانية في مباراة لم تنتهي بعد وهي آخر أمل ليك في نهايتها غادي تلاقا مع سطاج الوحش👹 ،ياتقتلو يا يقتلك ، إوا شنو ناوي ؟ إلا كنتي ناوي تضيعها حتى هي و تدوزها في دابا ندير دابا نخدم ... غير سير تكمش من دابا بلاما تعذب راسك ، وإلا كنتي ناوي تستغل كل دقيقة فيها ،هاد المقال غادي يوجهك كمل القرايا و إلا عجبك خلي اعجاب

🤔شنو هوما الحوايج اللي مانديرهمش في الدورة الثانية ؟

⁦🕳️⁩أول حاجة نقص شوي من داك التلفون ⁦🤳 ماقلتش ليك ماتهزوش بمرة و لكن راك بعقلك دابا هزو في الوقت المناسب و إلا حتجيتيه في القرايا دخل نيشان لشنو محتاج ماتبقاش تخوا في المواقيع .

⁦🕳️⁩ هاد الدورة تدوز طايرة ماتاتعرفها إمتا سالات ، إذن ماتضيعش الوقت ديالك و عرف كل دقيقة عندها قيمة و نقص شوي من العصير حدا الليسي 😤.

⁦🕳️⁩ختار كليكة باغا تقرا ، ماشي تبقاو نهار كامل و نتوما مقابلين الدوران التنمر 💔.

⁦🕳️⁩عقلتي آش وقع ليك في الدورة اللولة ؟ بديتي مرخي و بشوية عليك حتى تصدمتي بالفروض وصلو و نتا مازال مادرتي والو ⁦⏱️⁩، إوا هاد الدورة زير راسك من النهار اللول .

⁦🕳️⁩ نعس شوية 😴،راه داك الراس عندك قهرتيه ماتاتشبعوش حتى نعاس و تتبغيه يركز و يفهم ،كي درتي ليها🤔؟

⁦⁩⁦🕳️⁩رد البال لكرشك اش تدخل ليها ⁦🍽️⁩ ماتصبحش على مولات المسمن وتقول ماعرفتش مالي راسي ماشي معايا ، و زيد عليه ماكلة الزنقة🍔 تقدر تخليك تشد الفراش و تضيع وقت الخدمة، صحتك ثم صحتك هي اللولة .

⁦🕳️⁩نقص شوي من البلانات هاد الدورة و شد الأرض ،

⁦🕳️⁩ الأفكار السلبية لوحهم وراك و خليهم في الماضي و نطالق بداية جديدة هاد الدورة ، و تيق فراسك غادي توصل لهدفك🎯.

⁦🕳️⁩ الذيب🦊 تتدار بيه غير مرة ، وإلا عاودتي درتي نفس الأغلاط هاد الدورة أتولي قرد🐒.

⁦⁦🕳️⁩⁩ نظم وراقك و كتوباتك ووقتك وباراكا من ديك الروينة 💫.

⁦🕳️⁩نقص شوي التعاويد ⁦🗣️⁩و الهضرة الخاوية 👥و دوك الأساطير و القصص اللي تتفشلك و تتجيبك للأرض، قلب على ناس إيجابيين يشحنوك بالطاقة ماشي يستنزفوك .

⁦🕳️⁩ماتحطش حتى عذر هاد الدورة ،ماتقولش داك الأستاذ خرج عليا و لا حاط عليا و لا ماعنديش باش ندير الدعم ولا ولا ..... تقاتل باش ما عطاك الله باش توصل 🥇.

⁦🕳️⁩خرج دابا شري مذكرة 📒واخا غير ديال 3 دراهم و هزها معاك ديما ،كتب فيها أهدافك و شنو ناوي تدير وفين ما تدير شي حاجة ضرب عليها📝 ، كتب ملاحظات لراسك فيها 📌.

⁦🕳️⁩ كون بحال المغناطيس🧲 أي فرصة بانت ليك جرها لعندك ، ماتبقاش حشمان و تتفرج .

فيق الله يحن عليك كلشي كيتسناك باش تفرحوا❤❤❤

Prof HAMID 🧑‍🏫🧑‍🏫🧑‍🏫🧑‍🏫🧑‍🏫

🌻🌹🌻🌹🌻🌹prof HAMID 🦁 🦁 🦁 🦁 🥇

✅حلم الباكالوريا و المدارس العليا يبدأ من الان
الى بغيتي دوز عام مرتاح و يكون كلشي كيفما بغيتي انت
حاول تعالج المشاكيل لي كتعاني منها في اي مادة و متبقاش تأجل....
و حيد عليا ديك انا معنديش مع الماط....كلشي كيتعلم ثق في راسك و ضع برنامج و اهداف و ربي معاك❤️❤️
و نقص عليا ديك الافكار الانهزامية ...نعم معندكش مع شي مادة غادي تخدم و غادي تثق في راسك و ربي غادي يعاونك...ميكنش تكون عندك نية زوينة😊 ديال انك باغي تنجح و تفرح و تفرح واليديك🌹...و ربي ميعاونكش...

و متنساش الهدف الكبير هو حياتك تكون زوينة..و مستقبلك يكون مستقر...الباك مجرد مقابلة ميمكنش تحكم على الراسك في الخسارة فيها و انت باقي ملعبتيهاش❤️❤️❤️

عيدكم مبارك سعيد♥️

2024

_médecine_
_ENSAM_ENSA_ENCG_IAV_
_ENSC_ENAM_

🚩Le Centre lance l'inscription à la préparations aux concours nationaux 2024 à partir du 13/06

🔴Début des formations : Le 20/06

📍CSR karia: 0626330243
📍CSR mazagan:
0682923002
📍CSR addoha:0645117893

⛔️Inscription avant est obligatoire⛔️