Off The Pitch - 962off

Not where I want to be, but far from where I began 🧱

من اعتادوا الصيد في الماء العكر، وجدوا في نهاية الموسم فرصة لإطلاق الأحكام والتشكيك، متناسين ما تحقق من عمل ومكتسبات تستحق أن تُطور لا أن تُنسف

فعوض ما توقفو وقفة رجل واحد وتحاولو تبنيو على المكتسبات اللي تحققات، وعلى الخدمة اللي داروها المسؤولين وخلات النادي المكناسي يرجع رقم صعيب في البطولة قبل الانهيار البدني في النصف الثاني من الموسم، واللي المكتب المسير مايمكنش يتحمل مسؤوليتو بوحدو فيها، بغيتو تهدمو كلشي وتعاودو من اللول، على أساس أن كاين بديل أحسن

الفريق قبل ثلاث سنوات كان كيلعب في أقسام الهواة، بدون مستقبل واضح ووسط شك كبير، اليوم، على الأقل، النادي غادي بثبات وكيتطور شوية بشوية على جميع المستويات

بالنسبة ليا، وهذا مجرد رأي شخصي ما كنلزم به حتى واحد، النادي المكناسي عندو مجموعة محترمة من اللاعبين اللي يقدر يبني عليها للموسم المقبل، ماشي كاملين، ولكن عدد مهم بالمقارنة مع شنو كنشوفو عند أندية أخرى.

مستقبل الفريق في أمان.. كل الدعم للرئيس عز الدين اليعقوبي

الخلافات والانتقادات نخليوها لوقت آخر، أهم ماتش هذا الموسم باش تبعد على الصداع.. والفريق محتاج جمهورو كما تعود عليه فوقت الشدة

Plus que jamais, tous unis ❤️🤍

كاب فيردي منتخب شجاع وعندهم صبر كبير باش يبقاو يبقاو تسعين دقيقة كايستقبلو فاللعب بدون هفوة

وكانوا عندهم لحظات فاللخر يقدرو يخطفو بيهم كثر من نقطة ولكن داني بورجيس لاعب الجيش الملكي السابق مكانش موفق

فوزينها كان رجل المباراة بالتصديات ديالو وحتى بالطريقة باش كايخرج بكورة 🇨🇻💙

تونس تاريخها الكروي والنجاح اللي حققات كان معتمد بشكل محوري على ولاد البلاد باش تقدر تلعب Anti-football مع لاعب مهاري ولا جوج فخط الهجوم وكانوا غاديين مزيان بهاد الأسلوب..

حتى لنهار قرروا مسؤولين الكرة أنهم ينسخوا تجربة المغرب والجزائر والإعتماد على مزدوجي الجنسية في أوروبا وضمهم للمنتخب وتجاهل الدوري المحلي على الرغم أنهم معندهمش لا الوفرة في المواهب ولا الجودة بحال المغرب والجزائر وهادشي لي عطانا اليوم هاد المنتخب "الممسوخ" 🇹🇳

ساحل العاج منتخب منظم ومتوازن على مستوى جميع الخطوط.. عندو بعض المشاكل الدفاعية ولكن الجودة الفردية للأجنحة والحيوية اللي عندهم فالدكة غادي تخليهم منتخب خطير في البطولة 🇨🇮💎

جودة المنتخبات الإفريقية طلعات بشكل صاروخي في أخر السنوات تخيلو أنه أدينغرا جناح برايتون/ موناكو و غيساند مهاجم كريستال بالاص ونديكا مدافع روما بقاو جالسين في الإحتياط وماخداو حتى دقيقة اليوم !

زمن الوقت الفعلي في مباراة المغرب البرازيل هو 59.13 دقيقة
الأعلى في كأس العالم حتى الآن حسب أوبتا.
و يعتبر معدل عالي حتى مقارنة بالدوريات الاوربية الكبرى اللي المعدل فيها من 52 ل 55 دقيقة حسب الدوري والرتم.

البداية القوية للكوديم في مرحلة الذهاب خلات بزاف ديال الجماهير تحلم بالمنافسة على مراكز متقدمة في جدول الترتيب، رغم أن الجميع كان عارف الوضعية المادية الصعيبة اللي كايعيشها النادي.

اليوم، وبعد تراجع النتائج فمرحلة الإياب وهزيمة جديدة أمام الزمامرة، كيبقى السؤال مطروح: شنو تبدل !

حيت فالأخير، نفس اللاعبين اللي دارو نتائج كبيرة فالذهاب هوما نفسهم اللي كايلعبو دابا.. فشنو السبب الحقيقي وراء هاد التراجع ؟

باش تربح البطولة فالمغرب ماشي ضروري تكون أحسن فريق تكتيكيا ولا بدنيا وصافي.. خاصك تكون أكثر فريق يستفيد من "أخطاء" الحكام اذا جاز تسميتهم أخطاء.

من بعد بينالتي نهضة بركان البارح عرفنا أنه الحكم بوحدو قادر يرجعك للمنافسة كيما يقدر يبعدك عليها وقس على ذلك جميع مراكز جدول الترتيب !

رسميا.. عز الدين اليعقوبي، رئيس النادي المكناسي، يلتحق بالمكتب المديري للعصبة الوطنية لكرة القدم الاحترافية، خلال الجمع العام الذي شهد إعادة انتخاب عبد السلام بلقشور رئيسا للعصبة لولاية جديدة. 🔴⚪️