MarocX

الصناعيين الاتراك طاحنينكم 5 لزيرو...

بهذه العبارات توجه السيد رياض مزور لثلة من الصناعيين ... قاليهم انتوما هوما الأفضل منا... اش وقع ليكم ... سولو راسكم انتوما اولاد العولمة عندكم احسن تعليم ... والأتراك طاحنينكم ب 5 لزيرو ...
سالات العطلة ...

السي مزور ... واش من نيتك كتقارن الاستثمار في المغرب مع تركيا ؟

بغيتي تعرف علاش رابحينا ب 5-0...

١. حنا منين كنبغيو نشريو من الخارج واقف لينا مكتب الصرف.... اذا التركي بغا يحل شركة هنا كيدير باليزة ويجي ... انا خاصني موافقة مكتب الصرف ... ... ها واحد في الدقيقة الاولى

٢. التمويل البنكي و "الضمانات": التركي منين كيمشي عند البنك، كيهضر معاه بلغة "المشروع" و "المردودية". عندنا في المغرب، البنكة كتحس بيك بحال إلا باغي تنصب . الصناعي التركي كياخد القرض بضمانة المشروع انا خاصني نعطيهم التيتر ديال الدار اللي ساكنين فيها اولادي ...
تمويل الاقتصاد في تركيا 450 مليار دولار مقابل 100 هنا ...
ها 2 في الدقيقة عشرة.

٣. التركي عندو نسيج صناعي متكامل. باغي يخدم الثوب؟ كيصبغو ف اوزين بينه وبينو كيلو متر واحد. مول الخيط بعيد عليه ب 3 كيبومتر ... ما خاصوش يجيب السلعة من الشينوا ويخلص عليها الديوانة ويحط ضمانة اذا بغا يدخلها يخدم ويخلصها...
باغي يخدم الحديد؟ كلشي حداه.
حنا في المغرب صناعيين ديال التركيب. كنستوردو المادة الأولية بالدوفيز، وكنخلصو الضريبة في الديوانة، وكنخلصو الفاكتورة ديال الضوء اللي هي من الأغلى في المنطقة... عاد كنبغيوا ننافسوا "Made in Turkey".
ها 3 والشوط الأول مازال ما سالا.

٤. الحماية الجمركية والجرأة السياسية: تركيا منين كتحس بمنتوج أجنبي غادي يضر المنتوج المحلي، كدير بلا ما ترمش ليها العين. كيدعموا الصادرات ديالهم بطريقة هجومية. حنا كنمضيو اتفاقيات التبادل الحر وحنا الطرف الضعيف، السوق ديالنا محلول للكل، ومنين الصناعي المغربي كيبغي يحمي راسو، كنقولو ليه قواعد المنظمة العالمية للتجارة.
ها 4 مع بداية الشوط الأول...

٥. التكوين المهني في تركيا هو ديال المغرب؟

لدري كيتزاد وسط الماكينة، والتكوين ديالهم تطبيقي ١٠٠٪. عندنا، الدري كياخد ديبلوم وهو ما عمر شاف "Boulon" ماكينة. كاين فرق بين تعليم أكاديمي وبين ثقافة صناعية متوارثة.
ها 5 والماش باقي ما سالا...

الصناعي التركي مكيتقاتلش مع اقتصاد الريع و رئيس الوزراء ديالو مكيبيعش المازوط والغاز ويتفاهم مع المنافسين باش يزيدو عليه ثمن الطاقة ...

الصناعي التركي الدولة ديالو مكتعطيش الاعانات للشركات الاجنبية...

تركيا دايرة تخفيض ضريبي على صناعات الاغذية والصناعات النسيجية... tva 10%

الصناعي التركي كتعطيه الدولة تمويل وكتاخذ معه المخاطر في اطار برنامج فيه 30 مليار دولار لقطاع التكنولوجيا ..

عندو 100 منطقة صناعية حرة في البلاد ...

كتحل شركة ف 24 ساعة من بلاصتك بنظام مرقمن ديال بصح ... ماشي خود موعد ف انترنت واجي وقف ساعتين...

مني كيجيه تعديل ضريبي كيمشي لقضاء وكيربح...

ما خاصوش يومين ياش يكاليزي ورقة في المقاطعة ... مكيجيش المقدم يريب له حيث معندوش رخصة ... مكيرجعوش له السجل التجاري حيث فات ثلاثة شهور ...

غلطتي السيد الوزير مخاسرينش ب 5-0 خاسرين بأكثر بزاف ... وماشي حنا اللي خاسرين انت اللي خاسر في الحقيقة ....

السي الوزير، الصناعي المغربي بطل حيت مازال واقف بجهدو فهاد الظروف.

إلا بغيتينا نربحو، عطونا التيران مقاد، وما تبقاوش تلوم اللاعبين ورجليهم مربوطة بمساطر إدارية وقوانين صرف وتكاليف طاقة كتقصم الظهر.

#المغرب #تركيا #اقتصاد #الاستثمارالعقاري

🚨الجامعة المغربية بدأت مفاوضاتها مع تشافي هيرنانديز لقيادة تدريب المنتخب الوطني 🇲🇦🤔

هاد السيد لي في الصورة مغربي مهاجر في إسبانيا وهو متزوج ببنت خالتو وكان كيشوف فيها الزوجة المخلصة لي واقفة معاه فالحلوة والمرة. صبرات معاه حتى تحسنت الظروف ديالو وكانت كتهلا فيه وقايمة بواجبها معاه ومن بعد ما استقر شوية قرر يديها عندو لإسبانيا باش يعيشو مع بعضهم حياة أحسن.
منين وصلات بدات كتطلب منو تخدم هو كان كيشوف ما محتاجاش الخدمة حيت كان موفر ليها كلشي ولكن هي كانت كتقول ليه إلا كان كيبغيها يخليها تخدم باش يكون عندها استقلالية وتحس براسها ومن بعد إلحاح كبير وافق.
دوزات تقريبا خمس سنين وهي خدامة وبدأ الراجل كيلاحظ تبدل فالتصرفات ديالها ولات كتهتم بزاف بلباسها وتزين وجهها بالمكياج وولات كتخبي التليفون ديالها وحتى فالعلاقة الزوجية ولات كتنفر وكتأجل وهاد الشي خلا الشك يدخل لقلبو.
نهار من الأيام تصدم ملي لقى فالتليفون ديالها رسائل وصور كتبين أنها كانت على علاقة غير شرعية مع زوج ديال الرجال والثالث كايصور كانت صدمة كبيرة ومن بعد هاد الشي تفارقو ولكن المشاكل ما سالاتش هنا.
الراجل طلب تحليل ADN لواحد من ولادو الثلاثة وجات النتيجة صادمة أكثر الولد ماشي ولدو بيولوجيا من تما تزادت الأزمة وكثر الصراع فالمحاكم. حاول ياخد حقو بالقانون ولكن القانون الإسباني ما كيعتبرش الخيانة جريمة جنائية وكيعتمد على قوانين خاصة بالحضانة والنفقة وإثبات النسب.
في الاخير تأتي الرياح بما لا تشتهي السفن ولي وقع هو العكس الرجل المظلوم هو لي تحكم تحكم عليه بخمس سنين ديال الحبس ودابا راه داير استئناف باش يحاول يبدل الحكم. القصة خلات بزاف ديال الناس يتساءلو كيفاش واحد كيشوف راسو متضرر ومخدوع وفنفس الوقت هو لي فالحبس؟
ولكن خاصنا نعرفو حتى بلي القوانين فإسبانيا مختلفة والخيانة بوحدها ما كتدخلش للحبس غالبا الحكم كان بسبب شي تصرف آخر وقع فوسط النزاع القصة كتبين كيفاش الغربة وتبدل الظروف والثقافة يقدرو يأثرو على العلاقة وكيفاش الثقة ملي كتتهز كتقدر توصل الأمور لمشاكل قانونية كبيرة هاهي بنت خالتو نسات الفضل ديال زوجها عليها لي هو ولد خالها وهذا هو جزائه لم تكتفي بخيانته بل قامت بادخاله الى السجن ودمرات ليه حياتو ومستقبلو..
منقول.

🔴 لا تزوجتي مطلقة راه بحلي خديتي من عند شي واحد شي حاجة معرفش كفاش يستعملها ولكن نت عرفتي ليها وعطيتيها حقها
زواج بمطلقة زوين بزاف عندو دوقو الخاص غالبا كتلقاها عانات مع الزوج الاول لي مطلعش راجل
كتكون بغا غير تعاود حياتها معاك من جديد وتجاوز معاناتها كتلقى فيها الحب والحنان لي مغتلقاش في أي واحدة

حتى جنـــ...سيا كتلقى متعة مع المطلقة لي كتكون حرارتها مرتافعة ومحرومة ماشي بحال العازبة حتى كيخواو ليك ركابي عاد هي كتولف وتاخد تجربة
ومع النساء كيحرارو جنــ..سيا حتى كيفوتو تلاتينات فراه من الأفضل الواحد اياخد مطلقة

ايضا مانساوش زواج بمرأة مطلقة كيكون اقتصادي وسهل ومانساوش كذلك بلي فيه أجر عظيم مع الله

والى قاليك شي واحد ديك الهضرة ديال مطلقة مستعملة وكدا قوليه عادي راه غي كانت مزوجة شماتة في الحلال وطلقاتو حيت ماشي راجل وتزوجات بيا أنا سيدو.
منقول من صفحة باحث ومفكر.