Wislane Capital

للأسف فهاد الأيام ولات كتبان فمكناس بعض التصرفات بين شباب كايحسابو راسهم مشاهير غير حيث الناس عرفوهم شوية وهادشي كيخرج فالتكبر الحسد السمّ ومحاولة احتقار الآخرين باش يبان هو الأهم..فعلم النفس هاد الحالة قريبة لواحد السلوك سميتو تضخم الأنا الإنسان كيتبدل ملي كياخد اهتمام أكثر من الشخصية ديالو الحقيقية فيولي باغي يتحكم يحتقر ويبان فوق الجميع.
وكاين حتى هشاشة الثقة بالنفس حيت بزاف لي كيبانو متكبرين من برا، فالداخل كيكونو خايفين يفقدو داك الاهتمام لذلك كايحاربو أي واحد يقدر ينافسهم ولو بالكلام والسمّ...رسالة لأي مؤثر مغني رابور ولا أي واحد كايحس براسو معروف فمكناس:
الشهرة ماشي حرب بيناتكم وماشي ضروري تهبط غيرك باش تبان نتا. تعاونوا مع بعضياتكم، شاركو الأفكار وخلقو جو فيه الدعم بدل الحسد والتفرقة.
حيت إلى بقى كل واحد باغي يكون هو الوحيد لي كاين، غاتبقاو كاملين فبلاصتكم. أما إلى كانت عقلية التعاون، حتى المدينة كاملة تقدر تربح ويخرجو منها ناس عندهم قيمة وتأثير حقيقي.

الكوديم راجع للتاريخ 🔴🏆
بعد 27 عام ديال الغياب، النادي الرياضي المكناسي كيتأهل لنصف نهائي كأس العرش
بين انتصار تاريخي فمراكش وتعادل بطعم التأهل فالمسيرة، رجعات الروح للكوديم… والباقي مازال جاي 💪