CODM Supporters 2.0

'الديب' ماغانخسر عليك تا سطر ، جمعتليك شنو ضيعتي فآخر جوج ماتشات شوف راسك و سولو واش تستاحق تكون لاعب كرة قدم ؟
'زيناف' أول حاجة بالشفاء العاجل ، تانياً مابغيتش نبرك عليك بزاف حيت الدور الأساسي ديالك هو توصل كورة لعند "ديب" ماشي هو تسالي الهجمة و حيت تطورتي بزاف و مشاكس و كاتزعح أظهرة الخصم و لكن مع ذلك راك خاري قدام الشبكة و نتا عارف هادشي مزيان و ماكاتخدمش عليه .. بوسط ديالك ماشي ديما غاتبقا تلعب فلبانضا .. كايجيو فترات فالماتش كتحتم عليك تكون قدام شبكة و فاص لگارديان خاصك تكون مقود .
بالنسبة 'لدنيبي' نفس الهضرة على زيناف هي نيت ليك كمدرب الفريق ، كورتك ، أفكارك و أسلوبك مايمكن ينكرهوم حتى واحد من غير لي عاد عرف كورة البارح و الدور ديال المدرب هو يوصلك للشبكة و فاش كل ماتش كتوصل للشبكة 3 و 4 و 5 د المرات بغض النظر على الخصوم واش حسن منك ولا ضعاف عليك فهاد الحالة لي عليك كاتكون درتيه و الباقي كايبقا على لعابة و لكن هادشي ماكايشفعش ليك عِنادك و تعنتك و تشبتك بأفكار و خيارات نتا عارفها ماصالحاش و باغي تبينها صحّة راها صالحة ، إلا واحد بحال 'الديب' كايراطي مليار فرصة خاصو يگلس تلاجة و مايتكونفوكاش أصلا و إلا ماكاينش لي يعوضو من البدائل المتاحة فحالة ما كتشوف أن 'الصهد' و 'المساهلي' ضعاف عليه ، الله يجعلك طلع لينا واحد من ليسبوار يتحك مع الفرقة لولة و نكسبو ولد المدرسة يعطينا سنين فالمستقبل حسن ليه و لفرقة و ليك حتى نتا .
عطينا متال بالديب و قِس على ذلك الباقي ، الميركاتو جبتي لي بغيتي و صيفطتي لي بغيتي ، كارط بْلُونْش تعطاتك من المكتب و حتى من الجمهور لي بسبابو رجعتي لهاد الفرقة .. مابقيناش غانطالبوك بتصحيح المسار لأن هادي هي خدمتك و عليها كتخلص ، راك ماربحتي حتى ماتش خارج الميدان هاد الموسم ، و لي ربحتيه وسط مكناس كان أقرب للتعادل من الإنتصار .. باقي عندك فرصة و بِين لينا بلي حنا لي غالطين باش ماتخرجش من الباب الديق

هاد الخصيم غي كايعرف راسو لاعب ضد الإكس ديالو كايجبدو عليهوم و من بعدها كايعاود يختافي