Voyage maroc

عدنا و عاد الأمل الصفحة ديالنا غاتوريكم أحسن الأماكن






في إطار تشجيع السياحة الداخلية ، ويركان هو واحد الفيلاج صغير نواحي مراكش ما معروفش بزاف بعيد عليها تقريبا بشي 65 كلم ف طريق تارودانت تفوت آسني غي شوية تلقاه

عطا الله ليزوبيرج تما و بأتمنة مختلفة و عطا الله ما يدار تما ها الروندوني ها الكواد ها الخيل ها الجمال و تقدر تمشي ل بحيرة لالة تاكركوست لي قريبة ليها و دير البارابونت ولا تمشي ل تاحناوت فين كينا أراضي أمنار ، ويركان جات ف موقع زوين حيت تقدر متلا تكري تما و تبقا دور على المناطق القريبة بحال إيمليل ، مولاي براهيم ، آسني ، إيجوكاك ، أيت ورير ، سيتي فاظمة.......

بالنسبة لوطيل لي فالتصاور سميتو tatfi de l'atlas ب 230 درهم لواحد ( حيت كنا 9 و مشينا فاللخر ديال شهر 9 😅 عاد خوكم كيعرف يتاوا على راسو ) فيها فطور زوين و لي شومبر كبااار و مبنيين ب طريقة تقليدية و مفرقين مكينش داكشي شي حدا شي و البيسين يا سلام ما نعودش ليك كتعوم و كتشوف فالجبال تبارك الله زيد عليها واحد الغروب الهربة و الكاااالم

مهم كوان ديال العائلات حيت الناس لي مقابلينو كيركزو على الكالم حنا كنا غا كنعومو و نغوتو جاو دواو معانا بطريقة زوينة باش نقصو من الصداع ههههه و هادو أوطيلات و أوبيرجات أخرين يقدرو يعجبوكم
● Ksar shama Ouirgane
● les jardins de l'atlas Ouirgane
● Chez momo Ouirgane
● Riad malak Ouirgane
● Vallé vert Asni
● La bergerie ouirgane
Luxe :
● Domaine Malika
● Kasbah Africa