Hamza Gaming Choop

العودة بإدن الله بغيت كولشي اكول لي شحال جاب فالدورة اللولة اه ملاحضة ممكن طلق سلوكية بس متفوتش 10 كلم حيت غتولي دوبرمان وحنا مكادين على مشاكيل 😄😄

صايي دبا تخالصنا الخوت كيف واعدتكم قصتي كملتها ودبا التعليق ديالكم عليها هنا نبغي كولشي اعط رأي ديالو ومن ها نكولكم تحياتي الخاصة ونبغيكم ترحبو لي بالأدمين جديد ديال الباج كيف مدايرها فالسميةخخخخ ديديكاس من عندي اولد العبد احححح وليت كنعبر بالمزيان بس لي قال عنيبة نبلوkيه good bay

قلت ليه علاش قاليا معندي لا سنسلا لا والو راه غير إشاعات ولله تنشوف فلمعطي وهوا يمشي لخونا صاعر قاليه تمالك طغيتي علينا تنبانو لك دراري صغار غادي تضحك علينا وهو يحط ليه واحد تصرفيقة بيدو خونا بدا تيتنخصص قلت ليه بقى حداهم انا غنمشي نجيب شي حاجة نزلت لكوزينة جمعت لماس خيط ديال ضو لملح تلج هزيت معايا كرسي وطلعتهم لبيت مع داخل تصدمو قلت ليه ها حنا غنشوفو واش إشاعة ولا بصح أصلا حنا مخاسرين والو نوضتو ربطناه فلكرسي حيدنا ليه حوايجو قلت ليه راسك قاصح ولكين طحتي ف عزرائيل وخوه مغنتفرقوش علك قاليا راه دوينا قلت ليكم معنديش ديرو لي بغيتو قلت ليه واش سنسلا غلى من حياتك قاليا ونتا واش سنسلا غلى من بنادم عندك قلت ليه انا تندير هادشي على ود بنتي إلا مديتش ديك سنسلا لشي ناس غادي تموت قاليا إوا سير قلب على بنتك انا معندي والو وانا نشد واحد زيف ربطناه ليه على وجهو درنا ليه لملح وتلج وبديت تندخل ليه يديا ضروني مع تلج حيد ليه داكشي من راسو وجهو تبدل ودم لمعطي قلبو هشيش قاليا لبشير صافي شوف سيد كيف ولات حالتو كون كان عارف شي حاجة كون قالها قلت ليه سكتنا نتا ترجل راه بنتك هاديك تنشوف فخونا واش عجبك لحال دبا مزال هادشي غير لبدية مغنخرجو حتى تقولينا فين هيا ديك سنسلا وهو يقوليا إلا عطيتها ليك غيموتلي ولدي قلت ليه كيفاش قاليا انا عندي ديك سنسلا وتنقلب ليها على شاري باش ندير لولدي عملية قلت ليه فيناهو هاد ولدك ؟ قاليا ولدي راه فالمستعجلات ومزال تيقلبولو على قلب وعملة غالية بزااف وخا نرهن دار وكلشي لي عندي مغنوصلش لديك لفلوس قلت للمعطي حل لسيد يديه حلهم جبت كرسي قدامو قلت ليه سمعني سمحلي بعدا على هادشي لي درناه ليك شوف نتا صبرتي على ود ولدك إوا غتكون حاس بينا لبنت راه بنت صاحبي و أنا عمها و راه كتر من بنتي نقدرو نلقاو حل مزيان لينا بزوج قاليا أشمن حل قلت ليه عطيني سنسلا و أنا غنعطيك فلوس لعملية وهو يضحك قاليا راه عملية شبه مستحيلة و رقم خيالي قلت ليه وصافي دوينا قلت ليك ضرب فلوس لعملية على حسابي قاليا واخا تبعوني نزلنا لغراج مد لينا زوج فيسان قالينا ضربو هنا راه دفنتها هنا بدينا تنضربو ولد لعبد دافنها وداير ليها لكاياص تنضرب تيباليا ضو شعل شي ساعة وحنا تنضربو عاد بان واحد صندوق صغير جبدتو نشوف هاد سنسلا لي نايض عليها هاد صداع مع حليتها ناري كيف دايرا وتقيلة ومدهبا بقيت مصدوم تنشوف فيها وهو يسد صندوقة قاليا متبقاش تشوف فيها راه هادشي علاش ساويا لي تيشوف فيها متيقدرش يحيد عينيه صوبها شي واحد فعهد الموحدين شديتها فيدي قلت ليه دوينا باشما كان غادي نعلمك ومتخافش ولدك غيخرج صحة وسلام إنشاء لله قاليا نعول عليكم خويا خرجنا نيشان لعند خونا لي غنعطيوها ليه غادين ولمعطي تيقوليا ساط شنو غنديرو دبا إلا عطيناها ليه خونا ولدو غيموت و إلا معطيناهاش ليه بنتي راك عارف قلت ليه هنينا خليني نفكر تنتفكر لمراكشي نهار تيرا ليا فخوتنا فروسيا كان هو لمقود فسلاحات دبانة متيزكلهاش جبدت تيليفون عيطتلو
-سلام سلام
-معاك لبشير
-أهلا خويا كيف بقيتي
-لحمد لله غير لمشاكيل
-اشمن مشاكيل ؟
-بغيتك هنا فكازا محتاجك نتا لي غادي تحل يا هاد لمشاكيل
-مرحبا عطيني 3 سوايع انا تم عندي خدمة تما نيت
-خويا عرف علاش بعدا راه بغيتك تضرب شي خوتنا بسلاح بحال يامات روسيا ؟

قاليا واخا واخا سمعني مزياان أولا سمح ليا على هاد ضربة وداكشي لي درتو كنت معصب بزاف ومعقلتش على راسي دبا عرفتك شنو كنتي حابس عليا ديال لمشاكيل من نهار خرجنا من دار و انا فلمشاكيل و فلوسنا سالاو ولينا عايشين غير بالكريدي وشيماء بدات تتبيع حوايجها أنا معجبنيش لحال بديت تنقلب على خدمة ولخدمة لي تنلقاها تيعطيوني شي ثمن مكافينيش هادشي علاش بديت تنقلب على شي حاجة تدخل ليا كتر وخا تكون خارج طريق
-قلت ليه كمل وزرب فالأحداث راه عندي طيارة ليوم مسافر
-لواليد غير نسى طيارة موحال واش تمشي
-علاش ؟
-كيفما قلت ليك أنا وليت تنقلب منين نجيب لفلوس وشي دراري عرفوني بواحد سيد لي عطاني لفلوس لي تنبغيها وبقيت خدام معاه ومنعرف كيفاش حتى شيماء دخلات فهادشي ولينا بزوج خدامين معاه ولكين لبارح تسرقاتو شي سلعة و ولد خوه مات وانا وشيماء كنا تما ومعرفناش شكون لي دار هادشي هادشي علاش تابعني و شيماء عندهم معرفتش شنو دارو ليها أنا مزال ممتيقش هادشي لي وقع ليا فهاد شهور لي خرجتهم من دار .
بدا تيبكي بحال شي دري صغير أصلا هو مزال دري صغير
-عنقتو وقلت ليه صافي ألخرى ها أنا معاك هادشي كامل خاصو يكون ليك درس من هنا اقدام تامال ديلموك تحساب ليك غنتخلى عليك راه مكينش شي واحد تيبغيك كتر مني انا و مريم ديرها فبالك ودبا زيد قدامي وريني فين هاد سيد نشوفو إلا قدرنا نهيو هادشي بلا صداع
-قاليا واخا صبر
دخل لبيت ومخرج سلاح قلت ليه وضفاك إمتى تعلمتي ليه وهو يحيد ديك لعيبة ديال لقرطاص ورجعها قاليا غنصدمك بشي حوايج تعلمتهم وانا نحيدو ليه من يدو شحاال مشديت شي سلاح من يامات روسيا فرتكتو داك سلاح وجمعتو قدامو وحنا واقفين بقا غي حال فمو قاليا صافي شد نتا سلاح تعرف ليه كتر مني خرجنا طلعنا فطوموبيل غادين وتينعتلي دار وصلنا غادين بزوج داخلين وقفو علينا واحد زوج قاليا فين غادي شافو عبد لحق عرفوه يلاه غيجبد واحد فيهم سلاح جمعتو بواحد شمال ومع ضاراني رجلي وليت طايح انا وهو مجيت نوقف حتى لقيت عبد لحق شنضل ليا لأخر ضربتو برجلي لراسو زيد قدامي نتا منعرف شنو جايبني معاك شو عوقتيني من رجلي قاليا سمح ليا الواليد فكني غير من هاد لمشكل انا وشيماء شيماء الواليد عنداك تنساها ولله ما نبقى نهز عينيا فيك ولا فشي واحد هادي وتوبا قلت ليه غير زيد دبا عا لله غي ميوقع لبنت والو غيكويني باها انا ونتا مع حال لباب قاليا هاوا خونا تنضور وجهي نشوف فيه ويييع مغتيقوش شكون ...