Jagwar 46

🏍️السلام عليكم ،غنهضر ليكم على موضوع بزاف ديال الدراري مزال معارفينش كيفاش كتم عملية ديال موطور كبير.خصوصا الى كنتي غتسافر من مدينتك لمدينة أخرى.
🔍غتبعو هاد المراحل خطوة خطوة هادشي لغدوزو منو بالديطاي.
الحاجة الأولى ملي كتفاهم مع مول الموطور كتسافر عندو ،ملي كتلاقا معاه كيجيب ليك #الموطور الحاجة الأولى كتقلب الموطور مزيان كنتي حرايفي هيا هاديك مكنتيش ،دي معاك الحرايفي قلب النوامر ديالك معليناش درناك قلبتي الموطور عجبك كلشي ناضي .
#غتمشيو نيشان لاڤيسيت غدوزو ليه لافيسيت ديال البيع حيت غتحتاجها ملي غتبغي تحول الملكية فسميا ديالك..
من بعد مديرو لاڤيسيت غتمشيو لشي مكتابة غتشري كرطونة يعني أي مكتابة قلتي ليه كرطونة غيعطيها ليك،غتعمرو ديك الكرطونة راه ساهلة كلشي فيها واضح مزال مغتعطيه لا فلوس لاوالو ،من بعد غتمشيو للمقاطعة غديو ليهم ديك الكرطونة وفوطوكوبي ديال لي كارط ديالكم باش #إݣاليزيو ليكم الكرطونة .من بعد ميݣاليزيو ليكم الكرطونة هنا ولا خاصك تعطيه الفلوس ديالو ،وتشد الكرطونة والكارط ݣريز ديال الموطور،هادشي حيت باقا الكرطونة مفعلة مزال متفعل داك القرار ديال موقع نارسا ،صافي غتشد كارط ݣريز و الكرطونة وشد عندو فوطوكوبي ديالو إݣاليزي وهنا غتشد الموطور،كنتي بعيد أحسن حل سيفطو فارساليات ،ملي غتجي للمدينتك غتوجه نيشان لكاش بليس غتخلص على الخيل من بعد غتشد لافيسيت لي دوزتي والروسي ديال الخلاص على الخيل وفوطوكوبي ديالك وكارط ݣريز غتوجه نيشان لمركز تسجيل السيارات غتعطيهم هاد الوثائق ،ومن ديك الكرطونة غيقطعو ليك واحد الورقة ولي هيا غتكون بطاقة الملكية المؤقتة صالحة ستون يوما تسوري بيها على مخرجات ليك كارط كريز وهنا غتكون ساليتي المراحل وشكرا✅
#منقول