Pikalti

من 2012 وأنا كننشر من قلبي، كنصور، كنمشي، كنقلب، كنقرا، وكنحاول نوثق مراكش وما عمرني اعتبرت راسي “صانع محتوى” بالمعنى المنتشر دابا، أنا كنشوف راسي موثّق رقمي. كنصور الدروبة الحومات والمآثر،يمكن اليوم هاد الشي ما باينش مهم عند بزاف ديال الناس، داكشي علاش معاطينوش قيمة ولكن أنا كنآمن أنه من بعد سنوات طويلة، هاد التوثيق يقدر يولي مرجع يرجعو ليه الناس باش يشوفو كيفاش كانت هاد الحومة، هاد الدرب، وهاد البلاصة قبل ما يتبدل كلشي.
هاد المحتوى ماشي ساهل حنت كيحتاج وقت و تنقل و تصوير ماتريال ديال التصوير لي دابا مابقيتش كنصور بسبابو وكحتاج كتب المراجع ،و بحث، وصبر كبير و المونتاج وهو اهم مرحلة. وكيحتاج حتى صحة، وأنا حتى المرض أثّر بزاف على حياتي، وعلى الإيقاع ديالي، وعلى الحوايج اللي كنت باغي نوصل ليها.
ومع الوقت كنحس أنني تقدمت فالعمر، وباقي ما حققتش بزاف ديال الحوايج اللي كنت كنتمناها، وزاد الطين بلة أن المجهود اللي كنعطيه لهاد التوثيق ما كيبانش عليه الاهتمام بل كنتعرض للتنمر على صوتي و بزاف ديال الشتائم لي كنمسحهم وهادشي مكنخليش يأثر عليا فضلا على لي داير بيا محتوى فتيكتوك وتيقول انا جاي من النواحي 😂.
خدمت من الحب وبإرادتي وقناعة ماشي من أجل المقابل و اللي دابا حتى هو اصبح ضروري باش نطور من المحتوى خاصة في الإلكترونيات

محبط شوية وحتى حسابي الشخصي فايسبوك ديزاكتيفيتو قبل العيد و ومسحت جميع منشورات حسابي انستقرام.
لهذا غادي نوقف النشر هنا شوية
باش نفهم واش باقي عندي النفس نكمل هاد الطريق ولا لا.
الى اللقاء.

حلقة سيدي اعمارة الآن على قناتي يوتوب، الحلقة مليئة بالمعلومات حيث تحدثت عن موقعها و المعالم التي توجد قربها كالسقارة وباب الرب و تحدث عن سبب التسمية و كذلك سبب تسميت دروبها الثلاثة خاصة درب العبيد ومن هم العبيد و تحدثن عن المدرسة و الأساتذة الذين درسو بها و أخيرا استرطدت في دكر اسماء العائلات، رابط الحلقة في story