Taxi Chefchaouen

هاد لعشية فمحطة طاكسيات ديال مرتيل (شمال المغرب) شفت واحد لوليد صغير بشوش الوجه جا باش يركب ويمشي للفنيدق ولي أثار انتباهي كتر هو أنه كلشي مهتم بيه وكلشي كيسلم عليه وكلشي كيضحك معاه....!!!!!
سولت واحد سيد حدايا قلت لو شكون هاد لوليد لي جاي ؟
قالي :
هاد لوليد كان كيجي هو والأم ديالو ربعات المرات فسيمانة باش تدير ليه التصفية (الكلي) وكانت كتبقا معاه نهار كولو.
وملي ولفوهم انهم يجيو وعرفوهمم مزيان قررو انه يبقاو يجيبوه هو بوحدو ويركبوه ويديوه للمركز باش يخليو الام نتاعو تقابل شغالها وتقابل خوتو الآخرين
كيديوه ويجيبوه فاااابوور مكيخلص والو من بعد ما كان كيخلص هو والأم نتاعو.
نقصو عليها مصروف كبير ونقصو عليها تمارة ولي زاد صدمني هو أنه فاش كيرجع كيجمعو ليه واحد البركة واخا قليلة ولكن كيرجع بيديه عامرين لدار كيمشي مسكين فرحاااااان
فالحقيقة كتبان مسألة بسيطة ولكن راه شي حاجة كبيرة عندو وعند عايلتو الله يشافيه والله يخلف على دوك ناس.
وتحسبونه هينا وهو عند الله عظيم 🤲
وخا خاص دولة لي تكلف بهادشي للأسف شعب لي كيضامن مع بعضياتهم