UI

ظاهرة السندالة ولات من أكثر الحوايج اللي كتشوه الفيراج عندنا، هادشي ولى كيتكرر بزاف فالسنوات الأخيرة. وحنا ماشي اليوم اللي بدينا نهضرو على هاد الموضوع، راه من شحال هادي وكنقومو بحملات توعوية بمختلف الطرق سواء عبر الصفحات، فالاجتماعات ديال ليزون، وحتى فالنقاش المباشر، بمعنى درنا جميع الطرق الممكنة باش الرسالة توصل.

بصراحة، كنا مكرهين نوصلو لهاد الطريقة، حيث الأولوية ديما كانت للتوعية والإقناع، وبذلنا جهد كبير باش بنادم يشد معانا الطريق ويفهم أن الفيراج عندو ضوابط وصورة خاصها تتحافظ. ولكن لا حياة لمن تنادي، وهادشي علاش اضطرينا نلجؤو للطريقة اللي شفناها الأنسب باش نفرضو الانضباط.

المحاربة ديال المادة اللاصقة، السندالة، وهرگاوة ماشي شي حاجة جديدة ولا يلاه بدات، راه كاينة من مدة، غير هاد المرة كان التعامل صارم بزاف وما بقا حتى تساهل. بدينا بالمنتوجات المزورة، ومن بعد السندالة، والمرة الجاية الدور غادي يكون على صحاب المادة اللاصقة والأسلحة البيضاء وسط التيران.

هاد الحملة بدات كتعطي المفعول ديالها، وولينا كنشوفو بروفيلات نقيين وواعين، وهذا هو الهدف: فيراج منظم، محترم، وآمن للجميع. وهادشي ماشي غير تنظيم، بل حتى حماية للعائلات، الأطفال، والمسنين. حيت لاحظنا أن بعض هرگاوة الهم الوحيد ديالهم هو يجيو يشفرو، يتعاطاو للمادة اللاصقة، ويفسدو الجو بصراعات وتصفية حسابات. وهادشي مبقيناش غادي نسمحو بي�

حنا على موعد جديد يوم الأحد فالمعقل ديالنا أدرار، والواجب كيفرض حضور كبير كيليق باسم المجموعة وتاريخ النادي، خصوصاً فهاد المرحلة الصعيبة اللي كيمر منها الفريق. النتائج السلبية ماخاصهاش تنقص من الدعم، بالعكس هاد الوقت اللي خاص الجمهور يبان فيه ويكون السند الحقيقي ديال الفرقة. ثلاث نقاط داخل الديار مبغيناش يضيعو، باش نحاولوا ما أمكن نبعدوا على المراكز المكهربة في سبورة الترتيب. الحضور مسؤولية لكل غيور على الحسنية والحضور باللون الاسود حتى تتحقق المطالب ديالنا.

نتلاقاو نهار الاحد مع 19:00 بملعب أدرار، الحضور باللون الاسود.🌹

بالنسبة لتذاكر مباراة نهار الأحد فأدرار، راه توزعات فجميع نقاط البيع. بغينا كولشي يقطع الورقة ديالو من دابا، ويدخل للتيران كيما العادة بالنظام والانضباط، باش ندوزو الأجواء فظروف مزيانة وتنظيم يليق بالجمهور الحسني، وكنأكد كذلك على ضرورة الحضور يكون بكري، نكونو داخل الملعب مع:19:00 وكل واحد شاد البلاصة ديالو، باش نتفاداو الاكتظاظ.