Archach.Fans

طاطا 1988

ARCHACH أرشاش 12 likes, 1 comment. "Soirée Tata 1988 Tamukrist"

أريتعاوان ربي وانّات إخلان أتݣ أكال ن دّيكالن
إعاون وانّات إبنان أتݣ لبرج فلبرج إݣاس الرخام

مو لغرور الدونيت 💔

تاݣانت أ تاݣانت
أيّاون تنݣارامي

قصيدة ؤراس إروا لحساب
لمولاي علي شوهاد:

أكولّو تݣا لوضا دار يان ؤريتاحلن
ؤراس إروي لحساب ميش نيكي رات أرمخ
ؤكان نكاسد أسيلا غ لساس أرنساوال
ؤكان ؤر ندي أنفل ياناخ إران
مقاري إملا أنزّاض إروميين تيسنت
مقاري إملا أيّارود ؤسغرس إنو فلّاس
مقاري إملا أنّيلي غوسكرف ؤلا تيلّاس
مقاري إملا أنشّ ؤزّال ناسيك أوايّاض
أرنسّا لباروض إݣانخ ؤليلي تيرام
ؤريلّي بلا غينا غيل يان أتور إفاغ
أدينيخ سين سرݣمخ سرس إنيتن فلخ
مقاري مدينت تيزّا ولا ميا نيمش
أولا لانفاض كراد إتلوحن الروح نيان
ؤريلي بلا غينا غيل يان أتور إفاغ
أننا كراض كرا زيلن أريتّاوي طيط
وا تازيلت أسكّرض إختنت إكّيس لمال
أيّيس إزرين نيݣ ؤتني أخ إسّوسوم
ؤراك إجنجام غ تمدايت أمر تيفروين
نغد تاجداعت فيݣا ؤشاكوك إناضان
إما تاجداعين مزّييْنين أرن فالنت
أنّيني كّوز كّوز إيسان أيّيوين لغرض
إسانيت أتاجداعت تنزّامت أكّنت نصوم
إنيد الرهن كاترهنت ريخ أكم فوكّوخ
وانّاناخ فلام ميدن كرا ماش ؤر نسّين
نّان إزنزاكم ؤفود أداسن إش ربي تاكات
إمربي أيم إرز تاݣوست نخام أكوفنت
إناوان يان أديݣ أسكرف إسالوكنت
أضار نم ؤريݣي إيِيزيكر أم إعرض الخير
أسموس سنمليي ݣيس أربي ليام
واتودرت كاخ إزوزور يان إخاس لمنت
إخ إمون يان د وادايرا أتي مّيمنتاس
أتودرت سوحلاب نخكا إسوا أمان
إغ إريز وول أكند إتلوح أتاغويّيت
يامريي إزر أمطا ݣين إواليون مناو
أنّيني سضيس إموضان وانا مي سوتلن
مامنك أيحول أكند إسحورّو أياسافار
لعقل دݣار لغرض لحشوم خلاص أيان
أح أتينك أبو وازّار ماميتنت نقيص
أدينيخ سا تاسا بينت أوينو فلّاك
أݣار أحبيب نحوبات فورّيخ إنّاييت
متاد إسينا ياه إرخو ؤرات إريخ
أتاسانو أربي إغور فيلخ مايالّان
تمديتاخ تيويت لعاقل أيان إحنان
أكن ساقسا ماݣيݣنخ تفلت ننّا نيت
أدينيخ تام ؤرنݣي تّمي إكرا كيران
أرتيكصاض أدّ إباين إسكن إرا واي
أر إتّيغلاب إخيݣا لحال إساول سرك
أر إتّيغلاب إخ إزيّن أويناون تيط
أتاسانو أيمي أغن إسكر وينو أترس
إنايّي كرا ݣاس أديف نيخص نووطّوف
نخ ؤدي نيݣضاض نخ أديف ن إفر نوفولوس
واكولو إسافارن داوريلّين أسنّان
أنّيني تزا تزّا ݣيك تيط أيانامير
أح أتايري واناغاك تلا يّيويك أك
أبوتايري دوماݣوس كايسغلن أضان
أننا مراو ملاد إسيوفا يان إميل
أفوس لقادار أدسيس إكّيس إسيوان
إكّيس أݣسار إنّا غيل ياستوا يوضار
نراتيس أم ربيع أر سوس إخاس ؤفان

Archach.Fans