Lesotho Defence Force

PHATLALATSO EA LITABA

1. Lefapha la Likhokahanyo tsa Sesole le Sechaba le leboha Sechaba sa Basotho ka kakaretso ka tšehetso ho Lesole la mosetsana Private Mafale eo ho bonahetseng a hlaha marangrang a hobosoa ke karolo engoe ea Sechaba.

2. Leha hole joalo ho latela mekhoa le meetlo ea Sesole, Bolaoli ba Sesole sa Lesotho bo fihletse qeto ea h**e limpho tsohle tse ntseng li fanoa ho Lesole lena li ke ke tsa amoheloa entse ele ho boloka tsamaiso, taolo le tšireletso ea Masole.

3. Tšehetso ea Sechaba e thetsitse lipelo tsa Bolaoli ba Sesole ka ha e bontša lerato ho Masole ka kakaretso. Khoboso ena ha e ea ama Lesole lena feela, e boetse e kenyelelitse lelapa, metsoalle, karolo engoe ea Sechaba ekasitana le Sesole ka kakaretso.

4. Lefapha la Likhokanyo tsa Sesole le Sechaba le etsa boipiletso ho bohle ba kenyang letsoho tlhekefetsong ea marangrang (Cyber Bullying) ho emisa ketso ena e malimabe kaha e ka lebisa ho thefuleheng hoa seriti le boitšepo ba lehlatsipa ekasitana le tahlehelo ea bophelo.

5. Re tla leboha tšebelisano mmoho le Sechaba, Khotso.