Shiv_Eye_Frame

பச்சை பட்சியும் 🦜 மஞ்சள் மாங்கனியும் 🥭. கடந்த ஓரிரு தினங்களாக என்றைக்கும் இல்லாதவாறு முதல் முறையாக அதிகமாக தரையிலே மாங்கனிகள் சிறிது சிறிதாக நன்னப்பட்டு தரையில் விழுந்து காய்ந்து கிடந்தன. நானும் வழக்கமாக அணில்கள்தான் இதை செய்யும் என எரிச்சலோடு தரையைச் சுத்தம் செய்யப்போனேன். ஆனால் அவை நிலத்தில் நன்றாக ஒட்டி விட்டன. அது சுத்தம் செய்யும் போது அவ்வளவு எரிச்சலாக இருந்தது. ஏதோ ஒரு வெறுப்புடன் மாமரத்தின் மேலே பார்த்தேன். அப்போதுதான் பார்த்தால் பச்சைக்கிளி அம்மையார் லாவகமாக சந்தோசமாக மாங்கனிகளை கொத்தி தின்ற வண்ணம் கிளையிலே அமர்ந்திருந்தார். எந்தவித ஒளியும் எழுப்பவில்லை. அமைதியாக தன் பணியை செய்து கொண்டிருந்தார். ஆனால் எனக்கோ என்னடா இது வழக்கமாக அணில்கள்தானே வரும் இன்று அந்த புதிதாக கிளிகள் இருக்கின்றன என்ன சந்தேகம். காரணம் இம்முறை மாமரத்தின் மேல் கிளைகளை தறித்துவிட்டோம். அதனால் அடர்த்தியாக இருந்த மாமரத்தின் மாங்கனிகள் வெளியே தெரியவில்லை. வானத்தோடு பறந்து செல்கின்ற கிளி கூட்டங்கள் அதைக் கண்டு சந்தோஷமாக வந்திருந்து சாப்பிட தொடங்கியிருந்தன. அந்தக் கிளியோ அணிலைப் போல 360 டிகிரியும் உடலை சுற்றி சுற்றி சுவைத்து சாப்பிட்டுக் கொண்டிருந்தது. அது சாப்பிடும் அழகை பார்த்து அடுத்த கணம் வெறுப்பு விருப்பாக மாறி‌ சற்று நேரம் பார்த்துக் கொண்டிருந்தேன். வழக்கம் போல அவற்றைக் காட்சிகளாக்கி உங்களிடம் பகிர்ந்து கொள்வதில் சந்தோஷம்.

நன்றிகள்.🥰

📸- Shiv_Eye_Frame

கேரளா பால் பாயாசம் என்றாலே ........

இதயபூர்வமான இணைப்பு... எனது கல்லூரியில் எனது தம்பிமார்களுடன் புகைப்படக்கலை சார் பயிற்சிப்பட்டறை இருந்து.......