Moms gallery

අලුත් අම්මා කෙනෙක්ගේ නිහඬ වේදනාව... අපි කරන්න ඕන මොකක්ද? 🤱💔

අලුත උපන් බබා තුරුල් කරගෙන ඉන්න අම්මා කෙනෙක්.
හැමෝම දකින්නේ "අම්මා + බබා = සතුට" කියන ලස්සන විතරයි.

හැබැයි ඇත්ත මොකක්ද දන්නවද?

අවුල් වුණු කෙස්, රතු වෙලා නිදි නැති ඇස්, මහන්සියෙන් වෙව්ලන අත්, හිත ඇතුලේ කඩා වැටෙන බය 😔

"මට පුළුවන් වෙයිද බබාව හදාගන්න?"
"ඇයි එයා නවතින්නේ නැතුව අඬන්නේ?"
"මම හොඳ අම්මා කෙනෙක් නෙවෙයි නේද?"

කවුරුත් කියන්නේ නෑ මේ සටන ගැන. කවුරුත් දන්නේ නෑ රෑ 2ට, 3ට, 4ට තනියම අඬන හැටි.

අම්මේ, ඔයා අසමත් නෙවෙයි. ඔයා තනියම නෙවෙයි 🥺

👉එහෙනම් අපි, එයාගේ යාළුවෝ, නෑයෝ, මහත්තයා... අපි මොකද කරන්න ඕන?

එයාට "උපදෙස්" දෙන්න ඕන නෑ. එයාට ඕන "උදව්" ❤️

1. කටින් නෙවෙයි, අතින් උදව් කරන්න 🙌
"මොනවා හරි උදව්වක් ඕනද?" අහන්න එපා. එයා "නෑ" කියයි.
වැඩේ කරන්න: "මම බත් එක උයලා ගෙනාවා. මම බබා බලන්නම්"
"මම රෙදි ටික හෝදලා දෙන්නම්, ඔයා පැය 1ක් නිදාගන්න"
"මම බබා බලන්නම්, ඔයා නාන්න යන්න"

උපදෙසක් නෙවෙයි. ඇත්ත වැඩක්.

2. "මම මෙතන ඉන්නවා" කියන්න 🤗
"ඇයි බබා අඬන්නේ කියලා දන්නේ නැද්ද?" අහන්න එපා.
ඒ වෙනුවට කියන්න: "මහන්සි ඇති නේද? මම දැනට මෙහෙ ඉන්නම්. ඔයාට ඕන වුණාම කතා කරමු" කියන්න.

Judge කරන්න එපා. විනිශ්චය කරන්න එපා. අහගෙන ඉන්න විතරක් ඇති.

3. එයාගේ ඇඟ ගැන, බර ගැන, කැත වුණු හැටි ගැන කතා කරන්න එපා 🚫
"අම්මෝ මෙහෙම වෙලා" කියන එක වචනය එයාගේ හිත 100 පාරක් තුවාල කරනවා.

ඒ වෙනුවට කියන්න: "ඔයා ශක්තිමත් ගැහැනියක්. ඔයා ලෝකෙට පණක් දුන්නා"
"බබා ලස්සනයි, ඒ වගේම අම්මත් ලස්සනයි"

4. ඔයාට විශේෂයෙන් 💑
වයිෆ්ව "බබා බලන සේවිකාව" විදියට බලන්න එපා.
රෑට එයා එක්ක අවදියෙන් ඉන්න... බබාගෙ ඩයපර් එක මාරු කරන්න. බබා නිදි කරවන්න.
"මගේ රස්සව නිසා මට මහන්සියි" කියන්න කලින් හිතන්න - එයා පැය 24ම වැඩ...නිවාඩුවක් නෑ.

ඔයාගේ උදව් = එයාගේ ජීවිතේ. ඇත්තටම.

5. එයා අඬනවා නම්, අඬන්න දෙන්න 🌧️
"අඬන්න එපා, " කියන්න එපා.
පපුවට තුරුල් කරගෙන කියන්න: "අඬන්න.මහන්සි ඇති නේද? මම මෙතන ඉන්නවා" කියලා...

Postpartum කියන අඳුරු දේ ඇත්ත. ඒක ලැජ්ජාවක් නෙවෙයි. වෛද්‍ය උදව් ඕන නම් ඉල්ලගන්න කියන්න. ලැජ්ජා වෙන්න එපා.

අලුත් අම්මාට,👑

මේ දවස් ටික ටික ගෙවෙනවා. බබා ලොකු වෙනවා. ඔයාගේ නින්ද එනවා. ඔයාගේ හිනාව එනවා 🌸

දැන් ඔයාට දැනෙන කලබල, බය, තනිකම... ඒ ඔයාගේ දුර්වලකම නෙවෙයි.

ඔයා පරිපූර්ණ අම්මා කෙනෙක් වෙන්න ඕන නෑ. ඔයා අම්මා කෙනෙක් වුණාම ඇති.

❤️

*_"උදව් ඕනද?" අහන එක නවත්තමු.
"ඉන්න මම කරන්නමි" කියලා වැඩේ කරමු._*

මොකද අම්මා කෙනෙක් බිඳෙන්නේ උපදෙස් වලින් නෙවෙයි. තනිකමෙන්.

✍️moms gallery

තවත් මේ වගේ වැදගත් දේවල් බලන්න ඕනනම් පේජ් එක කරල තියාගන්න.තව කෙනෙක්ට බලන්න කරන්න...

" ゚viralシ