Banda Family

අද තමයි ඇත්තටම තේරුණේ... අම්මා කෙනෙක්ගේ හදවත එයාගේ ළඟ නැතුව වෙන තැනක ජීවත් වෙනවා කියන්නේ මොකක්ද කියලා. 💔👶
මගේ චූටි පැටියාව දාලා ආයෙත් වැඩට යන එක මගේ ජීවිතේ අමාරුම තීරණයක් වුණා.
හිනා වෙලා බබාව කිස් කරලා ආවත්... පිටිපස්ස හැරුණු ගමන් ඇස්වල කඳුළු නවත්තගන්න බැරි වුණා. 😢
මගේ ඇඟ වැඩ කරන තැන තිබුණත්... මගේ හිත හැම වෙලාවෙම මගේ පැටියා ළඟමයි. ❤️
වැඩට යන හැම අම්මා කෙනෙක්ම ලොකු සටනක් දිනනවා... තමන් වෙනුවෙන් නෙවෙයි, තමන්ගේ දරුවාගේ අනාගතය වෙනුවෙන්. 🤍

අම්මලාගෙන් අහන්න කැමතියි... 🥹💕
ඔයාලටත් බබාව දාලා මුලින්ම වැඩට ගිය දවස මතකද? ඒ දවස කොහොමද දරාගත්තේ? පස්සේ ටික ටික ඒක ලේසි වුණාද?
ඔයාලගේ අත්දැකීම Comment එකකින් ලියන්න. අද මේ වගේම හිත රිදෙන තවත් අම්මා කෙනෙක්ට ඒ වචන හයියක් වෙයි. ❤️

For the first time in my life, I'm facing the hardest goodbye—leaving my baby and going back to work 😭🥺

Facebook එකේ නිතරම දකින්න ලැබෙන දෙයක් තමයි, "බබාට ඩයපර් දාන්න හොඳද?", "පැසිෆයර් පුරුදු කරන්න එපා." කියන කතා.

විශේෂයෙන් සමහර ආච්චිලා, වැඩිහිටියෝ කියනවා, "අපේ කාලේ මේවා තිබුණේ නැහැ. අපි ළමයි හදලා ලොකු කළේ මේවා නැතුව." ඒ කතාව ඇත්ත. ඒ කාලේ තිබුණේ ඒ කාලෙට ගැලපෙන ක්‍රම. අද තියෙන්නේ අදට ගැලපෙන පහසුකම්.

තාක්ෂණය දියුණු වෙලා තියෙන්නේ මිනිස්සුන්ගේ ජීවිත ටිකක් පහසු කරන්න. ඒ පහසුකම් නිවැරදි විදිහට පාවිච්චි කරනවා කියන්නේ දරුවාට ආදරය අඩු වීමක්වත්, කම්මැලිකමක්වත් නෙවෙයි.

මගේ බබාට ඩයපර් පාවිච්චි කරන්න පටන් ගත්තේ මාසයක් වුණාට පස්සේ. නැපිස් එක්ක මාරුවෙන් මාරුවට තමයි පාවිච්චි කළේ. දැන්නම්‍ ඩයපර් විතරයි පාවිච්‍චි කරන්නෙ, මුල් කාලේ රෑට හරියට නිදාගත්තෙ නැති මගේ බබා, ඩයපර් පාවිච්චි කරන්න පටන් ගත්තට පස්සේ රෑ නින්දේ ලොකු වෙනසක් පෙන්නුවා. බබාටත් සුවපහසුයි, අම්මා විදිහට මටත් ටිකක් විවේකයක් ලැබුණා. (මං නැපි Rash cream එකක් පාවිච්‍චි කරනවා)

පැසිෆයර් පාවිච්චි කරන්න පටන් ගත්තේ මාස දෙකෙන් පස්සේ. ඒක නම් Doctorගෙන් උපදෙස් අරගෙන තමයි කළේ. හැම වෙලාවෙම නෙවෙයි, අවශ්‍ය වෙලාවට විතරයි.

අපි අම්මලා විදිහට හැම තීරණයක්ම ගන්නේ අපේ දරුවාගේ යහපත හිතලා. එතකොට "අපේ කාලේ ඔහොම නෑ" කියන එකෙන් අද අම්මෙක්ගේ තීරණය වැරදියි කියලා තීරණය කරන්න බැහැ. ඒ වගේම "අද කරන දේ තමයි හරි" කියලා අතීත පරම්පරාව අඩු කරන්නත් බැහැ.

අපේ අම්මලා, ආච්චිලා එයාලට තිබුණු දැනුමෙන්, තිබුණු පහසුකම්වලින් අපිව හොඳට හදලා තියෙනවා. අද අපිට තියෙන්නේ වෛද්‍ය දැනුම, පර්යේෂණ සහ නව පහසුකම්. ඒවා වගකීමෙන් පාවිච්චි කරන එකත් වැරැද්දක් නෙවෙයි.

අම්මා කෙනෙක්ව විනිශ්චය කරන්න කලින්, එයාගේ දවස කොහොමද ගෙවෙන්නේ කියලා හිතලා බලමු. රෑවල් ගණන් නිදි නැතුව, තමන්ගේ දරුවාට හොඳම දේ කරන්න උත්සාහ කරන හැම අම්මා කෙනෙක්ම ගෞරවයට වටිනවා.

අපි එකිනෙකාට උපදෙස් දෙමු. අත්දැකීම් බෙදාගමු. ඒත් විනිශ්චය කරන්න එපා. මොකද හොඳ අම්මා කෙනෙක් කියන්නේ අනිත් අය කියන විදිහට ජීවත් වෙන කෙනා නෙවෙයි. තමන්ගේ දරුවාට ගැලපෙන හොඳම දේ, දැනුමත් ආදරයත් එක්ක තෝරගන්න කෙනා. ❤️

ඔයාලගෙ අදහස මොනවගේද කියලා comment එකක් දාගෙන යන්න..