Sri Lanka Thawheed Jamath - SLTJ

හජ් උත්සව දිනවලදී කුර්බාන් වතාවත් බාධාවකින් තොරව ඉටු කිරීමට අවශ්‍ය පහසුකම් සලසන ලෙස ඉල්ලා ශ්‍රී ලංකා තව්හීත් ජමාත් (SLTJ) සංවිධානය විසින් ජනාධිපතිතුමා වෙත යොමු කරන ලද ලිපිය.
.................................

2026 අප්‍රේල් 29

ගරු අනුර කුමාර දිසානායක මැතිතුමා,
ජනාධිපති,
ශ්‍රී ලංකා ප්‍රජාතාන්ත්‍රික සමාජවාදී ජනරජය,
ජනාධිපති ලේකම් කාර්යාලය, කොළඹ 01.

ගරු ජනාධිපතිතුමනි,

පූජනීය වෙසක් සතිය තුළ යෙදෙන හජ් උත්සවයේ කුර්බාන් වතාවත් බාධාවකින් තොරව ඉටුකිරීම සහතික කරන ලෙස ඉල්ලා සිටීම.

ශ්‍රී ලංකාවේ බහුවිධභාවයට ගරු කරමින්, සියලු ජාතීන්ට තම අයිතිවාසිකම් භුක්ති විඳීමට ඔබතුමා ලබා දෙන නායකත්වය පිළිබඳව අපගේ ස්තූතිය පුද කර සිටිමු.

එළඹෙන මැයි මස 28 හෝ 29 යන දිනවල මුස්ලිම්වරුන්ගේ ශුද්ධ වූ හජ් උත්සවය සැමරීමට නියමිතය. මෙම කාලය රජය විසින් ප්‍රකාශයට පත් කර ඇති පූජනීය වෙසක් සතිය (මැයි 27 සිට ජූනි 2 දක්වා) සමඟ සමපාත වේ. මෙවැනි පසුබිමක් තුළ, හජ් උත්සවයේ වැදගත් ආගමික වතාවතක් වන 'කුර්බාන්' (උල්හියියා) ඉටු කිරීම සම්බන්ධයෙන් මුස්ලිම් ප්‍රජාව තුළ පවතින ඇතැම් කනස්සල්ලන් කෙරෙහි ඔබතුමාගේ අවධානය යොමු කිරීමට කැමැත්තෙමු.

ශ්‍රී ලංකා ආණ්ඩුක්‍රම ව්‍යවස්ථාව මගින් සහතික කර ඇති ආගමික නිදහස පදනම් කරගනිමින්, මෙම වතාවත් ඉටු කිරීමේදී පහත සඳහන් කරුණු සහතික කරන ලෙස ගෞරවයෙන් ඉල්ලා සිටිමු:

01. චක්‍රලේඛයක් නිකුත් කිරීම: කුර්බාන් වතාවත් ඉටු කිරීමේදී මුස්ලිම් ප්‍රජාවට කිසිදු බාධාවක් සිදු නොවන පරිදි, අවශ්‍ය ආරක්ෂාව සහ පහසුකම් සැලසීමට පොලිසියට සහ පළාත් පාලන බලධාරීන්ට උපදෙස් දෙමින් නිල චක්‍රලේඛයක් නිකුත් කිරීම.

02. තර්ජන වැළැක්වීම: ඇතැම් පාර්ශවයන් මෙම කාලසීමාව ප්‍රයෝජනයට ගනිමින් ආගමික හැඟීම් අවුස්සමින්, නීත්‍යානුකූල වූ මෙම වතාවත් වැළැක්වීමට උත්සාහ කිරීම වැළැක්වීම සඳහා නිසි ආරක්ෂක වැඩපිළිවෙළක් යෙදවීම.

වෙසක් සතියේ පූජනීයත්වය අපද ගරු කරමු. එලෙසම මුස්ලිම්වරුන්ගේ ආගමික අයිතිවාසිකම් ද ආරක්ෂා විය යුතු බව අපගේ අපේක්ෂාවයි. අතීතයේ පැවති අනවශ්‍ය නොසන්සුන්තාවන් මගහරවා ගනිමින්, මෙවර සියලු දෙනා අවබෝධයෙන් කටයුතු කිරීම සඳහා ඔබතුමාගේ සෘජු මැදිහත්වීම අත්‍යවශ්‍ය වේ.

මේ සම්බන්ධයෙන් ඔබතුමා දක්වන උනන්දුව, රටේ ජාතික සංහිඳියාව තවදුරටත් ශක්තිමත් කරනු ඇතැයි අපි විශ්වාස කරමු.

ස්තූතියි.
මෙයට විශ්වාසී,

M.F.M FASEEH

මහලේකම්,
ශ්‍රී ලංකා තව්හීත් ජමාත්.

SLTJ தலைமையகம் ஏற்பாடு செய்திருந்த ஆண்களுக்கான பேச்சாளர் பயிற்சி முகாம்!
=============================================
SLTJ தலைமையகம் ஏற்பாடு செய்திருந்த ஆண்களுக்கான பேச்சாளர் பயிற்சி முகாம்
25-26.04.2026 ஆகிய தினங்களில் SLTJ தலைமையகத்தில் சிறப்பாக நடைபெற்றது.

இதில் பல மாணவர்கள் பயன் பெற்றனர் மற்றும் இதில் பயிற்ச்சி பெற்ற மாணவர்கள் மூலம் தெருமுனை பிரச்சாரமும் செய்யப்பட்டது .

அல்ஹம்துலில்லாஹ்!