Lanka Morning

The One-China Principle: A Lesson in Political Reality
-By A Special Correspondent

LEN - www.lankaenews.com | The One-China Principle: A Lesson in Political Reality (Lanka-e-News -09.March.2025, 11.20 PM) The One-China Principle is not a matter of debate. It is a political reality, a historical fact, and an international legal framework upheld by the United Nations General Assembly Resolution 2758 (1971)....

ආගමික සංහිඳියාව බිඳින්න කුමන්ත්‍රණය කළ මහ මොළකරුවන් රැඟුම්පාලක මණ්ඩලයට කොලේ වහලා..! දැන් ඩීඅයිජීලාට නීතිපතියට කෝටි ගණන් අල්ලස් බෙදනවා..!
--------------------
බුද්ධාගමේ සාහිත්‍යමය කරුණු උපහාසයට ලක්කරමින් ආගමික සංහිඳියාව බිඳ දමන්නට කුමන්ත්‍රණය කළ මහ මොළකරුවන් සිය ගෝල බාලයන් වූ නතාෂා නමැත්තිය සහ බෲනෝ නමැත්තා පමණක් ඉදිරියට දමා තමන් බේරීම සඳහා කෝටි ගණනින් අල්ලස් බෙදමින් සිටින බව වාර්තා වේ.

රැඟුම් පාලක මණ්ඩලයට කොලේ වැහුවේ ඇයි?
--------------------
ඔවුන්ගේ 'මෝඩාභිමානය' යට පැහැදිලිවම කුමන්ත්‍රණයක් තිබූ බවට කරුණු කාරණා පසුගියදා අධිකරණයේ දී දිග හැරිණ. එහිදී නීතිඥයන්ගෙන් හෙළිවූ කරුණු අනුව 'මෝඩාභිමානය' ප්‍රසංගය සඳහා ප්‍රසිද්ධ රැඟුම් පාලක මණ්ඩලයේ අනුමැතිය ලබා ගැනීමේ දී ආන්දෝලනයට ලක් වූ නතාෂාගේ ප්‍රහසන කොටසේ පිටපත මණ්ඩලයට ඉදිරිපත් කර නැත. එය රඟදක්වා ඇත්තේ රැඟුම් පාලක මණ්ඩලයේ අනුමැතිය නැතිව ය. එසේ කෙළේ ඇයි? යන ප්‍රශ්නයේ දී පැහැදිලි වන්නේ ඔවුන් එය සිතා මතා කළ දෙයක් බවයි. අනෙක් අතට ප්‍රසංගයකට අනුමැතිය ලබා දීමෙන් පසු එය ඒ ආකාරයෙන්ම රඟ දක්වන්නේ දැයි පරීක්ෂා කිරීමට රැඟුම් පාලක මණ්ඩලයේ නිලධාරියෙකු පැමිණෙන නමුත් මෙහිදී එවැනි නිලධාරියෙක් පැමිණ තමන් දුන් අනුමැතියට පිටින් ක්‍රියා කර ඇති බව වාර්තා නොකෙළේ ඇයි? මේ මහ මොළකරුවන්ට ඇති පදම් මුදල් තිබෙන නිසා ඒ නිලධාරියාවත් අල්ලසට යට කර ගත්තාද?

ජෙරොම්ගේ ආන්දෝලනයත් සමග වීඩියෝව දැම්මේ ඇයි?
------------------
එසේම අප්‍රේල් 1 වැනිදා රංගගත කළ දර්ශනයක වීඩියෝව ඉන් මාස දෙකකට ආසන්න කාලයක් ගත වී පාස්ටර් ජෙරොම්ගේ කුපිතකාරී කතාවත් සමග අන්තර්ජාලයට එක්කෙළේ ඇයි? එය ද සිතා මතා ආගමික සංහිඳියාව බිඳ දැමීමට කළ කුමන්ත්‍රණකාරී ක්‍රියාවක් නොවේද?

ඩීඅයිජීලා දෙදෙනෙකුට සහ නීතිපතියේ අයට කෝටි ගණන් අල්ලස්..
----------------
දැන් නතාෂා සහ බෲනෝ අත් අඩංගුවට පත් වී ඇති නමුත් එහි මහ මොළකරුවෝ සැඟවී සිටිති. වාර්තා වන අන්දමට සීඅයිඩී පරීක්ෂණ බෲනෝගෙන් එපිටට යෑම වැළැක්වීම සඳහා පොලිසියේ ඩීඅයිජීලා දෙදෙනෙකුට සහ නීතිපති දෙපාර්තමේන්තුවේ ඉහල නීතිඥයන් පිරිසකට අද දිග හැර කෝටි ගණනින් අල්ලස් බෙදමින් සිටිතැයි ආරංචි මාර්ග සඳහන් කරයි.

අල්ලසට යටවූවෝ ආගමික සංහිඳියාව බිඳ දමන්නට කුමන්ත්‍රණය කළ කළු සල්ලිකාර මහ මොළකරුවන්ට නීතියෙන් ගැලවී යෑමට ඉඩ දෙන්නේ දැයි ජනතාව අවදියෙන් බලා සිටිති.

නීතිඥවරියක් අභිරහස් ලෙස ඝාතනය කෙරේ..!!

පැල්මඬුල්ල සහ රත්නපුර මහේස්ත්‍රාත් අධිකරණවල නීතිඥවරියක ලෙස කටයුතු කළ දුෂ්මන්ති අබේරත්න (40) මහත්මියගේ සිරුර ඇයගේ නිඳන කාමරයේ ඇඳ මත පසුගියදා (31) උදෑසන තිබූ බව පැල්මඬුල්ල පොලිසිය පවසයි. නීතිඥවරියගේ සැමියා ඊට පෙර දින (30) රාත්‍රි සිට නිවෙසේ නොසිටි බව ඔහු පොලිසියට ප්‍රකාශයක් දී ඇති අතර, මේ නිවෙසට පැමිණ උදයේ සිට පස්වරුව තෙක් සේවය කරන මෙහෙකාර කාන්තාවකගෙන්ද පොලිසිය ප්‍රකාශයක් ගෙන ඇත. නිවෙසේ බඩුමුට්ටු කිහිපයක් විසිරි තිබූ බව ඇය පොලිසියට පවසා තිබේ.

පැල්මඬුල්ල මහේස්ත්‍රාත්වරයා නීතිඥවරියගේ නිවෙසට පැමිණි ස්ථානීය පරීක්ෂණය සිදු කළ අතර, එහිදී ප්‍රදේශවාසි කාන්තාවක්ද මහේස්ත්‍රාත්වරයා ඉදිරියේ ප්‍රකාශයක් දුන්නාය. මේ මරණය සැක සහිත බව නීතිඥවරියගේ පවුලේ අය පැල්මඬුල්ල පොලිසියට දැනුම් දී ඇත. එම පවුලේ අයකුට මියගිය නීතිඥවරිය විසින් පෙරේදා රාත්‍රියේ යොමු කළ කෙටි පණිවිඩයක් කෙරෙහිද පොලිසියේ අවධානය යොමු වී ඇති අතර, ඇයට සිදු වූ පහර දීමක් ගැන තොරතුරු එහි සඳහන් බව පොලිසිය පවසයි. නීතිඥවරියගේ සිරුර (31) දහවල් අධිකරණ වෛද්‍ය පරීක්ෂණය සඳහා කහවත්ත මූලික රෝහලට රැගෙන එනු ලැබූ අතර, එහිදී ලැබෙන නිගමනය අනුව ඉදිරි පරීක්ෂණ සිදු කරන බව පැල්මඬුල්ල පොලිසිය පවසයි. පැල්මඬුල්ල පොලිසියේ ස්ථානාධිපති, පොලිස් පරීක්ෂක ධම්මික නවරත්න මහතාගේ මෙහයවීමෙන් පරීක්ෂණ සිදු කෙරේ.

අපි ඔක්කොම එකතු වෙලා මේ පොඩි එකාව බේරගමු.. ඒකට අපිට උදව් කරන්න..😞🙏
මග රැකන් ඉදලා නුවර යන නැදුන්ගමුවේ රාජට කෑම දුන්න වගේ අනුරාධපුරේ දයාංජනට කෑම ටිකක් යවමුද?

දයාංජනට කෑම අරන් ලොරියක් හෙට මීගොඩ ඉදන් අනුරාධපුරේ යනවා.....

යන පාර....

මීගොඩ,හංවැල්ල,නුවරපාර,කුරුනෑගල,හබරණ හරහා කැබිතිගොල්ලෑවට

ඔබ මේ මාර්ගයේ අවට කෙනෙක් නම් පහත අංකයට කතා කරලා ලොරිය සම්බන්ධ කරගෙන කෑම ටිකක් දෙන්න පුළුවන්ද?
නැදුන්ගමුවේගේ පරපුරේ ඇත් පැටියෙක් බේරගන්න නැදුගමුවට කෑම දීලා සැලකුවා වගේ මේ පොඩි එකාටත් සලකමු.

ඒක අප අතරින් වෙන් වෙලා ගියපු රාජටත් පිනක් සිද්ද වෙන වැඩක්......

ඒ නිසා කතා කරල සම්බන්ධ කරගන්න

Kalum - 0773793491

🏠️ ගෙදර වහලෙන් වතුර වැක්කෙරෙන හිලක් රෙපෙයාර් කරන්න බාස් කෙනෙකුට එන්න කියනවා...

⚠️️ බාස් ආපු ගමන්ම ගෙදර පදිංචි කාරයොන්ට හොඳටම බනිනවා, "අවුරුදු 71 එකක් පරණ ගෙදරක් හරියට maintain කරගන්න බැරි උනා නේ..." කියලා.

දැන් බාසා කවුරුත් කියන දෙයක් අහන්නෙ නැතුව තනියමම වහලේ හිල වහන්න හදනවා.
මේකා පණ්ඩිත කමට වැරදි කුඤඟයක් ගලවලා එකපාරටම වහල කඩා පාත් වෙනවා.
ගෙදර පදිංචි කාරයෝ ඉක්මනට පැනලා, කොහොම හරි වහලේ බිමට නොවැටි තියෙන්න මුක්කු ගහලා අල්ල ගන්නවා.

😡"උඹට ඕක කරන්න බැරිනං පලයං"...

ගෙදර පොඩිම එකා කෑ ගහලා කිව්වා.
බාසා ඊළඟට, උගේ පරණ යාළුවෙකුටත් එන්න කිව්වා "අත්දැකීම් වලින් ප්‍රයෝජන අරගෙන" වැඩේ ගොඩ දාන්න.

අත් උදව්ව⁣ට ආපු එකා, කිසි වැඩක් කරන්නෙ නෑ.
ඌ ගෙදර දිහා බලාගෙන සැරින් සැරේට ප්‍රකාශ නිකුත් කරනවා විතරයි.

"මට පේන හැටියට මුදුන් ලීය දිරලා"

"දැනට තියෙන උළු කැට වහල සම්පූර්ණයෙන් වහන්න ප්‍රමාණවත් නැහැ"

"ඉස්සරහට එන වැහි කාලෙදි ගෙදර හැමෝටම තෙමෙන්න ලෑස්ති වෙන්න වේවි"

"අල්ලපු ගෙදරින් කුඩ කිහිපයක් ඉල්ලගෙන ඉන්න වේවි"

"හැකි සෑම කෙනෙක්ම තමන්ගේ ඔළුවට උඩින් ඉටි රෙද්දක් දාගන්න"

මේ අළුත් බාසා, මෙලෝ වැඩක් කරන්නෙ නැතුව, දිගටම ඔය වගේ දෙවල් කියවනවා.

මේක බලාගෙන ඉන්න බැරුව, ගෙදර පොඩි එවුන් තව හයියෙන් කෑ ගහලා කියනවා "යකුනේ, තව මේක වන කරන්නෙ නැතුව දෙන්නම පල. අපි මේක බලා ගන්නම්" කියලා.

මේක අහපු ලොකු බාස් කියනවා... "ෆේල් වෙච්ච බාස් කෙනෙක් හැටියට මම මෙතනින් යන්නෙ නෑ" කියලා.

හෙට අනිද්දා මෝසම සක්‍රිය වෙනවා.
මේ ගෙදර වහලේ, ඒකේ ජීවත් වෙන උන්ගේ ඔළු උඩට කඩා වැටෙනකන් මේ බාස්ලා දෙන්නා අඳුරේ අතපත ගානවා.

ගෙදරකට ගිය කලක්... අනිච්චේ.... 🙄🤔🧐