Red Ant Entertainment

31/12/2019

2020 සියලු දෙනාටම වාසනාවන්ත නව වසරක් වේවා....
❤️❤️🌷🌷🌷🙏🙏🙏🙏

16/07/2019

*පින්බර ඇසළ පුන් පොහොය දිනයක් වේවා*

ලෝවැසි බොදු ජනයාට ඇසළ පොහොය වැදගත් වන කරුණු කිහිපයකි. ඉන් පළමුවැන්න ලෙස හැඳින්විය හැක්කේ සිදුහත් කුමරා මහාමායා දේවියගේ කුසෙහි පිළිසිඳ ගැනීමයි.

බෝසත් කුමරා ගිහිගෙයින් නික්ම යාමට (අභිනිෂ්ක්‍රමණය) සමගාමීවම රාහුල කුමරාගේ උපත සිදුවූයේද ඇසළ පුන් පොහෝදාකය.

බුද්ධත්වයට පත්වීමෙන් අනතුරුව ප්‍රථම ධර්ම දේශනාව උදෙසා (ධම්මචක්කපවත්තන සූත්‍රය) පස්වග තවුසන් (කොණ්ඩඤ්ඤ, වප්ප, භද්දිය, මහානාම, අස්සජි යන තවුසන්) ‍ෙසායාගෙන බරණැස ඉසිපතනයේ මිගදායට බුදුහිමියන් වැඩම කරන ලද්දේද ප්‍රථම ධර්ම දේශනය පැවැත්වූයේද ඇසළ පුන් පොහෝය දිනකය.

බුදුරජාණන් වහන්සේගේ ප්‍රථම වස් විසීම සිදුවූයේද ඇසළ පුන් පොහෝ දිනයකදීය. එමෙන්ම සංඝයා වහන්සේගේ පෙරවස් එළඹීමද මෙම පොහොයේදී සිදුකරයි.

බුදුරජුන් තව්තිසා දෙව්ලොවට වැඩමකොට මහාමායා දේවියගේ දේව උප්පත්තිය වූ මාතෘ දිව්‍යරාජයා ප්‍රමුඛ දෙවියන් උදෙසා අභිධර්මය දේශනා කරන ලද්දේද ඇසළ පොහොය දිනයේදීය. ප්‍රථම ධර්ම සංගායනාව පැවැත්වීමට කටයුතු ආරම්භ කිරීමද මෙම පොහොයේදී සිදුවිය.

අපේ රටේ මහනුවර දළදා පෙරහර සහ සතර මහා දේවාල පෙරහර රුහුණු කතරගම මහා දේවාලයේ පෙරහර ගඩලාදෙනි පෙරහර, මැදවල පෙරහර, බෙල්ලන්විල පෙරහර, ගල්ගමුව පෙරහර ආදී බොහෝ ප්‍රධාන පෙරහර මෙම මාසය තුළදී පවත්වනු ලැබේ.
ඔබ සැමට සම්මා සම්බුදු සරණයි.!!